ਉਜੈਨ- ਕੇਂਦਰੀ ਰਾਜ ਮੰਤਰੀ ਜਤਿਨ ਪ੍ਰਸਾਦ ਨੇ ਕੱਲ੍ਹ ਇਥੇ ਕਿਹਾ ਕਿ ਦੇਸ਼ ਦੀ ਸਿਖਿਆ ਦਾਇਰਾ ਚੰਗਾ ਹੋਣਾ ਚਾਹੀਦਾ ਹੈ। ਵਰਤਮਾਨ ਵਿੱਚ ਦੇਸ਼ ਦੇ 70 ਫੀਸਦੀ ਲੋਕ ਨੌਕਰੀ ਦੇ ਲਾਇਕ ਨਹੀਂ ਹਨ। ਅਜਿਹੇ ਵਿੱਚ ਕੰਮ ਕਿਵੇਂ ਚੱਲੇਗਾ? ਉਨ੍ਹਾਂ ਨੇ ਵਧੀਆ ਸਿਖਲਾਈ ਦੇਣ ਦੀ ਜ਼ਰੂਰਤ ਹੈ। ਜਤਿਨ ਪ੍ਰਸਾਦ ਉਜੈਨ ਸਥਿਤ ਮਹਾਰਿਸ਼ੀ ਸੰਦੀਪਨੀ ਰਾਸ਼ਟਰੀ ਵੇਦਵਿਲਾ ਕਾਲਜ ਵਿੱਚ ਡਿਗਰੀ ਵੰਡ ਸਮਾਰੋਹ ਵਿੱਚ ਬੋਲ ਰਹੇ ਸਨ। ਪ੍ਰਸਾਦ ਨੇ ਦੇਸ਼ ਦੀ ਸਿਖਿਆ ਦੇ ਰੁਝਾਨ ‘ਤੇ ਅਸੰਤੋਸ਼ ਪ੍ਰਗਟਾਉਂਦੇ ਹੋਏ ਕਿਹਾ ਕਿ ਅੱਜਕੱਲ੍ਹ ਡਿਗਰੀ ਲੈਣਾ ਆਸਾਨ ਹੈ। ਅਜਿਹੀ ਸਿਖਿਆ ਕਿਸ ਕੰਮ ਦੀ ਜੋ ਦੋ ਵਕਤ ਦੀ ਰੋਟੀ ਵੀ ਨਾ ਦੇ ਸਕੇ। ਦੇਸ਼ ਵਿੱਚ ਅਜਿਹੇ ਲੋਕ ਜੋ ਪੜ੍ਹਨਾ ਚਾਹੰੁਦੇ ਹਨ, ਉਨ੍ਹਾਂ ਕੋਲ ਸੁਵਿਧਾ ਨਹੀਂ ਹੈ। ਕੇਂਦਰੀ ਰਾਜ ਮੰਤਰੀ ਜਤਿਨ ਪ੍ਰਸਾਦ ਨੇ ਮਹਾਕਾਲੇਸ਼ਵਰ ਮੰਦਰ ਵਿੱਚ ਪੂਜਾ-ਅਰਚਨਾ ਕੀਤੀ। ਬਾਅਦ ਵਿੱਚ ਪੱਤਰਕਾਰਾਂ ਨੂੰ ਕਿਹਾ ਕਿ ਭਾਜਪਾ ਨੂੰ ਦੇਸ਼ ‘ਤੇ ਰਾਜ ਕਰਨ ਦਾ ਸੁਪਨਾ ਛੱਡ ਦੇਣਾ ਚਾਹੀਦਾ ਹੈ। ਭਾਜਪਾ ਆਪਣੇ ਝਗੜੇ ਤਾਂ ਸੁਲਝਾ ਨਹੀਂ ਸਕਦੀ ਤਾਂ ਦੇਸ਼ ਕੀ ਚਲਾਏਗੀ।