ਕੈਨੇਡਾ `ਚ ਭਾਰਤ ਵਲੋਂ ਕਰਵਾਈ ਜਾ ਰਹੀ ਹੈ ਜਸੂਸੀ

ਓਟਵਾ- ਕੈਨੇਡਾ ਵਿੱਚ ਭਾਰਤੀ ਏਜੰਸੀਆਂ ਵੱਲੋਂ ਕੈਨੇਡੀਅਨ ਸਿਆਸਤਦਾਨਾਂ ਨੂੰ ਆਪਣੇ ਪ੍ਰਭਾਵ ‘ਚ ਲੈਣ ਲਈ ਪੈਸਾ ਅਤੇ ਗੁਮਰਾਹਕੁੰਨ ਜਾਣਕਾਰੀ ਵਰਤਣ ਦਾ ਮਾਮਲਾ ਸਾਹਮਣੇ ਆਇਆ ਹੈ, ਜਿਸਦਾ ਮਕਸਦ ਕੈਨੇਡੀਅਨ ਸਿਆਸਤਦਾਨਾਂ ਨੂੰ ਭਾਰਤੀ ਹਿਤਾਂ ਲਈ ਵਰਤਣਾ ਸੀ।

ਇੱਕ ਭਾਰਤੀ ਅਖਬਾਰ ਦੇ ਮੁੱਖ ਸੰਪਾਦਕ ‘ਤੇ ਕੈਨੇਡੀਅਨ ਖੁਫੀਆ ਏਜੰਸੀ ਸੀਸਸ ਵੱਲੋਂ ਲਾਏ ਗਏ ਦੋਸ਼ਾਂ ਤੋਂ ਬਾਅਦ ਇਹ ਗੱਲ ਜ਼ਾਹਰ ਹੋਈ ਹੈ। ਇਸ ਮੁੱਖ ਸੰਪਾਦਕ ਦੇ ਅਖਬਾਰ ਦਾ ਨਾਮ ਅਤੇ ਉਸਦਾ ਨਾਮ ਲੁਕੋ ਲਿਆ ਗਿਆ ਹੈ, ਜਿਸਦੀ ਪਤਨੀ ਅਤੇ ਲੜਕਾ ਕੈਨੇਡੀਅਨ ਨਾਗਰਿਕ ਹਨ।

ਅਦਾਲਤੀ ਮਾਮਲੇ ‘ਚ ਬਹੁਤ ਸਾਰੇ ਸਬੂਤ ਮਿਲੇ ਹਨ ਕਿ 2015 ‘ਚ ਮੋਦੀ ਦੀ ਕੈਨੇਡਾ ਫੇਰੀ ਤੋਂ ਬਾਅਦ ਅਜਿਹੀ ਸਰਗਰਮੀ ਵਧੀ।

ਕੈਨੇਡਾ ਦੀਆਂ ਖੁਫੀਆ ਏਜੰਸੀਆਂ ਜੇਕਰ ਮਾੜਾ ਜਿਹਾ ਜ਼ੋਰ ਹੋਰ ਲਾਉਣ ਤਾਂ ਦਰਜਨਾਂ ਅਜਿਹੇ ਭਾਰਤੀ ਏਜੰਟ ਲੱਭੇ ਜਾ ਸਕਦੇ ਹਨ, ਜੋ ਕੈਨੇਡਾ ‘ਚ ਰਹਿ ਕੇ ਨਾ ਸਿਰਫ ਭਾਰਤੀ ਹਿਤਾਂ ਲਈ ਕੰਮ ਕਰ ਰਹੇ ਹਨ ਬਲਕਿ ਕੈਨੇਡੀਅਨ ਨਾਗਰਿਕਾਂ ਨੂੰ ਪਰੇਸ਼ਾਨ ਵੀ ਕਰ ਰਹੇ ਹਨ।