ਆਸਾਰਾਮ ਖਿਲਾਫ਼ ਗਵਾਹੀ ਦੇਣ ਵਾਲੇ ਅੰਮ੍ਰਿਤ ਪ੍ਰਜਾਪਤੀ ਦੀ ਮੌਤ

ਅਹਿਮਦਾਬਾਦ- ਨਾਬਾਲਗ ਲੜਕੀ ਦੇ ਸਰੀਰਕ ਸ਼ੋਸ਼ਣ ਮਾਮਲੇ 'ਚ ਜੇਲ੍ਹ 'ਚ ਬੰਦ ਆਸਾਰਾਮ ਖਿਲਾਫ਼ ਪ੍ਰਮੁੱਖ ਗਵਾਹ ਅੰਮ੍ਰਿਤ ਪ੍ਰਜਾਪਤੀ ਦੀ ਮੌਤ ਹੋ ਗਈ ਹੈ। ਗੁਜਰਾਤ ਦਾ ਰਾਜਕੋਟ 'ਚ 23 ਮਈ ਨੂੰ ਪ੍ਰਜਾਪਤੀ ਨੂੰ ਗੋਲੀ ਮਾਰੀ ਗਈ ਸੀ। ਮ੍ਰਿਤਕ ਪ੍ਰਜਾਪਤੀ ਦਾ ਅਹਿਮਦਾਬਾਦ ਦੇ ਸਿਵਲ ਹਸਪਤਾਲ 'ਚ ਇਲਾਜ ਚਲ ਰਿਹਾ ਸੀ। ਆਸਾਰਾਮ ਦੇ 6 ਚੇਲਿਆਂ 'ਤੇ ਗੋਲੀ ਮਾਰਨ ਦਾ ਦੋਸ਼ ਹਨ। 

ਪ੍ਰਜਾਪਤੀ ਆਸਾਰਾਮ ਦੇ ਸਾਬਕਾ ਵੈਦ ਸਨ ਤੇ ਆਸ਼ਰਮ 'ਚ ਉਨ੍ਹਾਂ ਦਾ ਇਲਾਜ ਕਰਦੇ ਸਨ। ਪ੍ਰਜਾਪਤੀ ਨੇ ਸਰੀਰਕ ਸ਼ੋਸ਼ਣ ਮਾਮਲੇ 'ਚ ਆਸਾਰਾਮ ਖਿਲਾਫ਼ ਗਵਾਹੀ ਦਿੱਤੀ ਸੀ। ਆਸਾਰਾਮ ਦੀ ਗ੍ਰਿਫਤਾਰੀ ਤੋਂ ਬਾਅਦ ਹੀ ਅੰਮ੍ਰਿਤ ਪ੍ਰਜਾਪਤੀ ਨੂੰ ਧਮਕੀਆਂ ਦਿੱਤੀਆਂ ਜਾ ਰਹੀਆਂ ਸਨ। ਆਸਾਰਾਮ ਖਿਲਾਫ਼ ਗਵਾਹ ਦਿਨੇਸ਼ ਚੰਦਭਾਈ 'ਤੇ ਬਦਮਾਸ਼ਾਂ ਨੇ ਤੇਜ਼ਾਬ ਸੁੱਟਿਆ ਸੀ। ਅੰਮ੍ਰਿਤ ਪ੍ਰਜਾਪਤੀ ਨੇ ਦਾਅਵਾ ਕੀਤਾ ਸੀ ਕਿ ਆਸਾਰਾਮ ਅਫੀਮ ਦਾ ਸੇਵਨ ਕਰਦੇ ਸਨ। ਪ੍ਰਜਾਪਤੀ ਨੇ ਇਹ ਵੀ ਦਾਅਵਾ ਕੀਤਾ ਸੀ ਕਿ ਉਨ੍ਹਾਂ ਨੇ ਆਸਾਰਾਮ ਨੂੰ ਕਈ ਵਾਰ ਲੜਕੀਆਂ ਨਾਲ ਅਪਮਾਨਜਨਕ ਹਾਲਤ 'ਚ ਵੇਖਿਆ ਸੀ।