ਗੁਰੂ ਨਾਨਕ ਸਿੱਖ ਗੁ: ਸਰੀ/ਡੈਲਟਾ ਵੱਲੋਂ ਨਾਨਕਸ਼ਾਹੀ ਸੰਮਤ 552 ਚੇਤ ਨੂੰ "ਜੀ ਆਇਆਂ" ਅਤੇ "ਸਿੱਖ ਪੱਤ੍ਰਕਾ" ਜਾਰੀ ਕੀਤਾ ਗਿਆ

ਸਰੀ- ਗੁਰੂ ਨਾਨਕ ਸਿੱਖ ਗੁਰਦੁਆਰਾ ਸਰੀ ਵੱਲੋਂ ਸਮੂਹ ਸੰਗਤਾਂ ਦੇ ਸਹਿਯੋਗ ਨਾਲ ਨਾਨਕਸ਼ਾਹੀ ਸੰਮਤ 552 ੧ ਚੇਤ ਮਹੀਨੇ ਨਵੇਂ ਸਾਲ ਨੂੰ "ਜੀ ਆਇਆਂ ਨੂੰ" ਕਹਿਣ ਵਾਸਤੇ ਅਤੇ ਲੰਘ ਚੁੱਕੇ ਸੰਮਤ 551 ਨੂੰ ਵਿਦਾਇਗੀ ਦੇਣ ਮੌਕੇ ਸ੍ਰੀ ਅਖੰਡ ਪਾਠ ਸਾਹਿਬ ਜੀ ਦੇ ਭੋਗ 13 ਮਾਰਚ ਸ਼ਾਮ ਨੂੰ 9 ਵਜੇ ਪਾਏ ਗਏ, ਉਪਰੰਤ ਆਤਮਰਸ ਕੀਰਤਨ ਦਰਬਾਰ ਰਾਹੀਂ ਸਿੱਖ ਸੰਗਤਾ ਨੇ ਆਨੰਦ ਮਾਣਿਆ ਅਤੇ ਸੰਸਾਰ ਭਰ ਵਿਚ ਫੈਲੇ ਕਰੋਨਾ ਵਾਇਰਸ ਤੋਂ ਪੀੜਤ ਮਰੀਜ਼ਾਂ ਦੀ ਸਿਹਤਯਾਬੀ ਤੰਦਰੁਸਤੀ ਲਈ ਅਰਦਾਸ ਕੀਤੀ ਗਈ ।

ਉਪਰੰਤ ਗੁਰੂ ਨਾਨਕ ਸਿੱਖ ਗੁਰਦੁਆਰਾ ਸੁਸਾਇਟੀ ਵੱਲੋਂ ਮਹੀਨੇਵਾਰ "ਸਿੱਖ ਪੱਤ੍ਰਕਾ" ਨਾਨਕਸ਼ਾਹੀ ਸੰਮਤ 552 ਚੇਤ ਮਹੀਨੇ ਜਾਰੀ ਕੀਤਾ ਗਿਆ, ਜਿਸ ਦਾ ਮਕਸਦ ਸਿੱਖ ਨੌਜਵਾਨਾਂ ਨੂੰ ਆਪਣੇ ਗੁਰ-ਇਤਿਹਾਸ, ਸਿੱਖ-ਇਤਿਹਾਸ ਅਤੇ ਆਪਣੇ ਸਿੱਖ ਵਿਰਸੇ ਨਾਲ ਜੋੜਨਾ ਹੈ।ਆਉਣ ਵਾਲੇ ਸਮੇਂ ਵਿੱਚ ਵੀ ਸਿੱਖੀ ਦੇ ਪ੍ਰਚਾਰ ਅਤੇ ਪ੍ਰਸਾਰ ਲਈ ਗੁਰੂ ਨਾਨਕ ਸਿੱਖ ਗੁਰਦੁਆਰਾ ਸੁਸਾਇਟੀ ਵੱਲੋਂ ਹਮੇਸ਼ਾਂ ਦੀ ਤਰਾਂ ਯਤਨ ਜਾਰੀ ਰਹਿਣਗੇ।