ਮੋਦੀ ਬਾਰੇ ਸਵਾਲ ਪੁੱਛਣ 'ਤੇ ਭੜਕੇ ਸ਼ੰਕਰਾਚਾਰੀਆ ਨੇ ਮਾਰਿਆ ਪੱਤਰਕਾਰ ਦੇ ਥੱਪੜ

ਜਬਲਪੁਰ- ਮੱਧ ਪ੍ਰਦੇਸ਼ ਦੇ ਜਬਲਪੁਰ ਵਿਚ ਦਵਾਰਕਾ ਪੀਠ ਦੇ ਸ਼ੰਕਰਾਚਾਰੀਆ ਸਵਰੂਪਾਨੰਦ ਸਰਸਵਤੀ ਇਕ ਪੱਤਰਕਾਰ ਨੂੰ ਥੱਪੜ ਮਾਰਨ ਦੇ ਦੋਸ਼ ਵਿਚ ਵਿਵਾਦਾਂ 'ਚ ਘਿਰ ਗਏ ਹਨ। ਸ਼ੰਕਰਾਚਾਰੀਆ ਸਵਰੂਪਾਨੰਦ ਨੇ ਇਕ ਟੀ. ਵੀ. ਪੱਤਰਕਾਰ ਦੇ ਉਦੋਂ ਥੱਪੜ ਮਾਰ ਦਿੱਤਾ ਜਦੋਂ ਉਸ ਨੇ ਸ਼ੰਕਰਾਚਾਰੀਆ ਨੂੰ ਨਰਿੰਦਰ ਮੋਦੀ ਦੇ ਪ੍ਰਧਾਨ ਮੰਤਰੀ ਬਣਨ 'ਤੇ ਸਵਾਲ ਕੀਤਾ। ਸ਼ੰਕਰਾਚਾਰੀਆ ਨੇ ਪੱਤਰਕਾਰ ਨੂੰ ਕਿਹਾ ' ਦੌੜ ਜਾ ਰਾਜਨੀਤੀ 'ਤੇ ਮੇਰੇ ਨਾਲ ਗੱਲ ਨਹੀਂ ਕਰਨੀ'। 

ਪੱਤਰਕਾਰ ਨੇ ਸਵਰੂਪਾਨੰਦ ਨੂੰ ਸਵਾਲ ਕੀਤਾ ਸੀ ਕਿ 'ਜੇਕਰ ਨਰਿੰਦਰ ਮੋਦੀ ਦੇਸ਼ ਦੇ ਪ੍ਰਧਾਨ ਮੰਤਰੀ ਬਣੇ ਤਾਂ'? ਇਸ ਸਵਾਲ 'ਤੇ ਸ਼ੰਕਰਾਚਾਰੀਆ ਭੜਕ ਉੱਠੇ ਅਤੇ ਉਨ੍ਹਾਂ ਨੇ ਪੱਤਰਕਾਰ ਦੇ ਥੱਪੜ ਮਾਰ ਦਿੱਤਾ। ਇਸ ਘਟਨਾ ਦੇ ਬਾਅਦ ਧਰਮ ਗੁਰੂ ਪ੍ਰਮੋਦ ਕ੍ਰਿਸ਼ਣਨ ਨੇ ਕਿਹਾ ਕਿ ਸੰਤਾਂ ਦੇ ਗੁੱਸੇ ਨੂੰ ਵੀ ਅਸ਼ੀਰਵਾਦ ਮੰਨਣਾ ਚਾਹੀਦਾ ਹੈ। ਸ਼ੰਕਰਾਚਾਰੀਆ ਦੇ ਚੇਲੇ ਨੇ ਕਿਹਾ ਕਿ ਮੀਡੀਆ ਕਰਮੀ ਸ਼ੰਕਰਾਚਾਰੀਆ ਸਵਰੂਪਾਨੰਦ ਦੇ ਮੂੰਹ ਦੇ ਨੇੜੇ ਆ ਗਏ ਸਨ ਇਸ ਲਈ ਉਨ੍ਹਾਂ ਨੇ ਉਨ੍ਹਾਂ ਨੂੰ ਦੂਰ ਕਰਨ ਲਈ ਅਜਿਹਾ ਕੀਤਾ ਸੀ।