ਫੋਰਟ ਮੈਕਮਰੀ ਦੇ ਪੀੜਤਾਂ ਲਈ ਸਹਾਇਤਾ ਇਕੱਤਰ ਹੋਵੇਗੀ

ਸਰੀ (ਅਕਾਲ ਗਾਰਡੀਅਨ ਬਿਊਰੋ)- ਗੁਰਦੁਆਰਾ ਸਾਹਿਬ ਦਸਮੇਸ਼ ਦਰਬਾਰ ਸਰੀ ਦੇ ਮੁੱਖ ਸੇਵਾਦਾਰ ਸ. ਦਵਿੰਦਰ ਸਿੰਘ ਨੇ ਦੱਸਿਆ ਹੈ ਕਿ ਗੁਰਦੁਆਰਾ ਸਾਹਿਬ ਵੱਲੋਂ ਸੰਗਤ ਦੇ ਸਹਿਯੋਗ ਸਦਕਾ ਫੋਰਟ ਮੈਕਮਰੀ ਦੇ ਪੀੜਤਾਂ ਲਈ ਨਕਦ ਸਹਾਇਤਾ ਤੇ ਰਾਹਤ ਸਮੱਗਰੀ ਇਕੱਤਰ ਕੀਤੀ ਜਾ ਰਹੀ ਹੈ।

ਦਾਨੀ ਸੱਜਣ ਆਪਣੀ ਨੇਕ ਕਮਾਈ 'ਚੋ ਗੁਰਦੁਆਰਾ ਸਾਹਿਬ ਜਾ ਕੇ ਫੋਰਟ ਮੈਕਮਰੀ ਦੇ ਨਾਮ 'ਤੇ ਵੱਖਰੀ ਰਸੀਦ ਕਟਾ ਸਕਦੇ ਹਨ ਜਾਂ ਕਿਸੇ ਵੀ ਤਰਾਂ ਦੀ ਸੁੱਕੀ ਖਾਣ ਵਾਲੀ ਸਮੱਗਰੀ ਜਿਵੇਂ ਕਿ ਬਿਸਕੁਟ, ਸੀਰੀਅਲ, ਕੈਨ ਫੂਡ ਤੇ ਡਾਇਪਰ ਤੇ ਬੇਬੀ ਫੂਡ ਆਦਿ ਵੀ ਦਾਨ ਕਰ ਸਕਦੇ ਹਨ।

ਆਉਣ ਵਾਲੇ ਦਿਨਾਂ 'ਚ ਇਹ ਸਮੱਗਰੀ ਤੇ ਨਕਦ ਸਹਾਇਤਾ ਖ਼ੁਦ ਜਾ ਕੇ ਪੁੱਜਦੀ ਕੀਤੀ ਜਾਵੇਗੀ। ਹੋਰ ਜਾਣਕਾਰੀ ਲਈ ਸ. ਦਵਿੰਦਰ ਸਿੰਘ ਨਾਲ 604-355-2960 'ਤੇ ਜਾਂ ਗੁਰਦੁਆਰਾ ਸਾਹਿਬ ਨਾਲ 604-594-2574 'ਤੇ ਸੰਪਰਕ ਕੀਤਾ ਜਾ ਸਕਦਾ ਹੈ।