ਗੁਰਦੁਆਰਾ ਸਾਹਿਬ ਕਲਗੀਧਰ ਦਰਬਾਰ ਐਬਸਫੋਰਡ ਅਤੇ ਸਿੱਖ ਮੋਟਰਸਾਈਕਲ ਕਲੱਬ ਵੱਲੋਂ ਦਸਤਾਰ ਅਤੇ ਦੁਮਾਲਾ ਮੁਕਾਬਲੇ ਕਰਵਾਏ ਗਏ

Posted on December 25th, 2019

ਐਬਸਫੋਰਡ- ਗੁਰਦੁਆਰਾ ਸਾਹਿਬ ਕਲਗੀਧਰ ਦਰਬਾਰ ਐਬਸਫੋਰਡ ਵੱਲੋਂ ਬੀਤੇ ਐੈਤਵਾਰ ਦਸਤਾਰ ਅਤੇ ਦੁਮਾਲਾ ਮੁਕਾਬਲੇ ਕਰਵਾਏ ਗਏ, ਜਿਸ ਵਿੱਚ ਐਬਸਫੋਰਡ ਅਤੇ ਆਸ ਪਾਸ ਦੇ ਹੋਰ ਇਲਾਕੇ ਸਰੀ, ਵੈਨਕੂਵਰ, ਮਿਸ਼ਨ ਆਦਿਕ ਤੋਂ ਸੰਗਤਾਂ ਨੇ ਪਰਿਵਾਰਾਂ ਸਮੇਤ ਸ਼ਾਮੂਲੀਅਤ ਕੀਤੀ।

ਗੁਰਦੁਆਰਾ ਸਾਹਿਬ ਦੀ ਸਮੁੱਚੀ ਪ੍ਰਬੰਧਕ ਕਮੇਟੀ ਅਤੇ ਮੁੱਖ ਤੌਰ ਤੇ ਸ. ਬਾਜ ਸਿੰਘ, ਸ. ਅਜੀਤ ਸਿੰਘ ਸਿੱਧੂ, ਸ. ਰਣਧੀਰ ਸਿੰਘ ਗਰੇਵਾਲ, ਸ. ਬਲਜੀਤ ਸਿੰਘ ਧਾਲੀਵਾਲ, ਸ. ਜਸਪਾਲ ਸਿੰਘ ਗਿੱਲ ਅਤੇ ਬੀਬੀ ਕਿਰਪਾਲ ਕੌਰ ਧਾਲੀਵਾਲ ਹੋਰਾਂ ਵੱਲੋਂ ਸੰਗਤਾਂ ਦੇ ਸਹਿਯੋਗ ਨਾਲ ਬਹੁਤ ਹੀ ਸੁਚੱਜਾ ਪ੍ਰਬੰਧ ਕੀਤਾ ਗਿਆ ਅਤੇ ਬੱਚਿਆਂ ਦਾ ਉਤਸ਼ਾਹ ਵਧਾਉਣ ਲਈ ਟੀ.ਵੀ, ਟੈਬਲੇਟਸ, ਗਿਫਟ ਕਾਰਡਜ਼ ਆਦਿਕ ਦਿਲ ਖਿੱਚਵੇਂ ਇਨਾਮ ਲਿਆਂਦੇ ਗਏ।

ਸਿੱਖ ਮੋਟਰਸਾਈਕਲ ਕਲੱਬ ਵੱਲੋਂ ਸਾਰੇ ਪ੍ਰੋਗਰਾਮ ਦਾ ਸੰਚਾਲਨ ਕਰਦੇ ਹੋਏ ਜੱਜਾਂ ਦੀ ਭੂਮਿਕਾ ਸ. ਭੁਪਿੰਦਰ ਸਿੰਘ ਥਾਂਦੀ, ਜਤਿੰਦਰ ਸਿੰਘ ਚੌਹਾਨ, ਗੁਰਪ੍ਰੀਤ ਸਿੰਘ ਤੁੰਗ, ਰਾਜਵਿੰਦਰ ਸਿੰਘ ਵੜੈਚ ਅਤੇ ਜਸਕਰਨ ਸਿੰਘ ਬਾਠ ਵੱਲੋਂ ਨਿਭਾਈ ਗਈ। ਇਸ ਸਮਾਗਮ ਵਿੱਚ ਹਿੱਸਾ ਲੈਣ ਵਾਲੇ ਹਰ ਇੱਕ ਬੱਚੇ ਨੂੰ ਸਿੱਖ ਮੋਟਰਸਾਈਕਲ ਕਲੱਬ ਵੱਲੋਂ ਟੀ-ਸ਼ਰਟ ਦੇ ਨਾਲ ਸਨਮਾਨਿਤ ਕੀਤਾ ਗਿਆ ਅਤੇ ਇਸ ਸਮਾਗਮ ਦੀ ਵਿਸ਼ੇਸ਼ਤਾ ਇਹ ਵੀ ਰਹੀ ਕਿ ਭਾਗ ਲੈਣ ਵਾਲੇ ਹਰ ਇੱਕ ਬੱਚੇ ਦਾ ਸਨਮਾਨ ਮੈਡਲ ਨਾਲ ਕੀਤਾ ਗਿਆ।

ਜੇਤੂ ਰਹਿਣ ਵਾਲੇ ਸਿੰਘ ਸਿੰਘਣੀਆਂ ਦੇ ਨਾਮ ਇਸ ਪ੍ਰਕਾਰ ਹਨ:

ਸ਼੍ਰੇਣੀ-ਉਮਰ ਵਰਗ-ਪਹਿਲਾ,ਦੂਜਾ,ਤੀਜਾ ਸਥਾਨ

ਸਿੰਘ ਦਸਤਾਰ:
8 ਤੋਂ 12 - ਸੁਖਮਨ ਸਿੰਘ, ਫਤਹਿਦੀਪ ਸਿੰਘ, ਵਿਸ਼ਵਜੀਤ ਸਿੰਘ।

13 ਤੋਂ 17 - ਸੁਖਮਨਜੀਤ ਸਿੰਘ, ਗੁਰਪ੍ਰੀਤ ਸਿੰਘ, ਗੁਰਮੀਤ ਸਿੰਘ।

18 ਤੋਂ 25 - ਕੁਲਵਿੰਦਰ ਸਿੰਘ।

26 ਤੋਂ Open - ਪ੍ਰੀਤਮ ਸਿੰਘ, ਬਲਦੇਵ ਸਿੰਘ, ਨਮਨੀਤ ਸਿੰਘ।

ਸਿੰਘ ਦੁਮਾਲਾ:
8 ਤੋਂ 12 - ਅਰਜਨ ਸਿੰਘ, ਗੁਰਵੀਰ ਸਿੰਘ, ਜਸ਼ਨਪ੍ਰੀਤ ਸਿੰਘ।

13 ਤੋਂ 17 - ਪਾਲਮਵੀਰ ਸਿੰਘ, ਮਿਹਰ ਸਿੰਘ, ਗੁਰਮਹਿਕ ਸਿੰਘ।

26 ਤੋਂ Open - ਅਰਸ਼ਦੀਪ ਸਿੰਘ, ਕੁਲਵੰਤ ਸਿੰਘ।

ਸਿੰਘਣੀਆਂ ਦੁਮਾਲਾ:
8 ਤੋਂ 12 - ਤਰਨਦੀਪ ਕੌਰ, ਸਹਿਜ ਕੌਰ, ਜਸਨੂਰ ਕੌਰ।

13 ਤੋਂ 17 - ਅਭਿਨਾਸ਼ ਕੌਰ, ਇਕਜੋਤ ਕੌਰ।

18 ਤੋਂ 25 - ਅਮਿਤੋਜ ਕੌਰ, ਸਾਹਿਬ ਕੌਰ।

26 ਤੋਂ Open - ਮਨਪ੍ਰੀਤ ਕੌਰ, ਕਮਲਪ੍ਰੀਤ ਕੌਰ।

ਬੱਚਿਆਂ ਦੀ ਸਿੱਖੀ ਸਰੂਪ ਨਾਲ ਜੁੜੇ ਰਹਿਣ ਵਿੱਚ ਮਾਵਾਂ ਦਾ ਬਹੁਤ ਵੱਡਾ ਯੋਗਦਾਨ ਹੁੰਦਾ ਹੈ ਇਸੇ ਗੱਲ ਨੂੰ ਧਿਆਨ ਵਿੱਚ ਰੱਖਦੇ ਹੋਏ ਇੱਕ ਵਿਸ਼ੇਸ਼ ਕੈਟੇਗਰੀ ਵਿੱਚ ਮੁਕਾਬਲੇ ਕਰਵਾਏ ਗਏ, ਜਿਸ ਵਿੱਚ ਮਾਤਾਵਾਂ ਨੇ ਆਪਣੇ ਸੱਤ ਸਾਲ ਦੀ ਉਮਰ ਤੱਕ ਦੇ ਬੱਚਿਆਂ ਦੇ ਦਸਤਾਰਾਂ ਸਜਾਈਆਂ। ਇਨ੍ਹਾਂ ਮੁਕਾਬਲਿਆਂ ਵਿੱਚ ਜੇਤੂ ਰਹਿਣ ਵਾਲੀਆਂ ਮਾਵਾਂ (ਬੱਚਿਆਂ) ਦੇ ਨਾਮ ਕਰਮਵਾਰ ਇਸ ਪ੍ਰਕਾਰ ਹਨ:

ਕੁਲਜੀਤ ਕੌਰ (ਹਿੰਮਤ ਸਿੰਘ), ਮਨਵਿੰਦਰ ਕੌਰ (ਅਸੀਸ ਕੌਰ), ਸਿਮਰਨ ਕੌਰ (ਮਨਜੋਤ ਕੌਰ)।

ਜਿਨ੍ਹਾਂ ਪਰਿਵਾਰਾਂ ਵੱਲੋਂ ਪੀਜ਼ੇ, ਪਕੌੜੇ ਅਤੇ ਜਲੇਬੀਆਂ ਦੇ ਲੰਗਰ ਲਗਾਏ ਗਏ ਸਿੱਖ ਮੋਟਰਸਾਈਕਲ ਕਲੱਬ ਵੱਲੋਂ ਉਨ੍ਹਾਂ ਦਾ ਵਿਸ਼ੇਸ ਧੰਨਵਾਦ ਅਤੇ ਸਨਮਾਨ ਕੀਤਾ ਗਿਆ। ਗੁਰਦੁਆਰਾ ਸਾਹਿਬ ਦੀ ਪ੍ਰਬੰਧਕ ਕਮੇਟੀ ਵਲੋਂ ਸਿੱਖ ਮੋਟਰਸਾਈਕਲ ਦਾ ਸਨਮਾਨ ਕੀਤਾ ਗਿਆ, ਜੋ ਕਿ ਕਲੱਬ ਦੇ ਸਰਪ੍ਰਸਤ ਸ. ਅਵਤਾਰ ਸਿੰਘ ਢਿੱਲੋਂ ਹੁਰਾਂ ਨੇ ਸਮੂਹ ਮੈਂਬਰਾਂ ਦੇ ਨਾਲ ਨਿਮਰਤਾ ਸਹਿਤ ਪ੍ਰਾਪਤ ਕੀਤਾ। ਫੋਟੋਗ੍ਰਾਫੀ ਦੀ ਸੇਵਾ ਸ਼ਰਮਾ ਜੀ ਵੱਲੋਂ ਨਿਭਾਈ ਗਈ। ਸਮੁੱਚੇ ਰੂਪ ਵਿੱਚ ਇਹ ਉਪਰਾਲਾ ਇੱਕ ਯਾਦਗਾਰੀ ਸਮਾਗਮ ਹੋ ਨਿੱਬੜਿਆ। ਗੁਰਦੁਆਰਾ ਸਾਹਿਬ ਕਲਗੀਧਰ ਦਰਬਾਰ ਅਤੇ ਸਿੱਖ ਮੋਟਰਸਾਈਕਲ ਕਲੱਬ ਵੱਲੋਂ ਅਗਾਂਹ ਤੋਂ ਵੀ ਅਜਿਹੇ ਸਮਾਗਮ ਕਰਵਾਉਣ ਪ੍ਰਤੀ ਵਚਨਬੱਧਤਾ ਪ੍ਰਗਟਾਈ ਗਈ।