Leading Punjabi Newspapers of CANADA & USA

1986 ਤੋਂ ਚੜ੍ਹਦੀ ਕਲਾ ਅਤੇ ਅਕਾਲ ਗਾਰਡੀਅਨ ਅਖਬਾਰਾਂ ਰਾਹੀਂ ਕੈਨੇਡਾ-ਅਮਰੀਕਾ ਦੇ ਪੰਜਾਬੀਆਂ ਦੀ ਸੇਵਾ ਵਿੱਚ

ਪੰਜਾਬ ਦੀ ਕਿਸਾਨੀ ਦਾ ਹਨੇਰਾ ਭਵਿੱਖ

Posted on July 4th, 2020

ਆਹ ਜਿਹੜੇ ਕਿਸਾਨ ਘਰਾਂ ਵਿੱਚ ਸਰਕਾਰ ਤੋਂ ਡਰਦੇ ਲੁਕ ਕੇ ਬੈਠੇ ਹਨ। ਅਗਲਿਆਂ ਤੁਹਾਨੂੰ ਮਰਿਆ ਸਮਝ ਕੇ ਤੁਹਾਡੀ ਖੇਤੀ ਮੰਡੀ ਤੋੜ ਦਿੱਤੀ, ਨਾ ਕਣਕ ਸਰਕਾਰੀ ਵਿਕਣੀ ਨਾ ਝੋਨਾ, ਉੱਤੋਂ ਬਿਜਲੀ ਪ੍ਰਾਈਵੇਟ ਕਰਕੇ ਮੋਟਰਾਂ 'ਤੇ ਬਿੱਲ ਲੱਗ ਜਾਣੇ। 

ਓ ਬਾਈ! ਤੁਹਾਡਾ ਕਿੱਤਾ ਖ਼ਤਮ ਹੋਣ ਜਾ ਰਿਹਾ, ਦਾਦਿਆਂ-ਬਾਬਿਆਂ ਦੀਆਂ ਬਣਾਈਆਂ ਜ਼ਮੀਨਾਂ ਵਿੱਚੋਂ ਤੁਹਾਨੂੰ ਸਾਜਿਸ਼ ਨਾਲ ਬਾਹਰ ਕੱਢਿਆ ਜਾ ਰਿਹਾ। ਪਹਿਲੇ ਇੱਕ ਦੋ ਸਾਲ ਤੁਹਾਨੂੰ ਚੰਗਾ ਭਾਅ ਦੇਣਗੇ, ਤੁਸੀਂ ਖੁਸ਼ ਹੋ ਜਾਣਾ ਕਿ ਜਥੇਬੰਦੀਆਂ ਐਵੇਂ ਭਕਾਈ ਮਾਰਦੀਆਂ ਸਨ, ਤੁਸੀਂ ਇਸ ਸਭ ਦਾ ਵਿਰੋਧ ਨਹੀਂ ਕਰੋਗੇ। ਫਿਰ ਹੌਲੀ-ਹੌਲੀ ਵਪਾਰੀ ਵਰਗ ਆਪਣਾ ਰੰਗ ਵਿਖਾਵੇਗਾ, ਤੁਹਾਡੀਆਂ ਫ਼ਸਲਾਂ ਮਨ ਮਰਜ਼ੀ ਨਾਲ ਖਰੀਦਣਗੇ।

ਤੁਹਾਨੂੰ ਵੱਧ ਠੇਕਾ ਦੇਣ ਦੀ ਵੱਡੀਆਂ ਕੰਪਨੀਆ ਵੱਲੋਂ ਆਫਰ ਆਵੇਗੀ, ਤੁਸੀਂ ਮਜਬੂਰਨ ਆਪਣੀ ਜ਼ਮੀਨ 5-10 ਸਾਲ ਲਈ ਲਿਖਤੀ ਠੇਕੇ 'ਤੇ ਦੇ ਦਿਉਂਗੇ। ਹੁਣ ਤੁਸੀਂ ਠੇਕੇ ਤੋਂ ਮਿਲੇ ਪੈਸੇ ਘਰੇਲੂ ਲੋੜਾਂ ਵਿਆਹ, ਜੀਣੇ-ਮਰਨੇ ਵਗ਼ੈਰਾ ਵਿੱਚ ਖ਼ਰਚ ਕਰ ਚੁੱਕੇ ਹੋਵੋਗੇ। 

ਤੁਸੀਂ ਬੇਰੋਜ਼ਗਾਰ ਹੋ, ਕੰਪਨੀਆਂ ਜਿਨ੍ਹਾਂ ਨੂੰ ਤੁਸੀਂ ਜ਼ਮੀਨ ਠੇਕੇ ਤੇ ਦਿੱਤੀ ਸੀ, ਉਨ੍ਹਾਂ ਨੂੰ ਲੋਕਲ ਲੇਬਰ ਦੀ ਲੋੜ ਹੋਵੇਗੀ। ਤੁਸੀਂ ਹੁਣ ਕਿਸੇ ਦੇ ਖੇਤ ਵਿੱਚ ਮਜ਼ਦੂਰੀ ਤਾਂ ਕਰਨ ਨਹੀਂ ਜਾਉਗੇ, ਆਪਣੇ ਹੀ ਖੇਤਾਂ ਵਿੱਚ ਮਜ਼ਦੂਰੀ ਕਰਨ ਲਈ ਮਜਬੂਰ ਹੋ ਜਾਉਗੇ। 

ਚਲੋ ਇਹ ਤਾਂ ਕਹਿਣ ਜੋਗੇ ਹੋ ਜਾਉਗੇ ਕਿ ਮੈਂ ਕਿਹੜਾ ਕਿਸੇ ਦੇ ਖੇਤ ਵਿੱਚ ਕੰਮ ਕਰਦਾਂ ਆਪਣੇ ਹੀ ਖੇਤਾਂ ਵਿੱਚ ਕੰਮ ਕਰ ਰਿਹਾਂ। ਛੋਟੇ ਕਿਸਾਨ 5-7 ਏਕੜ ਵਾਲੇ ਕਿਸਾਨ ਜਲਦ ਹੀ ਜ਼ਮੀਨਾਂ ਵੇਚਕੇ ਵਿਹਲੇ ਹੋ ਜਾਣਗੇ ਤੇ ਬਾਕੀ ਵੀ ਹੌਲੀ-ਹੌਲੀ ਇਸ ਸਿਲਸਿਲੇ ਤਹਿਤ ਬਾਹਰ ਹੁੰਦੇ ਜਾਣਗੇ। 

ਓ ਭਰਾਵੋ! ਇਹ ਤੁਹਾਡੇ ਅਤੇ ਤੁਹਾਡੀਆਂ ਨਸਲਾਂ ਨੂੰ ਹੌਲੀ-ਹੌਲੀ ਮੁਨਾਫ਼ਾਖੋਰੀ ਦੀ ਆੜ ਹੇਠਾਂ ਉਜਾੜ ਦੇਣਗੇ, ਫਿਰ ਤੁਸੀਂ ਵਿਰੋਧ ਕਰਨ ਦੀ ਸੋਚੋਗੇ ਪਰ ਉਦੋਂ ਬਹੁਤ ਦੇਰ ਹੋ ਚੁੱਕੀ ਹੋਵੇਗੀ। ਲੋੜ ਅੱਜ ਹੈ ਇਹਨਾਂ ਕਿਸਾਨ ਮਾਰੂ ਐਕਟਾਂ ਦਾ ਵਿਰੋਧ ਕਰਨ ਦੀ। 

ਤੁਸੀਂ ਇਹ ਨਾ ਸੋਚੋ ਕਿ ਫਲਾਣਾ ਬੰਦਾ ਵਿਹਲਾ ਘਰੋਂ ਤੁਰ ਪੈਂਦਾ ਯੂਨੀਅਨ ਵਾਲਿਆਂ ਨਾਲ, ਅਸਲ ਵਿੱਚ ਉਸਨੂੰ ਤੁਹਾਡੇ ਨਾਲੋਂ ਪਹਿਲਾਂ ਇਸ ਸਾਰੇ ਹੋਣ ਵਾਲੇ ਵਤੀਰੇ ਬਾਰੇ ਸਮਝ ਆ ਗਈ ਹੈ। ਬਾਕੀ ਤੁਹਾਡਾ ਸ਼ਾਨਾਂਮੱਤਾ ਇਤਿਹਾਸ ਤੁਹਾਨੂੰ ਹਲੂਣੇ ਦੇ ਰਿਹਾ ਹੈ, ਕੋਈ ਅੱਜ ਜਾਗ ਪਿਆ ਕੋਈ ਭਲਕੇ। 

ਇੱਕ ਸਾਜਿਸ਼ ਤਹਿਤ ਪੰਜਾਬ ਦੀ ਧਰਤੀ ਅਤੇ ਪਾਣੀਆਂ ਨੂੰ ਜਬਤ ਕਰਨ ਦੇ ਮਨਸੂਬੇ ਤਿਆਰ ਹਨ, ਪੂਰੀ ਦੁਨੀਆਂ ਵਿੱਚ ਕਿੱਧਰੇ ਵੀ ਪੰਜਾਬ ਦੀ ਧਰਤੀ ਅਤੇ ਪਾਣੀਆਂ ਵਰਗਾ ਕੋਈ ਦੇਸ਼, ਸੂਬਾ ਨਹੀਂ। ਓ ਭਰਾਵੋ! ਨਿਕਲੋ ਘਰਾਂ ਤੋਂ ਬਾਹਰ, ਬਚਾਅ ਲਉ, ਜੇ ਬਚਾਅ ਹੁੰਦਾ ਆਪਣਾ ਕਿੱਤਾ, ਕਿਸਾਨੀ ਤੇ ਪੰਜਾਬ ਨੂੰ। 

- ਲਿਖਤ: ਸ ਸਤਨਾਮ ਸਿੰਘ ਡਾਲੇਕੇ, ਪ੍ਰਧਾਨ ਕਿਸਾਨ ਸੰਘਰਸ਼ ਕਮੇਟੀ



Archive

RECENT STORIES

ਕੈਨੇਡਾ ਦੀ ਰੌਇਲ ਬੈਂਕ ਵਲੋਂ ਪੰਜਾਬੀ 'ਚ ਐਪ 'ਤੇ ਸੇਵਾਵਾਂ ਹਾਜ਼ਰ

Posted on August 14th, 2020

ਮਹਿਲਾ ਪੱਤਰਕਾਰ ਨੂੰ ਕੱਟੜ ਹਿੰਦੂਤਵੀ ਵਲੋਂ ਧੋਤੀ ਲਾਹ ਕੇ ਲਿੰਗ ਦਿਖਾਉਣਾ.......ਕੀ ਇਹ ਹੈ ਰਾਮ ਰਾਜ

Posted on August 14th, 2020

ਸਹੋਤਾ ਐਂਡ ਸਹੋਤਾ ਸ਼ੋਅ: ਵੀਰਵਾਰ 13 ਅਗਸਤ 2020 / Sahota and Sahota Show: Thursday Aug 13th 2020

Posted on August 14th, 2020

ਬੀਸੀ ਤੋਂ ਵਿਧਾਇਕ ਰਵੀਂ ਕਾਹਲੋਂ ਨੇ ਕਸ਼ਮੀਰ ਮਸਲੇ `ਤੇ ਯੂ ਐਨ ਨੂੰ ਖਤ ਲਿਖਿਆ

Posted on August 14th, 2020

ਪਾਕਿਸਤਾਨੀ ਹਿੰਦੂ ਪਰਿਵਾਰ ਦੇ ਤਿੰਨ ਜੀਆਂ ਦੀ ਕੈਨੇਡਾ 'ਚ ਡੁੱਬ ਕੇ ਮੌਤ

Posted on August 13th, 2020

Surrey Police Board launches national search for Chief of Police

Posted on August 13th, 2020

ਸਵਦੇਸ਼ੀ ਦਾ ਮਤਲਬ ਹਰ ਵਿਦੇਸ਼ੀ ਸਾਮਾਨ ਦਾ ਬਾਈਕਾਟ ਕਰਨਾ ਨਹੀਂ- ਮੋਹਨ ਭਾਗਵਤ

Posted on August 13th, 2020

ਸਹੋਤਾ ਐਂਡ ਸਹੋਤਾ ਸ਼ੋਅ: ਬੁੱਧਵਾਰ 12 ਅਗਸਤ 2020 / Sahota and Sahota Show: Wednesday Aug 12th 2020

Posted on August 13th, 2020

ਪੰਜਾਬ 'ਚ ਕਰੋਨਾ ਕਾਰਨ 24 ਘੰਟਿਆਂ ਦੌਰਾਨ 39 ਮੌਤਾਂ

Posted on August 12th, 2020

ਸਹੋਤਾ ਐਂਡ ਸਹੋਤਾ ਸ਼ੋਅ: ਮੰਗਲਵਾਰ 11 ਅਗਸਤ 2020 / Sahota and Sahota Show: Tuesday Aug 11th 2020

Posted on August 12th, 2020

ਸਹੋਤਾ ਐਂਡ ਸਹੋਤਾ ਸ਼ੋਅ: ਸੋਮਵਾਰ 10 ਅਗਸਤ 2020 / Sahota and Sahota Show: Monday Aug 10th 2020

Posted on August 12th, 2020

ਗੋਬਿੰਦ ਰਾਮਾਇਣ ਮਾਮਲੇ 'ਤੇ ਡਾ : ਉਦੋਕੇ ਨੇ ਦਿੱਤੀ ਚੁਨੌਤੀ-ਸੰਘ ਤੇ ਇਕਬਾਲ ਸਿੰਘ ਨੂੰ ਖੁੱਲ੍ਹੀ ਬਹਿਸ ਦਾ ਸੱਦਾ

Posted on August 12th, 2020