ਗਾਂਧੀ ਪਰਿਵਾਰ ਨਾਲ ਰਿਸ਼ਤੇ ਨੇ ਵਾਡਰਾ ਨੂੰ ਬਣਾਇਆ ਅਰਬਪਤੀ- ਵਾਲ ਸਟਰੀਟ ਜਰਨਲ

ਨਵੀਂ ਦਿੱਲੀ- ਕਾਂਗਰਸ ਦੀ ਰਾਸ਼ਟਰੀ ਪ੍ਰਧਾਨ ਸੋਨੀਆ ਗਾਂਧੀ ਦੇ ਜਵਾਈ ਅਤੇ ਪ੍ਰਿਅੰਕਾ ਗਾਂਧੀ ਦੇ ਪਤੀ ਰਾਬਰਟ ਵਾਡਰਾ ਦੇ ਕਾਰਨ ਕਾਂਗਰਸ ਲਗਾਤਾਰ ਮੁਸ਼ਕਿਲਾਂ 'ਚ ਫਸ ਰਹੀ ਹੈ। ਅਰਵਿੰਦ ਕੇਜਰੀਵਾਲ ਦੇ ਕਈ ਖੁਲਾਸਿਆਂ ਤੋਂ ਬਾਅਦ ਹੁਣ ਮਸ਼ਹੂਰ ਅਮਰੀਕੀ ਅਖ਼ਬਾਰ 'ਦ ਵਾਲ ਸਟਰੀਟ ਜਰਨਲ' ਨੇ ਵਾਡਰਾ ਦੀ ਜਾਇਦਾਦ ਸਬੰਧੀ ਨਵਾਂ ਖੁਲਾਸਾ ਕੀਤਾ ਹੈ। ਰਿਪੋਰਟ ਮੁਤਾਬਿਕ 2012 'ਚ ਵਾਡਰਾ ਦੇ ਕੋਲ ਕਰੀਬ 252 ਕਰੋੜ ਦੀ ਜਮੀਨ ਜਾਇਦਾਦ ਸੀ। ਉਸ ਸਾਲ ਵਾਡਰਾ ਨੇ 72 ਕਰੋੜ ਦੀ ਜਮੀਨ ਵੇਚੀ ਸੀ। ਇਸ ਦਾ ਮਤਲਬ ਵਾਡਰਾ ਕੋਲ ਉਸ ਸਮੇਂ 324 ਕਰੋੜ ਦੀ ਜਮੀਨ ਜਾਇਦਾਦ ਸੀ। ਅਖ਼ਬਾਰ ਨੇ ਕੰਪਨੀ ਦੀ ਆਡਿਟ ਰਿਪੋਰਟ, ਲੈਂਡ ਰਿਕਾਰਡ ਅਤੇ ਪ੍ਰਾਪਰਟੀ ਜਾਣਕਾਰਾਂ ਦੇ ਹਵਾਲੇ ਤੋਂ ਰਾਬਰਟ ਦੀ ਜਾਇਦਾਦ ਦਾ ਪੂਰਾ ਵਿਵਰਣ ਪੇਸ਼ ਕੀਤਾ ਹੈ।