ਨਿਊਜ਼ੀਲੈਂਡ 'ਚ ਮੌਸਮ ਵਿਗੜਿਆ-ਭਾਰੀ ਬਰਫਬਾਰੀ, ਮੀਂਹ, ਝੱਖੜ ਦੇ ਠੰਢ ਨੇ ਲੋਕੀ ਠਾਰੇ

<p>ਨਿਊਜ਼ੀਲੈਂਡ ਦੇ ਦੱਖਣੀ ਟਾਪੂ ਦੇ ਕੁਝ ਖੇਤਰਾਂ ਵਿਚ ਪਈ ਭਾਰੀ ਬਰਫਬਾਰੀ ਦੀਆਂ ਤਸਵੀਰਾਂ<br></p>

ਔਕਲੈਂਡ 20 ਜੂਨ (ਹਰਜਿੰਦਰ ਸਿੰਘ ਬਸਿਆਲਾ)- ਨਿਊਜ਼ੀਲੈਂਡ ਦੇ ਦੱਖਣੀ ਟਾਪੂ ਅਤੇ ਉਤਰੀ ਟਾਪੂ ਦੇ ਵਿਚ ਅੱਜਕੱਲ੍ਹ ਮੌਸਮ ਵਿਗੜਿਆ ਹੋਇਆ ਹੈ। ਬੀਤੇ ਕੱਲ੍ਹ ਤੋਂ ਇਥੇ ਬਰਫਬਾਰੀ, ਭਾਰੀ ਮੀਂਹ, ਝੱਖੜ ਅਤੇ ਠੰਢ ਨੇ ਲੋਕਾਂ ਨੂੰ ਬੁਰੀ ਤਰ੍ਹਾਂ ਠਾਰ ਕੇ ਰੱਖ ਦਿੱਤਾ ਹੈ। ਦੱਖਣੀ ਟਾਪੂ ਦੇ ਕੁਝ ਇਲਾਕਿਆਂ ਦੇ ਵਿਚ ਭਾਰੀ ਬਰਫਬਾਰੀ ਹੋਈ ਜਿਸ ਦੇ ਨਾਲ ਲੋਕਾਂ ਦੇ ਘਰਾਂ ਦੀ ਬਿਜਲੀ ਵੀ ਗੁੱਲ ਹੋ ਗਈ ਹੈ। ਮੌਸਮ ਵਿਭਾਗ ਨੇ ਕਿਹਾ ਹੈ ਕਿ ਅਜੇ ਹੋਰ ਖਰਾਬ ਮੌਸਮ ਹੋਣ ਦੀ ਸੰਭਾਵਨਾ ਹੈ। ਇਹ ਠੰਢ ਅੰਟਾਰਕਟਿਕਾ ਤੋਂ ਆਉਣ ਕਰਕੇ ਇਸ ਨੂੰ 'ਪੋਲਰ ਬਲਾਸਟ' ਦਾ ਨਾਂਅ ਦਿੱਤਾ ਗਿਆ ਹੈ। ਕਈ ਜਗ੍ਹਾ ਘਰੇਲੂ ਉਡਾਣਾ ਕੈਂਸਿਲ ਕਰ ਦਿੱਤੀਆਂ ਗਈਆਂ ਹਨ। ਮੌਸਮ ਵਿਭਾਗ ਵੱਲੋਂ ਅਜੇ ਹੋਰ ਮੌਸਮ ਖਰਾਬ ਹੋਣ ਦੀਆਂ ਚੇਤਾਵਨੀਆਂ ਦਿੱਤੀਆਂ ਜਾ ਰਹੀਆਂ ਹਨ।