ਟਿਕਟ ਨਾ ਮਿਲਣ ‘ਤੇ ਪਾਰਟੀ ਵਿਰੁੱਧ ਪ੍ਰਦਰਸ਼ਨ ਦੇ ਰਸਤੇ ਉੱਤਰੇ ਟਿਕਟਾਂ ਦੇ ‘ਮੰਗਤੇ’

ਪਟਨਾ- ਬਿਹਾਰ ਚੋਣਾਂ ਦਾ ਐਲਾਨ ਹੋ ਚੁੱਕਿਆ ਹੈ। ਸਾਰੀਆਂ ਪਾਰਟੀਆਂ ਵੱਲੋਂ ਆਪਣੇ ਉਮੀਦਵਾਰਾਂ ਦੇ ਨਾਵਾਂ ਦਾ ਐਲਾਨ ਕੀਤਾ ਜਾ ਰਿਹਾ ਹੈ। ਪਰ ਇਸ ਦੌਰਾਨ ਪਾਰਟੀ ਤੋਂ ਟਿਕਟ ਨਾ ਮਿਲਣ ‘ਤੇ ਕਈ ਉਮੀਦਵਾਰ ਪਾਰਟੀ ਵਿਰੁੱਧ ਪ੍ਰਦਰਸ਼ਨ ਦੇ ਰਸਤੇ ਉੱਤਰ ਆਏ ਹਨ। 

ਬੀਜੇਪੀ ਤੇ ਜੇਡੀਯੂ ਦੇ ਕਈ ਲੀਡਰਾਂ ਨੇ ਟਿਕਟ ਨਾ ਮਿਲਣ ਤੇ ਪਾਰਟੀ ਦਫ਼ਤਰ ਬਾਹਰ ਪ੍ਰਦਰਸ਼ਨ ਕੀਤਾ ਤੇ ਦਫ਼ਤਰ ‘ਚ ਤੋੜਫੋੜ ਕੀਤੀ। ਬੀਜੇਪੀ ਨੇ ਆਪਣੇ ਉਮੀਦਵਾਰਾਂ ਦੀ ਆਖ਼ਰੀ ਸੂਚੀ ਜਾਰੀ ਕਰ ਦਿੱਤੀ ਹੈ। ਉੱਥੇ ਹੀ ਮਹਾਂ ਗੱਠਜੋੜ ਦੇ ਉਮੀਦਵਾਰਾਂ ਦੇ ਨਾਵਾਂ ਦਾ ਵੀ ਐਲਾਨ ਕਰ ਦਿੱਤਾ ਗਿਆ ਹੈ। ਦੋਵੇਂ ਪਾਰਟੀਆਂ ਦੇ ਵਰਕਰ ਵੀਰ ਚੰਦਰ ਪਟੇਲ ਰੋਡ ‘ਤੇ ਨੇੜੇ ਨੇੜੇ ਬਣੇ ਬੀਜੇਪੀ ਤੇ ਜੇਡੀਯੂ ਦਫ਼ਤਰਾਂ ਦੇ ਬਾਹਰ ਪਹੁੰਚ ਗਏ। ਭੜਕੇ ਬੀਜੇਪੀ ਵਰਕਰਾਂ ਨੇ ਮੇਨ ਗੇਟ ਦਾ ਜਿੰਦਾ ਭੰਨ ਕੇ ਦਫ਼ਤਰ ਦੇ ਅੰਦਰ ਜਾ ਪਹੁੰਚੇ। ਵਰਕਰਾਂ ਨੇ ਦਫ਼ਤਰ ਦੇ ਅੰਦਰ ਪਏ ਫ਼ਰਨੀਚਰ ਦੀ ਵੀ ਤੋੜ-ਭੰਨ ਕੀਤੀ। ਇਹਨਾਂ ਦਾ ਇਲਜ਼ਾਮ ਸੀ ਕਿ ਪਾਰਟੀ ਨੇ ਸੀਨੀਅਰ ਲੀਡਰਾਂ ਦੀ ਅਣਦੇਖੀ ਕੀਤੀ ਹੈ। ਨਿਤੀਸ਼ ਕੁਮਾਰ ਨੇ ਜਿਵੇਂ ਹੀ ਉਮੀਦਵਾਰਾਂ ਦੀ ਸੂਚੀ ਜਾਰੀ ਕੀਤੀ, ਇਸ ਦੇ ਨਾਲ ਹੀ ਜੇਡੀਯੂ ਵਰਕਰਾਂ ਦਾ ਹੰਗਾਮਾ ਸ਼ੁਰੂ ਹੋ ਗਿਆ। ਕਈ ਵਰਕਰ ਪਾਰਟੀ ਦੇ ਬਾਹਰ ਹੀ ਧਰਨੇ ‘ਤੇ ਬੈਠ ਗਏ।