ਬੀਸਲਾ ਮਾਰਸ਼ਲ ਆਰਟਸ ਦੀਆਂ ਜੇਤੂ ਮੁਹਿੰਮਾਂ

ਸਰੀ (ਅਕਾਲ ਗਾਰਡੀਅਨ ਬਿਊਰੋ)- ਸਰੀ ਦੇ ਬੀਸਲਾ ਮਾਰਸ਼ਲ ਆਰਟਸ ਵਿੱਚ ਸਿੱਖ ਰਹੇ ਬੱਚੇ ਕਈ ਮੁਕਾਬਲੇ ਜਿੱਤ ਕੇ ਆਏ ਹਨ। ਇੰਦਰਜੀਤ ਸਿੰਘ ਬੀਸਲਾ ਦੀ ਅਗਵਾਈ ਹੇਠ ਬੀ. ਸੀ. ਵਲੋਂ ਗਈ ਟੀਮ ਦੇ 6 ਜੂਨੀਅਰ ਬੌਕਸਰਾਂ ਵਿੱਚੋਂ 5 'ਬੀਸਲਾ ਮਾਰਸ਼ਲ ਆਰਟਸ ਐਂਡ ਬੌਕਸਿੰਗ' ਤੋਂ ਸਿੱਖ ਕੇ ਗਏ ਸਨ, ਜਿਹਨਾਂ ਸੈਸਕਾਟੂਨ ਵਿਖੇ ਹੋਈ ਨੈਸ਼ਨਲ ਚੈਂਪੀਅਨਸ਼ਿਪ 'ਚ ਭਾਗ ਲਿਆ ਤੇ ਜਿੱਤਾਂ ਦਰਜ ਕਰਵਾਈਆਂ।

ਇਹ ਟੀਮ 4 ਸੋਨੇ ਦੇ ਅਤੇ 2 ਚਾਂਦੀ ਦੇ ਤਗਮੇ ਜਿੱਤ ਕੇ ਮੁੜੀ ਹੈ। ਹਰਕੀਰਤ ਸਿੰਘ ਨਿੱਝਰ, ਮਨਰਾਜ ਸਿੰਘ ਧਨੋਆ, ਪਵਨ ਜੀੜ ਅਤੇ ਬੁਨੀਤ ਬੀਸਲਾ ਨੇ ਸੋਨੇ ਦੇ ਤਗਮੇ ਜਿੱਤੇ ਹਨ ਜਦਕਿ ਗੈਵਿਨ ਬੀਸਲਾ ਅਤੇ ਬਿਊ ਸਮਿੱਥ ਨੇ ਚਾਂਦੀ ਦੇ ਤਗਮੇ ਜਿੱਤੇ ਹਨ। ਬੁਨੀਤ ਬੀਸਲਾ ਨੇ ਜੂਨੀਅਰ ਡਬਲਿਊ ਬੀ. ਸੀ. ਕੈਨੇਡਾ ਵਿੱਚ ਜਾ ਕੇ ਵੀ ਮੁਕਾਬਲਾ ਲੜਿਆ ਅਤੇ ਟਰਾਫੀ ਜਿੱਤੀ।