ਬੱਬਰ ਖਾਲਸਾ ਦੇ ਖਾੜਕੂ ਭਾਈ ਬਲਜੀਤ ਸਿੰਘ ਭਾਊ ਦੀ ਜ਼ਮਾਨਤ ਮਨਜੂਰ

ਨਵੀਂ ਦਿੱਲੀ 7 ਜੂਨ (ਮਨਪ੍ਰੀਤ ਸਿੰਘ ਖਾਲਸਾ) ਦਿੱਲੀ ਦੀ ਅਦਾਲਤ ਵਿੱਚ ਭਾਈ ਬਲਜੀਤ ਸਿੰਘ ਭਾਊ ਦੀ ਸੌਦਾ ਸਾਧ ਕੇਸ ਐਫ ਆਈ ਆਰ ਨੰ 77/2007 ਧਾਰਾ 25(1), 120 ਬੀ ਅਤੇ 121 ਏ ਅਧੀਨ ਜ਼ਮਾਨਤ ਦੀ ਸੁਣਵਾਈ ਜੱਜ ਰਾਕੇਸ਼ ਸਿਧਾਰਥ ਦੀ ਕੋਰਟ ਵਿੱਚ ਸਮੇਂ ਤੋ ਤਕਰੀਬਨ 4 ਘੰਟੇ ਦੇਰੀ ਨਾਲ ਹੋਈ। ਕੋਰਟ ਵਿੱਚ ਬਲਜੀਤ ਸਿੰਘ ਭਾਊ ਨੂੰ ਪੇਸ਼ ਨਹੀ ਕੀਤਾ ਗਿਆ ਤੇ ਨਾ ਹੀ ਸਰਕਾਰੀ ਵਕੀਲ ਕੋਰਟ ਵਿਚ ਹਾਜ਼ਿਰ ਹੋਇਆ ਸੀ। ਵਕੀਲ ਸੰਜਯ ਚੋਬੇ ਵਲੋ ਪ੍ਰਭਾਵਸ਼ਾਲੀ ਬਹਿਸ ਕਰਦਿਆਂ ਜੱਜ ਸਾਹਿਬ ਨੇ 25000 ਦੇ ਨਿੱਜੀ ਮੁਚੱਲਕੇ 'ਤੇ ਪੱਕੀ ਜ਼ਮਾਨਤ ਮਨਜੂਰ ਕਰ ਦਿੱਤੀ। ਕੋਰਟ ਵਿਚ ਸੁਣਵਾਈ ਦੌਰਾਨ ਭਾਈ ਭਾਊ ਦੇ ਭਰਾਤਾ ਅਤੇ ਦੋਸਤ ਪਰਮਿੰਦਰ ਸਿੰਘ ਹਾਜ਼ਰ ਸਨ। ਕੋਰਟ ਵਿਚ ਭਾਈ ਬਲਜੀਤ ਸਿੰਘ ਭਾਉ ਵਲੋਂ ਸੀਨੀਅਰ ਵਕੀਲ ਮਨਿੰਦਰ ਸਿੰਘ ਦੀ ਗੈਰ ਹਾਜ਼ਰੀ ਵਿੱਚ ਉਨ੍ਹਾਂ ਦੇ ਅਸਿਸਟੈਂਟ ਸੰਜਯ ਚੋਬੇ ਹਾਜ਼ਰ ਹੋਏ ਸਨ