ਸੜਕ ਹਾਦਸੇ 'ਚ ਸਰੀ ਦੇ ਪੰਜਾਬੀ ਦੀ ਮੌਤ

ਬਰਨਬੀ- ਜਗਰਾਉਂ ਨੇੜਲੇ ਪਿੰਡ ਕੋਠੇ ਪੋਨਾ ਦੇ ਸਰੀ ਰਹਿੰਦੇ ਨੌਜਵਾਨ ਦੀ ਨਜ਼ਦੀਕੀ ਸ਼ਹਿਰ ਬਰਨਬੀ ਵਿਖੇ ਸੜਕ ਹਾਦਸੇ ਦੌਰਾਨ ਉਦੋਂ ਮੌਤ ਹੋ ਗਈ ਜਦ ਉਸਦੀ ਟੈਕਸੀ ਸਾਹਮਣਿਓਂ ਆ ਰਹੀ ਇੱਕ ਹੋਰ ਟੈਕਸੀ ਨਾਲ ਟਕਰਾ ਗਈ।  ਪ੍ਰਾਪਤ ਜਾਣਕਾਰੀ ਅਨੁਸਾਰ 42 ਸਾਲਾ ਕੁਲਦੀਪ ਸਿੰਘ ਢਿੱਲੋਂ ਉਰਫ਼ ਰਿੰਪੀ ਬਹੁਤ ਹੀ ਸਾਊ ਸੁਭਾਅ ਵਾਲਾ ਤੇ ਮਿਹਨਤੀ ਵਿਅਕਤੀ ਸੀ। ਪਿੰਡ ਕੋਠੇ ਪੋਨਾ ਦੇ ਸਾਬਕਾ ਸਰਪੰਚ ਬੰਤ ਸਿੰਘ ਦਾ ਪੁੱਤਰ ਰਿੰਪੀ ਢਿੱਲੋਂ ਆਪਣੇ ਪਿੱਛੇ ਪਤਨੀ ਤੋਂ ਇਲਾਵਾ ਦੋ ਪੁੱਤਰ ਅਤੇ ਇੱਕ ਧੀ ਛੱਡ ਗਿਆ ਹੈ।