ਮਨਪ੍ਰੀਤ ਨੇ ‘ਆਪ’ ਨਾਲ ਸਾਂਝ ਪਾਉਣ ਬਾਰੇ ਮੇਰੀ ਗੱਲ ਨਾ ਮੰਨੀ: ਭਗਵੰਤ ਮਾਨ

ਇੱਥੇ ਆਪ ਦੇ ਆਗੂ ਦੀਪਕ ਜੈਨ ਦੇ ਘਰ ਗੱਲਬਾਤ ਕਰਦਿਆਂ ਉਨ੍ਹਾਂ ਕਿਹਾ ਕਿ ਪੰਜਾਬ ਦੇ ਲੋਕਾਂ ਨੇ ਉਨ੍ਹਾਂ ਨੂੰ  ਭਗਵੰਤ  ਮਾਨ ਬਣਾਇਆ ਹੈ  ਤੇ ਉਹ ਆਮ ਆਦਮੀ ਪਾਰਟੀ ਵਿੱਚ ਕਿਸੇ ਅਹੁਦੇ ਖ਼ਾਤਰ ਨਹੀਂ ਸਗੋਂ ਰਾਜਨੀਤੀ ਵਿੱਚ ਪਏ ਗੰਦ ਨੂੰ ਝਾੜੂ ਨਾਲ ਹੂੰਝਣ ਲਈ ਸ਼ਾਮਲ ਹੋਏ ਹਨ। ਇਹ ਪਾਰਟੀ ਲੀਡਰਸ਼ਿਪ ਨੇ ਦੇਖਣਾ ਹੈ ਕਿ ਉਨ੍ਹਾਂ ਕੋਲੋਂ ਕਿੱਥੇ ਝਾੜੂ ਫਿਰਵਾਉਣਾ ਹੈ। ਅਕਾਲੀ ਦਲ ਵੱਲੋਂ ਕੀਤੇ ਜਾ ਰਹੇ ਵਿਕਾਸ ਦੇ ਦਾਅਵਿਆਂ ਬਾਰੇ ਭਗਵੰਤ ਮਾਨ ਨੇ ਕਿਹਾ ਕਿ ਉਸਨੂੰ ਵਿਕਾਸ ਤਾਂ ਨਜ਼ਰ ਨਹੀਂ ਆਇਆ ਪਰ ਥਾਂ ਥਾਂ ਨੀਂਹ ਪੱਥਰ ਹੀ ਦਿੱਖੇ ਹਨ। ਉਨ੍ਹਾਂ ਕਿਹਾ ਕਿ ਚੋਣਾਂ ਨੇੜੇ ਸਸਤੀ ਕਣਕ, ਦਾਲ, ਟਿਊਬਵੈਲ ਕੂਨੈਕਸ਼ਨ ਆਦਿ ਵੰਡ ਕੇ ਵੋਟਰਾਂ ਨੂੰ ਗੁੰਮਰਾਹ ਕੀਤਾ ਜਾ ਰਿਹਾ ਹੈ।

ਕਾਂਗਰਸ ਦੇ ਐਮ.ਪੀ ਵਿਜੈਇੰਦਰ ਸਿੰਗਲਾ ਵੱਲੋਂ ਗੱਡੀਆਂ ਚਲਾਉਣ ’ਤੇ ਉਨ੍ਹਾਂ ਕਿਹਾ ਕਿ ਇਹ ਪੌਣੇ ਪੰਜ ਸਾਲ ਪਹਿਲਾਂ  ਕਿਉਂ ਨਹੀਂ ਚਲਾਈਆਂ। ਉਨ੍ਹਾਂ ਵਿਅੰਗ ਕਰਦਿਆਂ ਕਿਹਾ ਇਹ ਆਪਣੇ ਸਟੇਸ਼ਨਾਂ ’ਤੇ ਤਾਂ ਖੜ੍ਹਦੀਆਂ ਨਹੀਂ ਕੀ ਇਹ ਸਰੀਰਕ ਅਤੇ ਆਰਥਿਕ ਤੌਰ ’ਤੇ ਟੁੱਟੇ ਲੋਕਾਂ ਨੂੰ ਖੁਦਕਸ਼ੀ ਕਰਨ ਲਈ ਚਲਾਈਆਂ ਹਨ। ਉਨ੍ਹਾਂ ਸੂਬੇ ਦੇ ਲੋਕਾਂ ਨੂੰ ਦਿੱਲੀ ਵਾਂਗ ਕ੍ਰਾਂਤੀ ਲਿਆਉਣ ਦਾ ਸੱਦਾ ਦਿੱਤਾ।