Leading Punjabi Newspapers of CANADA & USA

1986 ਤੋਂ ਚੜ੍ਹਦੀ ਕਲਾ ਅਤੇ ਅਕਾਲ ਗਾਰਡੀਅਨ ਅਖਬਾਰਾਂ ਰਾਹੀਂ ਕੈਨੇਡਾ-ਅਮਰੀਕਾ ਦੇ ਪੰਜਾਬੀਆਂ ਦੀ ਸੇਵਾ ਵਿੱਚ

ਕਰੋਨਾ ਵਾਇਰਸ ਬਨਾਮ ਬੀਸੀ 'ਚ ਘਰਾਂ ਦੀ ਮਾਰਕੀਟ

Posted on July 29th, 2020

ਪਿਛਲੇ ਸਾਲ ਜਾਣੀਕਿ 2019 ‘ਚ ਕਈ ਵਾਰ ਲਿਖਿਆ/ਬੋਲਿਆ ਕਿ ਘਰਾਂ ਦੀ ਕੀਮਤ ਸਰੀ/ਡੈਲਟਾ/ਲੈਂਗਲੀ/ਐਬਸਫੋਰਡ ‘ਚ ਨਹੀਂ ਡਿਗਣੀ, ਟਿਕੀ ਰਹਿ ਸਕਦੀ, ਜਿਹੜੇ ਲੋਕ ਘਰ ਖਰੀਦਣਾ ਚਾਹੁੰਦੇ ਹਨ, ਖਰੀਦ ਲੈਣ।

ਕਈਆਂ ਨੇ ਖਰੀਦ ਲਏ ਤੇ ਕਈ ਕੀਮਤਾਂ ਡਿਗਣ ਦੀ ਉਡੀਕ ਕਰਦੇ ਰਹੇ, ਹਾਲੇ ਤੱਕ ਨਹੀਂ ਲੈ ਹੋਇਆ।

ਫਿਰ ਨਵਾਂ ਸਾਲ ਚੜ੍ਹਦਿਆਂ ਕਰੋਨਾ ਆ ਗਿਆ। ਸਭ ਕੁਝ ਖੜ੍ਹ ਗਿਆ, ਮੇਰੇ ਸਮੇਤ ਲਗਭਗ ਸਭ ਨੂੰ ਲੱਗਾ ਕਿ ਜੇ ਕੋਈ ਘਰ ਸਸਤਾ ਮਿਲਦਾ ਤਾਂ ਲੈ ਲਓ ਪਰ ਰੇਟ ਉਪਰ ਚੁੱਕ ਕੇ ਲੈਣ ਵਾਲਾ ਸਮਾਂ ਨੀ ਜਾਪਦਾ। ਪਰ ਹੋਇਆ ਉਲਟ, ਕਰੋਨਾ ਸਮੇਂ ਘਰ ਹੱਥੋਂ-ਹੱਥੀ ਵਿਕਦੇ ਰਹੇ। ਇਹ ਨਿੱਜੀ ਤਜ਼ਰਬਾ ਵੀ ਰਿਹਾ।

ਪਿਛਲੇ ਤਿੰਨ-ਚਾਰ ਮਹੀਨੇ ਤੋਂ ਤਾਂ ਘਰ ਵਿਕਣ ਵਾਲਾ ਤਾਂਤਾ ਟੁੱਟ ਗਿਆ। ਰਿਐਲਟਰ ਪਹਿਲਾਂ ਵਾਂਗ ਓਪਨ ਹਾਊਸ ਖੁੱਲ੍ਹ ਕੇ ਹਾਲੇ ਲਾ ਨਹੀਂ ਸਕਦੇ, ਫਿਰ ਵੀ ਮਲਟੀਪਲ ਆਫਰਾਂ ‘ਚ ਘਰ ਲੱਗੀ ਕੀਮਤ ਨਾਲ਼ੋਂ ਵੱਧ ਵਿਕਣ ਲੱਗੇ। ਜਿਹੜਾ ਘਰ ਪਿਛਲੇ ਸਾਲ 9 ਕੁ ਲੱਖ ਦਾ ਮਿਲਦਾ ਸੀ, ਓਹਨੂੰ ਹੁਣ 1 ਮਿਲੀਅਨ ‘ਚ ਵੀ ਹੱਥ ਨਹੀਂ ਪੈ ਰਿਹਾ। ਜਿਹੜੇ ਖਰੀਦਦਾਰ 2019 'ਚ ਸੁਸਤ ਹੋ ਗਏ ਸਨ, ਉਹ ਹੁਣ ਗਰਮ ਹੋਏ ਫਿਰਦੇ। ਜਨਵਰੀ 'ਚ ਲੋਕ ਲਾਟਾਂ ਵੰਡਦੇ ਫਿਰਦੇ ਸਨ, 4 ਮਹੀਨੇ ਹੋ ਗਏ, ਫਿਰ ਲੱਭਦੇ ਫਿਰਦੇ ਹਨ, ਸਭ ਕੁਝ ਸੀਰਨੀ ਹੋ ਗਿਆ।

ਸਿਆਣਿਆਂ ਦੀ ਆਖੀ ਗੱਲ ਸਹੀ ਸਾਬਤ ਹੋਈ ਕਿ ਖੜੇ ਟਾਂਗੇ 'ਤੇ ਕੋਈ ਨੀ ਚੜ੍ਹਦਾ ਤੇ ਤੁਰ ਪਏ 'ਤੇ ਮਗਰ ਭੱਜ ਭੱਜ ਚੜ੍ਹਦੇ। ਜਿਹੜੇ ਖੜ੍ਹੇ ਟਾਂਗੇ 'ਤੇ ਚੜ੍ਹ ਗਏ, ਉਹ ਚੰਗੇ ਰਹਿ ਗਏ।

ਇਹੀ ਹਾਲ ਟਰਾਂਟੋ, ਸਿਆਟਲ, ਕੈਲੇਫੋਰਨੀਆ ਦੱਸਦੇ। ਸੁਨਿਆਰੇ ਕਹਿੰਦੇ ਲੋਕ ਧੜਾਧੜ ਸੋਨਾ ਖਰੀਦੀ ਜਾ ਰਹੇ ਹਨ। ਕਰੋਨਾ ਦਾ ਅਸਰ ਕਿੱਥੇ ਹੋਇਆ? ਇਹ ਇੱਕ ਬੁਝਾਰਤ ਹੀ ਬਣ ਗਈ ਹੈ।

ਜਿਸ ਹਿਸਾਬ ਹਾਲਾਤ ਹਨ, ਜੇਕਰ ਅਗਲੇ ਮਹੀਨੇ ਕਰੋਨਾ ਦੀ ਦਵਾਈ ਆ ਗਈ ਤੇ ਸਤੰਬਰ ਤੱਕ ਆਉਣ-ਜਾਣ ਖੁੱਲ੍ਹ ਗਿਆ, ਗਰੇਟਰ ਵੈਨਕੂਵਰ ਤੇ ਗਰੇਟਰ ਟਰਾਂਟੋ ‘ਚ ਘਰਾਂ ਦੀ ਮਾਰਕੀਟ ਨੇ ਜਾਪਦਾ ਕਿ ਹੋਰ ਗਰਮ ਹੋ ਜਾਣਾ। ਜਿਹੜੇ ਲੈ ਗਏ, ਉਹ ਖੁਸ਼ ਹਨ ਤੇ ਜਿਹੜੇ ਹਾਲੇ ਭਾਅ ਕਰਦੇ ਫਿਰਦੇ ਹਨ, ਉਨ੍ਹਾਂ ਦਾ ਕਿਤੇ ਹੱਥ ਨਹੀਂ ਪੈ ਰਿਹਾ। ਜਦ ਨੂੰ ਉਹ 20-25 ਹਜ਼ਾਰ ਹੋਰ ਲਾ ਦੇਣ ਦਾ ਮਨ ਬਣਾਉਂਦੇ ਹਨ, ਉਦੋਂ ਨੂੰ 20-25 ਹਜ਼ਾਰ ਦਾ ਜੰਪ ਹੋਰ ਵੱਜ ਜਾਂਦਾ।

ਮਹਾਮਾਰੀ ਦੇ ਬਾਵਜੂਦ ਘਰਾਂ ਦੀ ਮਾਰਕੀਟ ਨੂੰ ਏਨੀ ਅੱਗ ਕਿਓਂ ਲੱਗ ਗਈ, ਇਹ ਸਮਝ ਤੋਂ ਬਾਹਰ ਹੈ। ਵਿਆਜ ਦਰਾਂ ਦਾ ਘਟਣਾ ਅਤੇ ਕੈਨੇਡਾ ਸਰਕਾਰ ਵਲੋਂ ਲੋਕਾਂ ਨੂੰ ਕਰੋਨਾ ਦੌਰਾਨ ਪੈਸੇ ਦੇਈ ਜਾਣਾ ਵੀ ਕਾਰਨ ਹਨ। ਹਾਂਗਕਾਂਗ ਬੈਠੇ 3 ਲੱਖ ਕੈਨੇਡੀਅਨ ਸਿਟੀਜ਼ਨ ਵੀ ਦੁਬਾਰਾ ਰਿਚਮੰਡ-ਵੈਨਕੂਵਰ ਭਾਅ ਪੁੱਛਣ ਲੱਗੇ ਹਨ।

ਕਈ ਲੋਕ ਸੋਚਦੇ ਹਨ ਕਿ ਰਿਐਲਟਰਾਂ ਨੂੰ ਗਰਮ ਮਾਰਕੀਟ ਦਾ ਫਾਇਦਾ ਪਰ ਹੈ ਉਲਟ। ਗਰਮ ਮਾਰਕੀਟ ਦਾ ਫਾਇਦਾ ਘਰ ਵੇਚਣ ਵਾਲੇ ਨੂੰ ਤੇ ਵੇਚਣ ਵਾਲੇ ਰਿਐਲਟਰ ਨੂੰ ਹੁੰਦਾ। ਅਸਲੀਅਤ ਇਹ ਹੈ ਕਿ ਖਰੀਦ ਕੇ ਦੇਣ ਵਾਲੇ ਰਿਐਲਟਰਾਂ ਦਾ ਕਿਤੇ ਹੱਥ ਹੀ ਨਹੀਂ ਪੈਂਦਾ। ਵੇਚਣ ਵਾਲਾ ਰਿਐਲਟਰ ਜਦ ਘਰ ਵਿਕਵਾ ਕੇ ਗਾਹਕ ਲਈ ਅੱਗੇ ਘਰ ਲੱਭਦਾ ਤਾਂ ਉਸਦਾ ਵੀ ਕਿਤੇ ਹੱਥ ਨੀ ਪੈਂਦਾ, ਉਦੋਂ ਫਿਰ ਘਰ ਵੇਚ ਚੁੱਕਾ ਬੰਦਾ 20-50 ਹਜ਼ਾਰ ਉਪਰ ਚੁੱਕ ਕੇ ਹੱਥ ਪਾ ਲੈਂਦਾ ਤੇ ਮਾਰਕੀਟ ‘ਚ ਨਵਾਂ ਰੇਟ ਸੈੱਟ ਹੋ ਜਾਂਦਾ। ਘਰਾਂ ਦੀ ਕੀਮਤ ਉਪਰ ਚਲੀ ਜਾਂਦੀ।

ਅਖੀਰ ‘ਚ ਇੱਕ ਮੁਫ਼ਤ ਦੀ ਸਲਾਹ; ਜਿਹੜੇ ਬੰਦੇ ਮਾਰਕੀਟ ‘ਚ ਗੁੱਡ ਡੀਲ ਲੱਭਦੇ ਰਹਿੰਦੇ, ਉਨ੍ਹਾਂ ਨੂੰ ਗੁੱਡ ਡੀਲ ਘੱਟ ਹੀ ਮਿਲਦੀ ਕਿਉਂਕਿ ਓਪਨ ਮਾਰਕੀਟ ‘ਚ ਅਜਿਹੀ ਕੋਈ ਸ਼ੈਅ ਨੀ ਹੁੰਦੀ, ਕੋਈ ਨੀ ਆਪਣੀ ਚੀਜ਼ ਸਸਤੀ ਵੇਚਦਾ। ਜਿਹੜੀ ਚੀਜ਼ ਮਾਰਕੀਟ ਰੇਟ ‘ਤੇ ਖਰੀਦ ਲਓਂਗੇ, ਉਹੀ ਸਾਲ ਬਾਅਦ ਗੁੱਡ ਡੀਲ ਬਣ ਜਾਣੀ।

  • ਗੁਰਪ੍ਰੀਤ ਸਿੰਘ ਸਹੋਤਾ/ ਰਿਐਲਟਰ/ ਰੌਇਲ ਲੀਪੇਜ ਗਲੋਬਲ ਫੋਰਸ ਰਿਐਲਟੀ


Archive

RECENT STORIES

ਸਰਵੇਖਣ ਬੀਸੀ 'ਚ ਬਣਾ ਰਹੇ ਨੇ ਐਨਡੀਪੀ ਦੀ ਬਹੁਗਿਣਤੀ ਸਰਕਾਰ; ਡਾਕ ਰਾਹੀਂ ਵੋਟਾਂ ਦੀ ਵੱਡੀ ਗਿਣਤੀ ਕਾਰਨ ਪੂਰਾ ਨਤੀਜਾ ਨਵੰਬਰ ਦੇ ਪਹਿਲੇ ਹਫਤੇ ਆਵੇਗਾ

Posted on October 23rd, 2020

ਅੰਮ੍ਰਿਤਸਰ 'ਚ ਮੋਦੀ ਨੂੰ ਰਾਵਣ ਵਾਂਗ ਫੂਕਿਆ

Posted on October 23rd, 2020

ਸਰੀ 'ਚ ਹੋਏ ਕਤਲ ਸਬੰਧੀ ਇੱਕ ਪੰਜਾਬੀ 'ਤੇ ਚਾਰਜ ਲੱਗੇ

Posted on October 22nd, 2020

ਪੰਜਾਬ 'ਚ ਕਿਸਾਨਾਂ ਦਾ ਨਹੀਂ, ਵਿਚੋਲਿਆਂ ਦਾ ਸੰਘਰਸ਼ ਚੱਲ ਰਿਹਾ- ਭਾਜਪਾ ਪ੍ਰਧਾਨ ਨੱਢਾ

Posted on October 22nd, 2020

ਬੱਚੀ ਨਾਲ ਕੁਕਰਮ ਦੇ ਦੋਸ਼ `ਚ ਟਰਾਂਟੋ ਦਾ ਨਾਮਵਰ ਪੁਜਾਰੀ ਗ੍ਰਿਫਤਾਰ

Posted on October 21st, 2020

ਟਰੂਡੋ ਨੂੰ ਸਰਕਾਰ ਨੀ ਤੋੜਨ ਦਿੰਦੇ- ਜਗਮੀਤ ਸਿੰਘ

Posted on October 21st, 2020

ਸਰੀ 'ਚ ਇੱਕ ਪੰਜਾਬਣ ਦਾ ਕਤਲ, ਦੋ ਜ਼ਖਮੀ

Posted on October 21st, 2020

ਲਿਬਰਲ ਅਤੇ ਐਨਡੀਪੀ ਨੇ ਬੀਸੀ 'ਚ ਅੱਜ ਕੀਤੇ ਦੋ ਅਹਿਮ ਚੋਣ ਵਾਅਦੇ

Posted on October 20th, 2020

ਮੋਦੀ ਦੀ ਨਿੱਜੀ ਵੈਬਸਾਈਟ ਉੱਤੋਂ ਡਾਟਾ ਚੋਰੀ

Posted on October 20th, 2020

ਸਰੀ ਨਿਊਟਨ ਹਲਕੇ ਦੇ ਲੋਕਾਂ ਦੀ ਚਿਰੋਕਣੀ ਤੇ ਵੱਡੀ ਮੰਗ ਪੂਰੀ ਹੋਣ ਲੱਗੀ

Posted on October 19th, 2020

ਪੰਜਾਬ ਵਿਚਲੀ ਭਾਜਪਾ ਮਾਲਵਿੰਦਰ ਕੰਗ ਵਾਂਗ ਪੰਜਾਬ ਅਤੇ ਪੰਜਾਬੀਅਤ ਦੀ ਆਵਾਜ਼ ਬੁਲੰਦ ਕਰੇ- ਭਾਜਪਾ ਦਾ ਸਾਬਕਾ ਬੁਲਾਰਾ

Posted on October 17th, 2020

ਸ਼ਹੀਦ ਭਾਈ ਗੁਰਜੰਟ ਸਿੰਘ ਬੁੱਧਸਿੰਘਵਾਲਾ ਦੀ ਜੀਵਨੀ

Posted on October 17th, 2020