ਕੇਜਰੀਵਾਲ ਤੇ ਨਿਤੀਸ਼ ਹੋਏ ਭਾਜਪਾ ਖ਼ਿਲਾਫ਼ ਇੱਕਮੁੱਠ

<p>ਅਰਵਿੰਦ ਕੇਜਰੀਵਾਲ ਤੇ ਬਿਹਾਰ ਦੇ ਮੁੱਖ ਮੰਤਰੀ ਨਿਤੀਸ਼ ਕੁਮਾਰ ਪੂਰੇ ਨਿੱਘ ਨਾਲ ਮਿਲਦੇ ਹੋਏ।&nbsp;<br></p>

ਕੇਜਰੀਵਾਲ ਨੇ ਯਾਦ ਕਰਵਾਇਆ ਕਿ ਦਿੱਲੀ ਵਿਧਾਨ ਸਭਾ ਚੋਣਾਂ ਤੋਂ ਪਹਿਲਾਂ ਦਿੱਲੀ ਅੰਦਰ ਭਾਜਪਾ ਨੇ ਉਨ੍ਹਾਂ (ਕੇਜਰੀਵਾਲ) ਦੇ ਗੋਤਰ ਨੂੰ ‘ਉਪਦ੍ਰਵੀ’ ਕਰਾਰ ਦਿੱਤਾ ਸੀ ਤੇ ਉਸ ਦਾ ਨਤੀਜਾ ਇਹ ਨਿਕਲਿਆ ਤੇ ਦਿੱਲੀ ਦੇ ਬਾਣੀਆ ਭਾਈਚਾਰੇ ਨੇ ਭਾਜਪਾ ਨੂੰ ਵੋਟ ਨਹੀਂ ਪਾਏ। ਇਸੇ ਤਰ੍ਹਾਂ ਦੀਆਂ ਹੀ ਘਟਨਾਵਾਂ ਹੁਣ ਬਿਹਾਰ ਵਿਧਾਨ ਸਭਾ ਚੋਣਾਂ ਤੋਂ ਪਹਿਲਾਂ ਉੱਥੇ ਵਾਪਰ ਰਹੀਆਂ ਹਨ ਜੋ ਭਾਜਪਾ ਦੀ ਹਾਰ ਦਾ ਕਾਰਨ ਬਣਨਗੀਆਂ। ਉਨ੍ਹਾਂ ਦਾ ਇਹ ਇਸ਼ਾਰਾ ਮੋਦੀ ਵੱਲੋਂ ਬਿਹਾਰੀਆਂ ਦੇ ਡੀ.ਐਨ.ਏ. ਬਾਰੇ ਦਿੱਤੇ ਬਿਆਨ ਵੱਲ ਸੀ। ਕੇਜਰੀਵਾਲ ਨੇ ਦਿੱਲੀ ਅੰਦਰ ਰਹਿੰਦੇ ਬਿਹਾਰੀਆਂ ਦੀ ਪ੍ਰਸੰਸਾ ਕੀਤੀ ਕਿ ਜੇ  ਉਹ ਦਿੱਲੀ ਅੰਦਰ ਇੱਕ ਦਿਨ ਕੰਮ ਨਾ ਕਰਨ ਤਾਂ ਦਿੱਲੀ ਬੰਦ ਵਰਗੀ ਹੋ ਜਾਵੇਗੀ।ਮੋਦੀ ਵੱਲੋਂ ਜੋ ਵਾਅਦੇ ਕੀਤੇ ਜਾ ਰਹੇ ਹਨ ਉਨ੍ਹਾਂ ਨੂੰ ਉਹ ਪੂਰਾ ਕਰ ਸਕਣਗੇ ਇਸ ਬਾਰੇ ਉਨ੍ਹਾਂ ਸ਼ੰਕੇ ਪ੍ਰਗਟ ਕੀਤੇ ਤੇ ਕਿਹਾ ਕਿ ਸ੍ਰੀ ਮੋਦੀ ਚੋਣਾਂ ਤੋਂ ਪਹਿਲਾਂ ਇਹ ਰਕਮ ਦੇਣਗੇ। ਉਨ੍ਹਾਂ ਕਿਹਾ ਕਿ ਸ੍ਰੀ ਮੋਦੀ ਥੋੜ੍ਹੀ ਜਿਹੀ ਰਕਮ ਇੱਕ ਰੈਂਕ ਇੱਕ ਪੈਂਸ਼ਨ ਲਈ ਸੰਘਰਸ਼ ਕਰ ਰਹੇ ਸਾਬਕਾ ਫ਼ੌਜੀਆਂ ਨੂੰ ਹੀ ਦੇਣ। ਇਸ ਤੋਂ ਪਹਿਲਾਂ ਦਿੱਲੀ ਅੰਦਰ ਵੱਖ-ਵੱਖ ਖੇਤਰਾਂ ਵਿੱਚ ਵਧੀਆ ਪ੍ਰਦਰਸ਼ਨ ਕਰ ਚੁੱਕੇ ਬਿਹਾਰ ਦੇ ਮੂਲ ਵਾਸੀਆਂ ਨੂੰ ਅੱਜ ਇਸ ਭਰਵੇਂ ਪ੍ਰੋਗਰਾਮ ਦੌਰਾਨ ਸਨਮਾਨਤ ਕੀਤਾ ਗਿਆ।