ਤਿਰੁਅਨੰਪੁਰਮ- ਰਾਸ਼ਟਰੀ ਸਵੈ ਸੋਇਮ ਸੰਘ ਦੇ ਮੁੱਖ ਪੱਤਰ ‘ਕੇਸਰੀ’ ‘ਚ ਛਪੇ ਇਕ ਲੇਖ ਵਿਚ ਇਹ ਲਿਖਿਆ ਗਿਆ ਹੈ ਕਿ ਮਹਾਤਮਾ ਗਾਂਧੀ ਦੀ ਹੱਤਿਆ ਕਰਨ ਵਾਲਾ ਨੱਥੂ ਵਿਨਾਇਕ ਗੋਡਸੇ ਨੂੰ ਮਹਾਤਮਾ ਗਾਂਧੀ ਦੀ ਨਹੀਂ ਸਗੋਂ ਜਵਾਹਲਾਲ ਨਹਿਰੂ ਦੀ ਹੱਤਿਆ ਕਰਨੀ ਚਾਹੀਦੀ ਸੀ। ਇਕ ਅੰਗਰੇਜ਼ੀ ਅਖਬਾਰ ਵਿਚ ਪ੍ਰਕਾਸ਼ਤ ਲੇਖ ਵਿਚ ਦੱਸਿਆ ਗਿਆ ਹੈ ਕਿ ਦੇਸ਼ ਦੀ ਵੰਡ ਅਤੇ ਮਹਾਤਮਾ ਗਾਂਧੀ ਦੀ ਹੱਤਿਆ ਸਮੇਤ ਦੇਸ਼ ਦੀਆਂ ਹੋਰ ਤਬਾਹੀਆਂ ਪਿੱਛੇ ਨਹਿਰੂ ਦਾ ਸਵਾਰਥ ਜੁੜਿਆ ਸੀ।
17 ਅਕਤੂਬਰ ਦੇ ਲੇਖ ਵਿਚ ਭਾਜਪਾ ਨੇਤਾ ਬੀ. ਗੋਪਾਲਕ੍ਰਿਸ਼ਨਨ ਨੇ ਲਿਖਿਆ ਹੈ ਕਿ ਜੇਕਰ ਇਤਿਹਾਸ ਦੇ ਵਿਦਿਆਰਥੀਆਂ ਨੇ ਵੰਡ ਤੋਂ ਪਹਿਲਾਂ ਇਤਿਹਾਸਕ ਤੱਥਾਂ ਅਤੇ ਗੋਡਸੇ ਦੇ ਵਿਚਾਰਾਂ ਦਾ ਅਧਿਐਨ ਕੀਤਾ ਹੁੰਦਾ ਤਾਂ ਉਹ ਇਸ ਸਿੱਟੇ ‘ਤੇ ਪਹੁੰਚਦੇ ਕਿ ਗੋਡਸੇ ਨੇ ਗਲਤ ਨਿਸ਼ਾਨਾ ਚੁਣਿਆ। ਲੇਖ ਵਿਚ ਇਹ ਵੀ ਕਿਹਾ ਗਿਆ ਹੈ ਕਿ ਨੇਤਾ ਬਣਨ ਲਈ ਨਹਿਰੂ ਨੂੰ ਗਾਂਧੀ ਦਾ ਨਾਂ, ਖਾਦੀ ਅਤੇ ਟੋਪੀ ਚਾਹੀਦੀ ਸੀ।