Leading Punjabi Newspapers of CANADA & USA

1986 ਤੋਂ ਚੜ੍ਹਦੀ ਕਲਾ ਅਤੇ ਅਕਾਲ ਗਾਰਡੀਅਨ ਅਖਬਾਰਾਂ ਰਾਹੀਂ ਕੈਨੇਡਾ-ਅਮਰੀਕਾ ਦੇ ਪੰਜਾਬੀਆਂ ਦੀ ਸੇਵਾ ਵਿੱਚ

ਕੈਨੇਡਾ ਦੀ ਮਰਦਮ ਸ਼ੁਮਾਰੀ 'ਚ ਆਪਣੀ ਮਾਂ-ਬੋਲੀ ਪੰਜਾਬੀ ਲਿਖਵਾਉਣ ਦਾ ਵੇਲਾ

Posted on May 3rd, 2021

ਕੈਨੇਡਾ ਵਿਚ ਇਸ ਵੇਲੇ ਮਰਦਮ ਸ਼ੁਮਾਰੀ ਜਾਰੀ ਹੈ। ਕੈਨੇਡਾ ਵਾਸੀਆਂ ਦੇ ਘਰਾਂ 'ਚ ਡਾਕ ਰਾਹੀਂ ਚਿੱਠੀਆਂ ਆ ਰਹੀਆਂ ਹਨ, ਜਿਨ੍ਹਾਂ 'ਤੇ ਲਿਖਿਆ ਗੁਪਤ ਕੋਡ ਭਰ ਕੇ ਮਰਦਮ ਸ਼ੁਮਾਰੀ ਦੀ ਵੈਬਸਾਈਟ 'ਤੇ ਫਾਰਮ ਭਰਿਆ ਜਾ ਸਕਦਾ ਹੈ। 11 ਮਈ 2021 ਆਖਰੀ ਤਾਰੀਕ ਹੈ।

75% ਕੈਨੇਡਾ ਵਾਸੀਆਂ ਨੂੰ ਇਕ ਛੋਟਾ ਫਾਰਮ ਭਰਨਾ ਪਵੇਗਾ, ਜੋ ਭਰਨਾ ਬਹੁਤ ਹੀ ਸੌਖਾ ਹੈ ਜਦਕਿ ਬਾਕੀ 25% ਨੂੰ ਲੰਬਾ ਫਾਰਮ ਭਰਨਾ ਪਵੇਗਾ। ਲੰਬਾ ਫਾਰਮ ਭਰਨ ਨੂੰ 15-20 ਮਿੰਟ ਲਗਦੇ ਹਨ (ਮੈਂ ਇਹ ਭਰਿਆ) ਪਰ ਇਸ ਵਿੱਚ ਤੁਹਾਡੇ ਪਰਿਵਾਰ ਦੇ ਪਿਛੋਕੜ, ਧਰਮ, ਬੋਲੀ, ਕੰਮ, ਆਮਦਨ, ਖਰਚੇ ਬਾਰੇ ਅਨੇਕਾਂ ਸਵਾਲ ਪੁੱਛੇ ਜਾਂਦੇ ਹਨ।

2016 ਦੀ ਮਰਦਮ ਸ਼ੁਮਾਰੀ ਅਨੁਸਾਰ, 568,375 ਵਿਅਕਤੀਆਂ ਨੇ ਪੰਜਾਬੀ ਆਪਣੀ ਮਾਂ-ਬੋਲੀ ਵਜੋਂ ਚੁਣੀ ਸੀ। ਇਕ ਅੰਦਾਜ਼ੇ ਅਨੁਸਾਰ, ਇਸ ਵੇਲੇ ਘੱਟੋ ਘੱਟ 10 ਲੱਖ ਤੋਂ ਵੱਧ ਪੰਜਾਬੀ ਬੋਲਣ ਵਾਲੇ ਕੈਨੇਡਾ ਵਿਚ ਰਹਿੰਦੇ ਹਨ।

ਇੱਥੇ ਵਸਦੇ ਹਰ ਪੰਜਾਬੀ ਨੂੰ ਅਪੀਲ ਕਰਦੇ ਹੈ ਕਿ ਉਹ, ਇਸ ਮਰਦਮ ਸ਼ੁਮਾਰੀ ਵਿਚ ਹਿੱਸਾ ਲਵੇ ਤੇ ਆਪਣੀ ਮਾਂ-ਬੋਲੀ ਪੰਜਾਬੀ ਹੀ ਲਿਖਾਵੇ। ਤੁਸੀਂ ਆਪਣੇ ਮਿੱਤਰਾਂ-ਦੋਸਤਾਂ ਤੇ ਰਿਸ਼ਤੇਦਾਰਾਂ ਨੂੰ ਵੀ ਇਸ ਖ਼ਾਤਰ ਪ੍ਰੇਰਨਾ ਦੇਵੋ। ਤੁਹਾਨੂੰ ਪਤਾ ਹੋਣਾ ਚਾਹੀਦਾ ਏ ਕਿ ਮਰਦਮ ਸ਼ੁਮਾਰੀ ਤੋਂ ਹੀ ਪਤਾ ਲੱਗਦਾ ਹੈ ਕਿ ਕੈਨੇਡਾ ਵਿਚ ਕਿੰਨੇ ਪੰਜਾਬੀ-ਪ੍ਰੇਮੀ ਹਨ ਤੇ ਇਹ ਗਿਣਤੀ ਹੀ ਤੁਹਾਡੀ ਆਪਣੀ ਭਾਸ਼ਾ ਦਾ ਮਾਣ-ਤਾਣ ਬਰਕਰਾਰ ਰਖਾਉਣ ਸਬੰਧੀ ਫੈਸਲੇ ਕਰਾ ਸਕੇਗੀ। ਇਸ ਦੇ ਆਧਾਰ 'ਤੇ ਸਰਕਾਰ ਵਲੋਂ ਅਗਾਂਹ ਕਿਸੇ ਬੋਲੀ ਦੇ ਵਿਕਾਸ ਲਈ ਸਹਾਇਤਾ ਮਿਲਦੀ ਹੈ।

ਸਾਡੇ ਘਰ ਆਈ ਚਿੱਠੀ ਖੁਦ ਬ ਖੁਦ ਲੰਮਾ ਫਾਰਮ ਭਰਨ ਵੱਲ ਲੈ ਗਈ, ਜੋ ਮੈਂ ਬੜੀ ਰੀਝ ਨਾਲ ਭਰਿਆ ਤੇ ਕੈਨੇਡਾ ਸਰਕਾਰ ਦਾ ਧੰਨਵਾਦ ਕੀਤਾ ਕਿ ਉਹ ਸਾਡੇ ਬਾਰੇ ਇੰਨੀ ਬਾਰੀਕੀ ਨਾਲ ਜਾਨਣਾ ਚਾਹੁੰਦੀ ਹੈ। ਪੰਜਾਬੀ 'ਚ ਕੰਮ-ਕਾਜ, ਸੜਕਾਂ-ਹਵਾਈ ਅੱਡਿਆਂ 'ਤੇ ਪੰਜਾਬੀ ਬੋਰਡ, ਦਫਤਰਾਂ-ਹਸਪਤਾਲਾਂ 'ਚ ਪੰਜਾਬੀ ਜ਼ਬਾਨ 'ਚ ਸੇਵਾਵਾਂ ਸਭ ਇਸ ਮਰਦਮ ਸ਼ੁਮਾਰੀ ਦਾ ਪ੍ਰਤਾਪ ਹਨ। ਸਰਕਾਰ ਨੇ ਤੁਹਾਨੂੰ ਮੌਕਾ ਦਿੱਤਾ ਹੈ, ਇਸਨੂੰ ਜ਼ਰੂਰ ਵਰਤ ਕੇ ਆਪਣਾ ਫਰਜ਼ ਨਿਭਾਓ।

ਜੇਕਰ ਤੁਸੀਂ ਮਕਾਨ ਮਾਲਕ ਹੋ ਤਾਂ ਤੁਹਾਡੇ ਕਿਰਾਏਦਾਰ ਲਈ ਅੱਡ ਚਿੱਠੀ ਆਈ ਹੋਵੇਗੀ, ਉਸਨੂੰ ਭਰਨ ਲਈ ਪ੍ਰੇਰੋ।

ਘੌਲ ਨਾ ਕਰਿਓ। ਆਪਣਾ ਮੇਲ ਬੌਕਸ ਦੇਖੋ, ਚਿੱਠੀ ਲਿਆਓ ਤੇ ਫਾਰਮ ਭਰੋ। ਮੈਂ ਭਰ ਕੇ ਆਪਣਾ ਫਰਜ਼ ਨਿਭਾਇਆ ਹੈ, ਤੁਸੀਂ ਵੀ ਨਿਭਾਓ।

ਗੁਰਪ੍ਰੀਤ ਸਿੰਘ ਸਹੋਤਾ । ਸਰੀ । ਚੜ੍ਹਦੀ ਕਲਾ



Archive

RECENT STORIES

ਕੈਨੇਡਾ ਦੀ 2021 ਦੀ ਮਰਦਮਸ਼ੁਮਾਰੀ ਅਤੇ ਪੰਜਾਬੀ ਬੋਲੀ

Posted on May 6th, 2021

ਕੈਨੇਡਾ ਦੀ ਮਰਦਮ ਸ਼ੁਮਾਰੀ 'ਚ ਆਪਣੀ ਮਾਂ-ਬੋਲੀ ਪੰਜਾਬੀ ਲਿਖਵਾਉਣ ਦਾ ਵੇਲਾ

Posted on May 3rd, 2021

5G, ਕਰੋਨਾ ਤੇ ਉਸ ਨਾਲ ਜੁੜੀਆਂ ਅਫਵਾਹਾਂ ਬਾਰੇ

Posted on April 30th, 2021

ਐੱਨਆਈਏ ਨੇ ਕਾਮਰੇਡ ਬਲਵਿੰਦਰ ਸਿੰਘ ਹੱਤਿਆ ਦੇ ਮਾਮਲੇ ’ਚ 8 ਸਿੱਖ ਨੌਜਵਾਨਾਂ ਖ਼ਿਲਾਫ਼ ਚਾਰਜਸ਼ੀਟ ਦਾਖਲ ਕੀਤੀ

Posted on April 27th, 2021

ਅੰਤਰਰਾਸ਼ਟਰੀ ਉਡਾਣਾਂ 'ਤੇ ਪਾਬੰਦੀ ਲਾਉਣ ਜਾਂ ਨਾ ਲਾਉਣ ਬਾਰੇ ਫੈਸਲਾ ਜਲਦ- ਕੈਨੇਡਾ ਦੀ ਮੁੱਖ ਸਿਹਤ ਅਧਿਕਾਰੀ

Posted on April 22nd, 2021

ਇਸਤਰੀ ਅਕਾਲੀ ਦਲ ਦੀ ਆਗੂ ਇਕ ਕਿੱਲੋ ਹੈਰੋਇਨ ਸਮੇਤ ਗਿ੍ਫ਼ਤਾਰ

Posted on April 21st, 2021

ਬੋਰਿਸ ਜੌਹਨਸਨ ਦਾ ਭਾਰਤ ਦੌਰਾ ਮੁੜ ਰੱਦ

Posted on April 19th, 2021

ਵੈਨਕੂਵਰ ‘ਚ ਇੱਕ ਹੋਰ ਪੰਜਾਬੀ ਨੌਜਵਾਨ ਗੋਲੀਆਂ ਮਾਰ ਕੇ ਹਲਾਕ

Posted on April 18th, 2021

ਵੱਖਰੇ ਰਵੇ, ਵੱਖਰੀਆਂ ਖੁਰਾਕਾਂ

Posted on April 18th, 2021

ਕਿਸਾਨਾਂ ਨੇ ਲੌਕਡਾਊਨ ਦੌਰਾਨ ਵੀ ਮੋਰਚਿਆਂ ਵਿੱਚ ਡਟੇ ਰਹਿਣ ਦਾ ਫ਼ੈਸਲਾ ਕੀਤਾ

Posted on April 15th, 2021

ਸਰਕਾਰ, ਸਟੇਟ ਅਤੇ ਨਿਆਂਪਾਲਕਾ ਗੁਰੂ ਗਰੰਥ ਸਾਹਿਬ ਖਿਲਾਫ ਇਕ ਥਾਂ 'ਤੇ ਹੋਏ ਇਕੱਠੇ

Posted on April 14th, 2021

ਰੂਸ ਅਤੇ ਪੱਛਮੀ ਮੁਲਕਾਂ ਵਿਚਕਾਰ ਹੋਈ ਗਰਮਾ-ਗਰਮੀ

Posted on April 14th, 2021