ਹੁਣ ਗਏ ਕੈਮਰੇ 'ਚ ਫਲੈਸ਼ ਦੇ ਦਿਨ

ਨਿਊਯਾਰਕ : ਸਾਫ ਤਸਵੀਰ ਖਿੱਚਣ ਲਈ ਕੈਮਰੇ 'ਚ ਇਸਤੇਮਾਲ ਹੋਣ ਵਾਲੀ ਫਲੈਸ਼ ਦੇ ਦਿਨ ਵੀ ਜਲਦ ਹੀ ਖਤਮ ਹੋਣ ਵਾਲੇ ਹਨ। ਖੋਜੀਆਂ ਨੇ ਰੋਸ਼ਨੀ ਤੋਂ ਇਕ ਹਜ਼ਾਰ ਗੁਣਾ ਵੱਧ ਸੰਵੇਦਨਸ਼ੀਲ ਕੈਮਰੇ ਦਾ ਸੈਂਸਰ ਤਿਆਰ ਕਰਨ ਦਾ ਦਾਅਵਾ ਕੀਤਾ ਹੈ, ਜਿਸ ਨਾਲ ਬਹੁਤ ਘੱਟ ਰੋਸ਼ਨੀ 'ਚ ਬਹੁਤ ਸਾਫ ਤਸਵੀਰ ਲਈ ਜਾ ਸਕਦੀ ਹੈ। ਇਸ ਸੈਂਸਰ ਦਾ ਨਿਰਮਾਣ ਸਿੰਗਾਪੁਰ ਸਥਿਤ ਯੂਨੀਵਰਸਿਟੀ 'ਚ ਕੀਤਾ ਗਿਆ ਹੈ। ਇਹ ਵਿਜ਼ੀਬਲ ਤੇ ਇਨਫ੍ਰਾਰੈਡ ਦੋਵਾਂ ਤਰ੍ਹਾਂ ਦੀ ਰੋਸ਼ਨੀ ਪ੍ਰਤੀ ਸੰਵੇਦਨਸ਼ੀਲ ਹੈ। ਇਸ ਦੀ ਵਰਤੋਂ ਆਮ ਕੈਮਰੇ ਤੋਂ ਲੈ ਕੇ ਨਿਗਰਾਨੀ ਰੱਖਣ ਲਈ ਇਸਤੇਮਾਲ ਕੀਤੇ ਜਾਣ ਵਾਲੇ ਤੇ ਸੈਟੇਲਾਈਟ ਕੈਮਰਿਆਂ ਤਕ ਲਈ ਕੀਤਾ ਜਾ ਸਕਦਾ ਹੈ। ਬਾਕੀਆਂ ਨਾਲੋਂ ਸਸਤਾ ਇਹ ਸੈਂਸਰ ਪ੍ਰਕਾਸ਼ ਪ੍ਰਤੀ ਇਮੇਜ਼ਿੰਗ ਸੈਂਸਰ ਮੁਕਾਬਲੇ ਹਜ਼ਾਰ ਗੁਣਾ ਜ਼ਿਆਦਾ ਤਾਕਤਵਰ ਹੈ। ਅੱਜ ਕੱਲ੍ਹ ਕੈਮਰਿਆਂ 'ਚ ਇਮੇਜ਼ਿੰਗ ਸੈਂਸਰ ਦੀ ਵਰਤੋਂ ਹੁੰਦੀ ਹੈ।