ਚੰਡੀਗੜ੍ਹ- ਪੰਜਾਬ ਦੇ ਕਿਸਾਨ ਆਪਣੇ ਰਵਾਇਤੀ ਧੰਦੇ ਖੇਤੀਬਾੜੀ ਤੋਂ ਮੂੰਹ ਮੋੜ ਰਹੇ ਹਨ। ਇਹ ਤੱਥ ਸੂਬੇ ਦੀ ਜਨਗਣਨਾ ਤੇ ਤਾਜ਼ਾ ਅੰਕੜਿਆਂ ਦੌਰਾਨ ਸਾਹਮਣੇ ਆਏ ਹਨ। ਸਰਕਾਰੀ ਅੰਕੜਿਆਂ ਮੁਤਾਬਕ ਕਾਸ਼ਤਕਰ ਕਿਸਾਨਾਂ ਦੀ ਗਿਣਤੀ ਕੁੱਲ ਵਸੋਂ ਦਾ 19.5 ਫੀਸਦੀ ਰਹਿ ਗਈ ਹੈ, ਜੋ 2001 ਦੀ ਜਨਗਣਨਾ ਵਿੱਚ 22.6 ਫੀਸਦੀ ਸੀ। ਕਿਸਾਨਾਂ ਦੇ ਨਾਲ ਖੇਤ ਮਜ਼ਦੂਰਾਂ ਦੀ ਗਿਣਤੀ ਵੀ ਘਟੀ ਹੈ। ਦਸ ਸਾਲ ਪਹਿਲਾਂ ਖੇਤ ਮਜ਼ਦੂਰਾਂ ਦੀ ਔਸਤ ਵਸੋਂ ਦੇ ਹਿਸਾਬ ਨਾਲ 16.3 ਸੀ, ਜਿਹੜੀ ਹੁਣ 6 ਫੀਸਦੀ ਰਹਿ ਗਈ ਹੈ। ਸੂਬੇ ਵਿੱਚ ਹੋਰ ਧੰਦਿਆਂ ਨਾਲ ਜੁੜੇ ਕਾਮਿਆਂ ਦੀ ਗਿਣਤੀ ਵਿੱਚ ਜ਼ਰੂਰ ਵਾਧਾ ਹੋਇਆ ਹੈ। 2001 ਦੌਰਾਨ ਹੋਰ ਕਾਮੇ 57.4 ਫੀਸਦੀ ਸਨ, ਪਰ ਤਾਜ਼ਾ ਜਨਗਣਨਾ ਦੌਰਾਨ ਇਨ੍ਹਾਂ ਦੀ ਗਿਣਤੀ 60.5 ਫੀਸਦੀ ਦਰਜ ਕੀਤੀ ਗਈ ਹੈ।