ਜੇਲ੍ਹ 'ਚ ਵੀ ਹਨ ਸੰਜੈ ਦੇ ਠਾਠ, ਮਿਲ ਰਹੀ ਹੈ ਰਮ ਤੇ ਬੀਅਰ

ਮੁੰਬਈ- ਮੁੰਬਈ ਬਲਾਸਟ ਕੇਸ 'ਚ ਸਜ਼ਾ ਕੱਟ ਰਹੇ ਬਾਲੀਵੁੱਡ ਐਕਟਰ ਸੰਜੈ ਦੱਤ ਨੂੰ ਛੁੱਟੀ ਦੇਣ 'ਚ ਹੀ ਉਦਾਰਤਾ ਨਹੀਂ ਵਿਖਾਈ ਜਾ ਰਹੀ ਹੈ, ਸਗੋਂ ਉਨ੍ਹਾਂ ਨੂੰ ਜੇਲ੍ਹ ਦੇ ਅੰਦਰ ਸ਼ਰਾਬ ਤੱਕ ਪਰੋਸੀ ਜਾ ਰਹੀ ਹੈ? ਭਾਜਪਾ ਲੀਡਰ ਤੇ ਵਿਧਾਨ ਪਰਿਸ਼ਦ 'ਚ ਨੇਤਾ ਵਿਰੋਧੀ ਪੱਖ ਵਿਨੋਦ ਤਾਵੜੇ ਨੇ ਇਹ ਸਨਸਨੀਖੇਜ ਇਲਜ਼ਾਮ ਲਗਾਇਆ ਹੈ। 

ਤਾਵੜੇ ਨੇ ਇਲਜ਼ਾਮ ਲਗਾਇਆ ਕਿ ਪੁਣੇ ਦੀ ਯਰਵਦਾ ਜੇਲ੍ਹ 'ਚ ਬੰਦ ਸੰਜੈ ਦੱਤ ਨੂੰ ਬੀਅਰ ਤੇ ਰਮ ਪਹੁੰਚਾਈ ਜਾ ਰਹੀ ਹੈ। ਤਾਵੜੇ ਨੇ ਕਿਹਾ ਕਿ ਕੁੱਝ ਪੁਲਿਸ ਅਧਿਕਾਰੀ ਸੰਜੈ ਦੀ ਮਦਦ ਕਰ ਰਹੇ ਹਨ। ਤਾਵੜੇ ਸ਼ੁੱਕਰਵਾਰ ਨੂੰ ਵਿਧਾਨ ਪਰਿਸ਼ਦ 'ਚ ਧਾਰਾ 260 ਦੇ ਤਹਿਤ ਔਰਤਾਂ 'ਤੇ ਵਧਦੇ ਜ਼ੁਲਮਾਂ ਦੇ ਪ੍ਰਸਤਾਵ 'ਤੇ ਬੋਲ ਰਹੇ ਸਨ। ਇਸ ਦੌਰਾਨ ਤਾਵੜੇ ਨੇ ਕਿਹਾ ਕਿ ਜੇਲ੍ਹ 'ਚ ਸਜ਼ਾ ਭੁਗਤ ਰਹੇ ਦੋਸ਼ੀਆਂ 'ਤੇ ਨਜ਼ਰ ਰੱਖੀ ਜਾਂਦੀ ਹੈ, ਲੇਕਿਨ ਜੇਲ੍ਹ ਦੇ ਕਰਮਚਾਰੀਆਂ ਦੀ ਮਿਲੀਭੁਗਤ ਨਾਲ ਸੰਜੈ ਦੱਤ ਸਮੇਤ ਸ਼ਕਤੀ ਮਿਲ ਘਟਨਾ ਦੇ ਦੋਸ਼ੀਆਂ ਨੂੰ ਵੀਆਈਪੀ ਸਹੂਲਤ ਮਿਲਦੀ ਹੈ।