ਟਰਾਂਟੋ- (Punjabi Daily)- ਬਾਪੂ ਸੂਰਤ ਸਿੰਘ ਵਲੋਂ ਵਿੱਢੇ ਬੰਦੀ ਸਿੰਘਾਂ ਦੀ ਰਿਹਾਈ ਦੇ ਮੋਰਚੇ ਨੂੰ ਸਮਰਥਨ ਦੇਣ ਲਈ ਟਰਾਂਟੋ ਭਰ ਦੀਆਂ ਪੰਥਕ ਜਥੇਬੰਦੀਆਂ ਅਤੇ ਗੁਰਦੁਆਰਾ ਸਾਹਿਬਾਨਾਂ ਦੇ ਸੇਵਾਦਾਰਾਂ ਵਲੋਂ ਟਰਾਂਟੋ ਸਥਿਤ ਇੰਡੀਅਨ ਕਾਂਸਲੇਟ ਦਫਤਰ ਅੱਗੇ ਡੇਢ ਘੰਟੇ ਲਈ  ਕਾਰ ਰੈਲੀ ਰਾਹੀਂ ਘਿਰਾਓ ਕੀਤਾ ਗਿਆ। ਇਸ ਘਿਰਾਓ ਵਿੱਚ ਮੋਟਰ ਗੱਡੀਆਂ ਉਪਰ ਖਾਲਿਸਤਾਨ ਅਤੇ ਕੈਨੇਡਾ ਦੇ ਝੰਡੇ ਲਹਿਰਾ ਰਹੇ ਸਨ ਅਤੇ ਗੱਡੀਆਂ ਉਪਰ ਬਾਪੂ ਸੂਰਤ ਸਿੰਘ ਦੇ ਪੋਸਟਰ ਚਿਪਕਾਏ ਗਏ ਸਨ। ਰੈਲੀ ਰਾਹੀਂ ਬੰਦੀ ਸਿੰਘਾਂ ਦੀ ਰਿਹਾਈ ਅਤੇ ਭਾਰਤ ਵਲੋਂ ਘੱਟ ਗਿਣਤੀਆਂ ਨਾਲ ਕੀਤੀਆਂ ਜਾ ਰਹੀਆਂ ਵਧੀਕੀਆਂ ਨੂੰ ਪ੍ਰਚਾਰਿਆ ਗਿਆ। ਟਰਾਂਟੋ ਪੁਲੀਸ ਵਲੋਂ ਕਾਰ ਰੈਲੀ ਚਾਲਕਾਂ ਦਾ ਪੂਰਾ ਸਮਥਨ ਕੀਤਾ ਗਿਆ।