Leading Punjabi Newspapers of CANADA & USA

1986 ਤੋਂ ਚੜ੍ਹਦੀ ਕਲਾ ਅਤੇ ਅਕਾਲ ਗਾਰਡੀਅਨ ਅਖਬਾਰਾਂ ਰਾਹੀਂ ਕੈਨੇਡਾ-ਅਮਰੀਕਾ ਦੇ ਪੰਜਾਬੀਆਂ ਦੀ ਸੇਵਾ ਵਿੱਚ

ਕੌਮੀ ਏਕਤਾ, ਭਾਈਚਾਰੇ ਤੇ ਸੱਭਿਆਚਾਰਕ ਸਾਂਝ ਦੀ ਵੱਡੀ ਮਿਸਾਲ ਬਣੇਗਾ ਰਾਮ ਮੰਦਿਰ ਭੂਮੀ ਪੂਜਾ ਸਮਾਗਮ- ਪ੍ਰਿਯੰਕਾ ਗਾਂਧੀ

Posted on August 4th, 2020

ਗੁਰਪ੍ਰੀਤ ਸਿੰਘ ਸਹੋਤਾ/ ਸਰੀ/ ਚੜ੍ਹਦੀ ਕਲਾ ਬਿਊਰੋ

1992 'ਚ ਕਾਂਗਰਸ ਦੇ ਰਾਜ 'ਚ ਹੀ ਅਯੁੱਧਿਆ ਵਿਖੇ ਕੱਟੜ ਹਿੰਦੂਆਂ ਨੇ ਯੋਜਨਾਬੱਧ ਤਰੀਕੇ ਬਾਬਰੀ ਮਸਜਿਦ ਢਾਹੀ ਸੀ। ਇਹ ਕਾਂਗਰਸ ਦਾ ਨਰਮ ਹਿੰਦੂਤਵ ਹੀ ਹੈ, ਜਿਸਨੇ ਮੌਜੂਦਾ ਕੱਟੜ ਹਿੰਦੂਤਵੀਆਂ ਨੂੰ 50 ਸਾਲ ਪਾਲ਼ ਕੇ ਸੱਤਾ ਬਖਸ਼ੀ ਹੈ। ਸਮੇਂ ਸਮੇਂ ਰਾਜੀਵ ਗਾਂਧੀ, ਨਰਸਿਮਹਾ ਰਾਓ ਤੇ ਹੋਰ ਆਗੂ ਆਪਣੀ ਇਸ ਲੁਕਵੀਂ ਸੋਚ ਦਾ ਪ੍ਰਦਰਸ਼ਨ ਕਰਦੇ ਰਹੇ ਹਨ। ਇਸੇ ਲੜੀ ਨੂੰ ਹੁਣ ਕਾਂਗਰਸ ਆਗੂ ਪ੍ਰਿਯੰਕਾ ਗਾਂਧੀ ਵਾਡਰਾ ਨੇ ਅਗਾਂਹ ਤੋਰਿਆ ਹੈ।

ਕਾਂਗਰਸ ਆਗੂ ਪ੍ਰਿਯੰਕਾ ਗਾਂਧੀ ਵਾਡਰਾ ਨੇ ਉਮੀਦ ਜ਼ਾਹਿਰ ਕੀਤੀ ਕਿ ਅਯੁੱਧਿਆ ’ਚ ਰਾਮ ਮੰਦਿਰ ਸਬੰਧੀ ਜੋ ਸਮਾਗਮ ਹੋਣ ਜਾ ਰਿਹਾ ਹੈ, ਉਹ ਕੌਮੀ ਏਕਤਾ, ਭਾਈਚਾਰੇ ਤੇ ਸੱਭਿਆਚਾਰਕ ਸਾਂਝ ਦੀ ਵੱਡੀ ਮਿਸਾਲ ਬਣੇਗਾ। ਰਾਮ ਮੰਦਿਰ ਭੂਮੀ ਪੂਜਾ ਸਮਾਗਮ ਸਬੰਧੀ ਉਨ੍ਹਾਂ ਕਿਹਾ ਕਿ ਭਗਵਾਨ ਰਾਮ ਸਦੀਆਂ ਤੋਂ ਭਾਰਤੀ ਉਪ ਮਹਾਦੀਪ ਦੇ ਲੋਕਾਂ ਲਈ ਪ੍ਰੇਰਨਾ ਸਰੋਤ ਰਹੇ ਹਨ। (ਪ੍ਰਿਯੰਕਾ ਗਾਂਧੀ ਵਾਡਰਾ ਦਾ ਬਿਆਨ)

ਉਨ੍ਹਾਂ ਕਿਹਾ, ‘ਰਾਮਾਇਣ ਨੇ ਭਾਰਤੀ ਉੱਪ ਮਹਾਦੀਪ ਸਮੇਤ ਸਾਰੀ ਦੁਨੀਆਂ ਦੀਆਂ ਸੱਭਿਅਤਾਵਾਂ ’ਤੇ ਵੱਡਾ ਪ੍ਰਭਾਵ ਪਾਇਆ ਹੈ। ਸਦੀਆਂ ਤੋਂ ਭਗਵਾਨ ਰਾਮ ਦੇ ਕਿਰਦਾਰ ਨੇ ਭਾਰਤੀ ਲੋਕਾਂ ਦੀ ਮਦਦ ਕੀਤੀ ਹੈ। ਭਗਵਾਨ ਰਾਮ ਦਾ ਸਬੰਧ ਹਰ ਕਿਸੇ ਨਾਲ ਹੈ। ਭਗਵਾਨ ਰਾਮ ਹਰ ਕਿਸੇ ਦਾ ਭਲਾ ਚਾਹੁੰਦੇ ਹਨ। ਇਸ ਲਈ ਉਨ੍ਹਾਂ ਨੂੰ ਮਰਿਆਦਾ ਪੁਰਸ਼ੋਤਮ ਕਿਹਾ ਜਾਂਦਾ ਹੈ।’

ਉਨ੍ਹਾਂ ਕਿਹਾ ਕਿ ਰਾਮ ਮੰਦਰ ਦੀ ਉਸਾਰੀ ਲਈ ਨੀਂਹ ਪੱਥਰ ਰੱਖਣ ਸਬੰਧੀ ਸਮਾਗਮ ਭਲਕੇ 5 ਅਗਸਤ ਨੂੰ ਅਯੁੱਧਿਆ ’ਚ ਹੋਣ ਜਾ ਰਿਹਾ ਹੈ ਅਤੇ ਉਨ੍ਹਾਂ ਨੂੰ ਉਮੀਦ ਹੈ ਕਿ ਭਗਵਾਨ ਰਾਮ ਦੇ ਆਸ਼ੀਰਵਾਦ ਨਾਲ ਇਹ ਸਮਾਗਮ ਦੇਸ਼ ਦੀ ਕੌਮੀ ਏਕਤਾ, ਭਾਈਚਾਰੇ ਅਤੇ ਸੱਭਿਆਚਾਰਕ ਸਾਂਝ ਲਈ ਮੀਲ ਪੱਥਰ ਸਾਬਤ ਹੋਵੇਗਾ।

1947 'ਚ ਅੰਗਰੇਜ਼ਾਂ ਤੋਂ ਹਿੰਦੂਤਵੀਆਂ ਨੂੰ ਸਿੱਧੀ ਸੱਤਾ ਮਿਲਣੀ ਮੁਸ਼ਕਿਲ ਸੀ। ਕਾਂਗਰਸ ਨੇ 50 ਸਾਲ ਹਿੰਦੂਤਵੀਆਂ ਲਈ ਸੱਤਾ ਸੰਭਾਲੀ, ਕੁਰਸੀ ਨਿੱਘੀ ਰੱਖੀ ਅਤੇ ਫਿਰ ਸਹੀ ਸਮਾਂ ਦੇਖ ਕੇ ਸੰਭਾਲ ਦਿੱਤੀ।

ਕਾਂਗਰਸ ਦੇ ਨਰਸਿਮਹਾ ਰਾਓ ਰਾਜ ਦੌਰਾਨ 1992 'ਚ ਬਾਬਰੀ ਮਸਜਿਦ ਢੁਹਾ ਕੇ ਇਸ "ਸੱਤਾ ਤਬਦੀਲੀ" ਦਾ ਕੰਮ ਤੇਜ਼ ਕਰ ਦਿੱਤਾ ਗਿਆ ਸੀ। 1992 ਤੋਂ ਪਹਿਲਾਂ ਆਰ. ਐਸ. ਐਸ. ਅਤੇ ਹੋਰ ਹਿੰਦੂ ਸੰਗਠਨ ਇੰਦਰਾ ਗਾਂਧੀ ਵਰਗੇ ਕਾਂਗਰਸੀਆਂ ਦੀ ਖੁੱਲ੍ਹੇਆਮ ਹਮਾਇਤ ਕਰਦੇ ਰਹੇ, ਚਾਹੇ ਉਹ ਦਰਬਾਰ ਸਾਹਿਬ 'ਤੇ ਹਮਲਾ ਸੀ ਜਾਂ ਸਿੱਖਾਂ ਦਾ ਘਾਣ। ਪ੍ਰਿਯੰਕਾ ਗਾਂਧੀ ਵਾਡਰਾ ਵੀ ਆਪਣੇ ਵਡੇਰਿਆਂ ਦੇ ਕੀਤੇ 'ਤੇ ਫੁੱਲ ਚੜ੍ਹਾ ਰਹੀ ਹੈ।



Archive

RECENT STORIES

ਕੈਨੇਡਾ ਤੋਂ ਇੱਕ ਹੋਰ ਨੌਜਵਾਨ ਦੀ ਲਾਸ਼ ਜਾਵੇਗੀ ਪੰਜਾਬ

Posted on September 22nd, 2020

ਬਾਹਰਲਿਆਂ ਮੁਲਕਾਂ ਦੇ ਪੰਜਾਬੀ ਪੰਜਾਬ ਵਾਲਿਆਂ ਨਾਲ ਇਸ ਤਰਾਂ ਖੜ੍ਹਨ

Posted on September 22nd, 2020

ਕਿਸਾਨ ਜਥੇਬੰਦੀਆਂ ਨੇ ਬਾਦਲਾਂ ਦੇ ਘਰ ਮੂਹਰੋਂ ਮੋਰਚਾ ਸਮੇਟਿਆ; 24 ਤੋਂ 26 ਤੱਕ ਜ਼ੋਰਦਾਰ ਸੰਘਰਸ਼ ਦੀ ਤਿਆਰੀ; ਭਾਜਪਾ ਪ੍ਰਤੀ ਕਿਸਾਨਾਂ 'ਚ ਗੁੱਸਾ ਜ਼ੋਰਾਂ 'ਤੇ

Posted on September 22nd, 2020

24 ਅਕਤੂਬਰ 2020 ਨੂੰ ਹੋ ਸਕਦੀਆਂ ਹਨ ਬੀਸੀ 'ਚ ਚੋਣਾਂ

Posted on September 21st, 2020

ਟਰੰਪ ਨੇ ਟਿਕਟੌਕ ਦੀ ਬਾਂਹ ਮਰੋੜ ਕੇ 5 ਅਰਬ ਡਾਲਰ, 25 ਹਜ਼ਾਰ ਨੌਕਰੀਆਂ ਅਤੇ ਟਿਕਟੌਕ ਦਾ ਅਮਰੀਕਨ ਡਾਟਾ ਹਾਸਲ ਕਰ ਲਿਆ

Posted on September 20th, 2020

ਮਨੀ ਲਾਂਡਰਿੰਗ ਮਾਮਲੇ 'ਚ ਘਿਰੇ ਵੱਡੀ ਖਿਡਾਰੀ ਦੇ ਮਾਰੀਆਂ ਗੋਲੀਆਂ

Posted on September 20th, 2020

ਮੋਦੀ ਨੇ ਬਿਲ ਪਾਸ ਕਰਾ ਕੇ ਕਿਸਾਨਾਂ ਨੂੰ ਦਿੱਤੀ ਵਧਾਈ

Posted on September 20th, 2020

ਬੈਕਟੀਰੀਆ ਨਾ ਹੋਇਆ, ਸਰਸੇ ਆਲਾ ਸਾਧ ਹੋ ਗਿਆ !

Posted on September 19th, 2020

ਪੈਸੇ ਲੈ ਕੇ ਚੀਨ ਨੂੰ ਜਾਣਕਾਰੀ ਵੇਚਣ ਵਾਲਾ ਪੱਤਰਕਾਰ ਗ੍ਰਿਫਤਾਰ

Posted on September 19th, 2020

ਤਿੰਨ ਖੇਤੀ ਆਰਡੀਨੈਂਸ ਕੀ ਹਨ? ਆਪ ਹੀ ਪੜ੍ਹੋ

Posted on September 18th, 2020

ਸ. ਗੁਰਤੇਜ ਸਿੰਘ ਅਤੇ ਪ੍ਰੋ. ਗੁਰਦਰਸ਼ਨ ਸਿੰਘ ਢਿੱਲੋਂ ਖਿਲਾਫ ਪ੍ਰੋ. ਹਰਪਾਲ ਸਿੰਘ ਪੰਨੂ ਅਤੇ ਸ. ਹਰਭਜਨ ਸਿੰਘ ਨੇ ਧਾਰਮਿਕ ਭਾਵਨਾਵਾਂ ਭੜਕਾਉਣ ਦੀ ਪੁਲਿਸ ਸ਼ਿਕਾਇਤ ਦਰਜ ਕਰਵਾਈ

Posted on September 18th, 2020

ਪੰਜਾਬ ਪੁਲਿਸ ਦੀ ਮਿਹਨਤ ਰੰਗ ਲਿਆਈ; ਵਾਲੀਬਾਲ ਰਾਹੀਂ ਦਹਿਸ਼ਤਗਰਦੀ ਫੈਲਾਉਣ ਵਾਲੇ ਕੀਤੇ ਕਾਬੂ ; ਵੱਡੇ ਨੁਕਸਾਨ ਤੋਂ ਹੋਇਆ ਬਚਾਅ ; ਮਿਲ ਸਕਦੇ ਨੇ ਰਾਸ਼ਟਰਪਤੀ ਮੈਡਲ

Posted on September 17th, 2020