ਹੁਣ ਤੁਸੀਂ ਆਪਣੇ ਕਿਸੇ ਖਾਸ ਦੇ ਮਰਨ ਤੋਂ ਬਾਅਦ ਵੀ ਉਸਦੀ ਫੇਸ ਬੁੱਕ ਜਾਰੀ ਰੱਖ ਸਕੋਗੇ

ਨਿਊਜ਼ੀਲੈਂਡ, ਆਸਟਰੇਲੀਆ ਅਤੇ ਜਾਪਾਨ ਦੇ ਵਿਚ ਸਹੂਲਤ ਸ਼ੁਰੂ

ਆਕਲੈਂਡ 13 ਮਈ (ਹਰਜਿੰਦਰ ਸਿੰਘ ਬਸਿਆਲਾ)-ਬੈਂਕ ਖਾਤਿਆਂ ਦੇ ਵਿਚ, ਜਾਇਦਾਦਾਂ ਦੇ ਵਿਚਲ ਜਾਂ ਕਿਸੇ ਹੋਰ ਧੰਨ-ਪੂੰਜੀ ਲਈ ਨੋਮੀਨੇਸ਼ਨ ਜਾਂ ਵਾਰਿਸ ਬਣਦੇ ਤਾਂ ਵੇਖੇ ਹੋਣਗੇ ਪਰ ਹੁਣ ਫੇਸ ਬੁੱਕ ਖਾਤੇ ਦੇ ਵਿਚ ਵੀ ਵਾਰਿਸ ਜਾਂ ਨੋਮੀਨੇਸ਼ਨ ਕੀਤਾ ਜਾ ਸਕੇਗੀ। ਜੇਕਰ ਨੋਮੀਨੇਸ਼ਨ ਹੋਈ ਹੋਵੇਗੀ ਤਾਂ ਤੁਸੀਂ ਆਪਣੇ ਕਿਸੇ ਖਾਸ, ਪਿਆਰੇ ਜਾਂ ਸੱਜਣ ਮਿੱਤਰ ਦਾ ਫੇਸ-ਬੁੱਕ ਖਾਤਾ ਅਪਡੇਟ ਕਰ ਸਕੋਗੇ। ਉਸਦੀ ਫਰੈਂਡਜ਼ ਰਿਕੁਏਸਟ ਉਤੇ ਪ੍ਰਤੀਕਰਮ ਕਰ ਸਕਦੇ ਹੋ। ਅਮਰੀਕਾ ਦੇ ਵਿਚ ਇਹ ਸਹੂਲਤ ਫਰਵਰੀ ਮਹੀਨੇ ਸ਼ੁਰੂ ਕੀਤੀ ਗਈ ਅਤੇ ਹੁਣ ਅੱਜ ਤੋਂ ਨਿਊਜ਼ੀਲੈਂਡ, ਆਸਟਰੇਲੀਆ ਅਤੇ ਜਾਪਾਨ ਦੇ ਵਿਚ ਵੀ ਇਹ ਸਹੂਲਤ ਸ਼ੁਰੂ ਹੋ ਗਈ ਹੈ।