ਸ਼ੀਲਾ ਦੀਕਸ਼ਤ ਪਿੱਛੋਂ ਹੁਣ ਮੋਦੀ ਨੂੰ ਹਰਾਵਾਂਗੇ : ਆਪ

ਨਵੀਂ ਦਿੱਲੀ- ਦਿੱਲੀ ਵਿਧਾਨ ਸਭਾ ਚੋਣਾਂ 'ਚ ਚੰਗੀ ਕਾਰਗੁਜ਼ਾਰੀ ਦਿਖਾਉਣ ਪਿੱਛੋਂ ਹੌਂਸਲੇ 'ਚ ਦਿਖ ਰਹੀ ਆਮ ਆਦਮੀ ਪਾਰਟੀ ਨੇ ਕਿਹਾ ਕਿ ਉਸ ਨੇ ਸ਼ੀਲਾ ਦੀਕਸ਼ਤ ਨੂੰ ਹਰਾ ਦਿੱਤਾ ਹੈ ਤੇ ਹੁਣ ਭਾਜਪਾ ਦੇ ਪ੍ਰਧਾਨ ਮੰਤਰੀ ਅਹੁਦੇ ਦੇ ਉਮੀਦਵਾਰ ਨਰਿੰਦਰ ਮੋਦੀ ਨੂੰ ਹਰਾਏਗੀ। ਪਾਰਟੀ ਦੇ ਕਾਰਕੁਨ ਹਵਾ 'ਚ ਝਾੜੂ ਲਹਿਰਾਉਂਦੇ ਹੋਏ ਨਾਅਰੇਬਾਜ਼ੀ ਕਰ ਰਹੇ ਸਨ ਕਿ ਸ਼ੀਲਾ ਨੂੰ ਹਰਾਇਆ ਹੈ, ਮੋਦੀ ਨੂੰ ਹਰਾਵਾਂਗੇ। ਸ਼ੀਲਾ ਦੀਕਸ਼ਤ ਦੇ ਅਸਤੀਫੇ ਦੀਆਂ ਖ਼ਬਰਾਂ ਨਾਲ ਆਪ ਦੇ ਦਫਤਰ 'ਚ ਖੁਸ਼ੀ ਦਾ ਮਾਹੌਲ ਬਣ ਗਿਆ ਤੇ ਪਾਰਟੀ ਮੈਂਬਰਾਂ ਨੇ ਨਾਅਰੇਬਾਜ਼ੀ ਸ਼ੁਰੂ ਕਰ ਦਿੱਤੀ। ਇਸੇ ਦੌਰਾਨ ਭਾਜਪਾ ਨੇ ਵੀ ਮੰਨਿਆਂ ਕਿ ਆਮ ਆਦਮੀ ਪਾਰਟੀ ਨੇ ਦਿੱਲੀ ਚੋਣਾਂ 'ਚ ਹੈਰਾਨ ਕਰਨ ਵਾਲੀ ਕਾਰਗੁਜ਼ਾਰੀ ਦਿਖਾਈ ਹੈ ਪਰ ਕਿਹਾ ਕਿ ਦਿੱਲੀ 'ਚ ਉਹ ਹੀ ਸਰਕਾਰ ਬਣਾਏਗੀ।