ਨਸਲਵਾਦ ਵਿਰੋਧੀ ਮੁਜ਼ਾਹਰਾਕਾਰੀਆਂ 'ਤੇ ਸਖਤੀ ਕਰਨੀ ਪੈਣੀ- ਟਰੰਪ

ਅਮਰੀਕਨ ਰਾਸ਼ਟਰਪਤੀ ਡੌਨਲਡ ਟਰੰਪ ਦਾ ਕਹਿਣਾ ਹੈ ਕਿ ਉਹ ਅਮਰੀਕਾ ਦੇ ਕੁਝ ਸ਼ਹਿਰਾਂ 'ਚ ਬੇਕਾਬੂ ਹੋ ਰਹੇ ਨਸਲਵਾਦ ਵਿਰੋਧੀ ਮੁਜ਼ਾਹਰਾਕਾਰੀਆਂ ਨੂੰ ਰੋਕਣ ਲਈ ਫੋਰਸ ਭੇਜਣ ਦਾ ਮਨ ਬਣਾ ਰਹੇ ਹਨ। ਇਸ ਵਾਸਤੇ ਬਿਨਾ ਨਿਸ਼ਾਨੀ ਵਾਲੀ ਗੱਡੀਆਂ ਅਤੇ ਚਿੱਟ ਕੱਪੜੀਏ ਵਰਤੇ ਜਾ ਸਕਦੇ ਹਨ, ਖਾਸਕਰ ਪੋਰਟਲੈਂਡ ਓਰੇਗਨ ਵਿੱਚ।

ਟਰੰਪ ਨੇ ਕਿਹਾ ਕਿ ਜਿਸ ਤਰਾਂ ਇਹ ਮੁਜ਼ਾਹਰਾਕਾਰੀ ਮਨਮਰਜ਼ੀ ਨਾਲ ਸ਼ਹਿਰ ਦਾ ਨੁਕਸਾਨ ਕਰਨੋਂ ਹਟਦੇ ਨਹੀਂ, ਇਨ੍ਹਾਂ ਨੂੰ ਰੋਕਣਾ ਪੈਣਾ।

ਦੱਸਯਯੋਗ ਹੈ ਕਿ ਜੌਰਜ ਫਲੌਇਡ ਦੇ ਪੁਲਿਸੀਆ ਕਤਲ ਤੋਂ ਬਾਅਦ ਅਮਰੀਕਾ ਭਰ 'ਚ ਵੱਡੇ ਮੁਜ਼ਾਹਰੇ ਹੋਏ ਤੇ ਕੁਝ ਸ਼ਹਿਰਾਂ 'ਚ ਇਹ ਹਾਲੇ ਵੀ ਬਾਦਸਤੂਰ ਜਾਰੀ ਹਨ।

ਰਾਸ਼ਟਰਪਤੀ ਟਰੰਪ ਨੇ ਜਿਨ੍ਹਾਂ ਸ਼ਹਿਰਾਂ 'ਚ ਮੁਜ਼ਾਹਰਾਕਾਰੀਆਂ ਨੂੰ ਨੱਥ ਪਾਉਣ ਲਈ ਫੋਰਸ ਭੇਜਣ ਦੀ ਗੱਲ ਆਖੀ ਹੈ, ਉਨ੍ਹਾਂ ਵਿੱਚ ਪੋਰਟਲੈਂਡ ਤੋਂ ਇਲਾਵਾ ਨਿਊ ਯਾਰਕ, ਸ਼ਿਕਾਗੋ, ਫਿਲਾਡੈਲਫੀਆ, ਡੈਟਰੌਇਟ, ਬਾਲਟੀਮੋਟ, ਓਕਲੈਂਡ ਸ਼ਾਮਲ ਹਨ।

ਟਰੰਪ ਦਾ ਕਹਿਣਾ ਹੈ ਕਿ ਇਨ੍ਹਾਂ ਸ਼ਹਿਰਾਂ ਦੇ "ਲਿਬਰਲ ਡੈਮੋਕਰੈਟ" ਮੇਅਰ ਮੁਜ਼ਾਹਰਾਕਾਰੀਆਂ ਨੂੰ ਰੋਕਣ ਲਈ ਕੱਖ ਨਹੀਂ ਕਰ ਰਹੇ।

• ਗੁਰਪ੍ਰੀਤ ਸਿੰਘ ਸਹੋਤਾ/ ਸਰੀ/ ਚੜ੍ਹਦੀ ਕਲਾ ਬਿਊਰੋ