ਕੇਜਰੀਵਾਲ ਨੇ 26 ਜਨਵਰੀ ਦਾ ਅਪਮਾਨ ਕੀਤਾ: ਭਾਜਪਾ

ਨਵੀਂ ਦਿੱਲੀ- ਰੇਲ ਭਵਨ 'ਤੇ ਧਰਨੇ 'ਤੇ ਬੈਠੇ ਦਿੱਲੀ ਦੇ ਸੀਐਮ ਅਰਵਿੰਦ ਕੇਜਰੀਵਾਲ ਦੇ ਗਣਤੰਤਰ ਦਿਵਸ 'ਤੇ ਦਿੱਤੇ ਬਿਆਨ ਨੂੰ ਲੈ ਕੇ ਭਾਰਤੀ ਜਨਤਾ ਪਾਰਟੀ ਨੇ ਉਨ੍ਹਾਂ 'ਤੇ ਹਮਲਾ ਬੋਲਿਆ ਹੈ। ਗਣਤੰਤਰ ਦਿਵਸ ਦੀਆਂ ਤਿਆਰੀਆਂ ਦੇ ਮੱਦੇਨਜਰ ਧਰਨੇ ਦੀ ਥਾਂ ਬਦਲੇ ਜਾਣ ਦੀ ਸਲਾਹ 'ਤੇ ਕੇਜਰੀਵਾਲ ਨੇ ਕਿਹਾ ਕਿ ਕਿਸ ਦੇ ਲਈ ਗਣਤੰਤਰ ਦਿਵਸ ਮਨਾਓਗੇ, ਵੀਆਈਪੀਜ ਲਈ। ਅਸਲੀ ਗਣਤੰਤਰ ਤਾਂ ਇਹ ਹੈ। 26 ਜਨਵਰੀ ਨੂੰ ਤਾਂ ਝਾਕੀਆਂ ਦਾ ਜਲੂਸ ਨਿਕਲੇਗਾ । ਭਾਰਤੀ ਜਨਤਾ ਪਾਰਟੀ ਦੇ ਬੁਲਾਰੇ ਪ੍ਰਕਾਸ਼ ਜਾਵੜੇਕਰ ਨੇ ਕਿਹਾ ਕਿ 26 ਜਨਵਰੀ ਦੇ ਸੰਬੰਧ 'ਚ ਜੋ ਬਿਆਨ ਕੇਜਰੀਵਾਲ ਨੇ ਦਿੱਤਾ ਹੈ, ਉਸ ਦੀ ਨਿੰਦਾ ਕਰਦੇ ਹਨ। 26 ਜਨਵਰੀ ਗਣਤੰਤਰ ਦਾ ਦਿਨ ਹੈ। ਕੇਜਰੀਵਾਲ ਨੇ ਗਣਤੰਤਰ ਦਿਵਸ ਦਾ ਅਪਮਾਨ ਕੀਤਾ ਹੈ, ਉਨ੍ਹਾਂ ਨੇ ਇਸ ਨੂੰ ਝਾਕੀਆਂ ਦਾ ਜਲੂਸ ਕਹਿ ਕੇ ਇਸ ਦਾ ਅਪਮਾਨ ਕੀਤਾ ਹੈ। 26 ਜਨਵਰੀ ਦਾ ਦਿਨ ਦੇਸ਼ ਲਈ ਪ੍ਰਮੁੱਖ ਦਿਨ ਹੈ। ਕੇਜਰੀਵਾਲ ਨੂੰ ਦੇਸ਼ ਤੋਂ ਮੁਆਫੀ ਮੰਗਣੀ ਚਾਹੀਦੀ ਹੈ।