ਸੰਤੋਖ ਸਿੰਘ ਛੋਕਰ ਦੱਖਣੀ ਬਕਿੰਘਮਸ਼ਾਇਰ ਦੇ ਪਹਿਲੇ ਦਸਤਾਰਧਾਰੀ ਮੇਅਰ ਬਣੇ

<p>ਸੰਤੋਖ ਸਿੰਘ ਛੋਕਰ<br></p>

ਲੰਡਨ (ਮਨਪ੍ਰੀਤ ਸਿੰਘ ਬੱਧਨੀ ਕਲਾਂ)- ਲੰਡਨ ਦੇ ਪ੍ਰਸਿੱਧ ਵਕੀਲ ਅਤੇ ਕੌਂਸਲਰ ਸੰਤੋਖ ਸਿੰਘ ਛੋਕਰ ਦੱਖਣੀ ਬਕਿੰਘਮਸ਼ਾਇਰ ਦੇ ਪਹਿਲੇ ਦਸਤਾਰਧਾਰੀ ਸਿੱਖ ਮੇਅਰ ਚੁਣੇ ਗਏ ਹਨ। 2011 ਤੋਂ ਬੌਤਰ ਡਿਪਟੀ ਮੇਅਰ ਦੇ ਅਹੁਦੇ ਤੇ ਸੇਵਾਵਾਂ ਦੇਣ ਵਾਲੇ ਛੋਕਰ 2007 ਵਿੱਚ ਜ਼ਿਲ੍ਹਾ ਕੌਂਸਲਰ ਬਣੇ ਸਨ। ਨਿਯੁਕਤੀ ਤੋਂ ਬਾਅਦ ਮੀਡੀਆ ਨਾਲ ਗੱਲ ਕਰਦਿਆਂ ਮੇਅਰ ਸੰਤੋਖ ਸਿੰਘ ਛੋਕਰ ਨੇ ਕਿਹਾ ਮੈਨੂੰ ਖੁਸ਼ੀ ਹੈ ਕਿ ਇਸ ਅਹੁਦੇ 'ਤੇ ਸੇਵਾਵਾਂ ਦੇਣ ਦਾ ਮੌਕਾ ਮਿਲਿਆ ਹੈ, ਮੈਂ ਬਕਿੰਘਮਸ਼ਾਇਰ ਦੇ ਵਿਕਾਸ ਅਤੇ ਖੁਸ਼ਹਾਲੀ ਲਈ ਪੂਰੀ ਕੋਸ਼ਿਸ਼ ਕਰਾਂਗਾ।  ਸੰਤੋਖ ਸਿੰਘ ਛੋਕਰ ਮਿਡਲਸੈਕਸ ਲਾਅ ਸੁਸਾਇਟੀ, ਨੈਸ਼ਨਲ ਯੁਨੀਅਨ ਆਫ ਏਸ਼ੀਅਨ ਸਟੂਡੈਂਟਸ, ਚੇਅਰਮੈਨ ਆਫ ਸਿੱਖ ਮਿਸ਼ਨਰੀ ਸੁਸਾਇਟੀ ਆਦਿ ਦੇ ਅਹੁਦਿਆਂ ਤੇ ਰਹਿ ਕੇ ਅਹਿਮ ਭੂਮਿਕਾਵਾਂ ਨਿਭਾਅ ਚੁੱਕੇ ਹਨ।