ਲਾਪਤਾ ਪੰਜਾਬੀ ਨੌਜਵਾਨ ਦੀ ਲਾਸ਼ ਮਿਲੀ

ਸਰੀ (ਅਕਾਲ ਗਾਰਡੀਅਨ ਬਿਊਰੋ)- ਬਠਿੰਡਾ ਦੇ ਰਾਮਪੁਰਾ ਸ਼ਹਿਰ ਨਜ਼ਦੀਕ ਪਿੰਡ ਬੁੱਗਰਾ ਦਾ ਵਸਨੀਕ 23 ਸਾਲਾ ਰਤਨਜੋਤ ਸਿੰਘ ਸਰੀ ਸ਼ਹਿਰ ਦੇ ਕਲੋਵਰਡੇਲ ਇਲਾਕੇ 'ਚ ਪਿਛਲੇ ਤਕਰੀਬਨ ਦੋ ਕੁ ਸਾਲਾਂ ਤੋਂ ਰਹਿ ਰਿਹਾ ਸੀ। ਵੈਨਕੂਵਰ ਦੇ ਕੋਲੰਬੀਆ ਕਾਲਜ 'ਚ ਪੜ੍ਹਾਈ ਕਰਨ ਲਈ ਪੰਜਾਬ ਤੋਂ ਆਇਆ ਰਤਨਜੋਤ ਕੁਝ ਦਿਨ ਪਹਿਲਾਂ ਲਾਪਤਾ ਹੋ ਗਿਆ ਸੀ ਤੇ ਫਿਰ ਉਸਦੀ ਲਾਸ਼ ਪੁਲਿਸ ਨੇ ਬਰਾਮਦ ਕੀਤੀ। ਮਰਨ ਤੋਂ ਪਹਿਲਾਂ ਉਹ ਕਾਫੀ ਮਾਨਸਿਕ ਪਰੇਸ਼ਾਨੀ 'ਚ ਸੀ। ਪੁਲਿਸ ਦਾ ਕਹਿਣਾ ਹੈ ਕਿ ਉਸ ਦੀ ਮੌਤ ਸ਼ੱਕੀ ਨਹੀਂ ਹੈ ਅਤੇ ਪੁਲਿਸ ਰਤਨਜੋਤ ਸਿੰਘ ਸਿੱਧੂ ਦੀ ਮੌਤ ਦੇ ਕਾਰਨਾਂ ਦੀ ਜਾਂਚ ਕਰ ਰਹੀ ਹੈ।