ਦਲੀਪ ਸਿੰਘ ਸੌਂਧ ਨੂੰ 'ਕੈਲੀਫੋਰਨੀਆ ਹਾਲ ਆਫ ਫੇਮ' 'ਚ ਸ਼ਾਮਿਲ ਕਰਨ ਦੀ ਮੰਗ

<h3>ਅਮਰੀਕੀ ਕਾਂਗਰਸ ਦੇ ਪਹਿਲੇ ਭਾਰਤੀ ਮੈਂਬਰ ਦਲੀਪ ਸਿੰਘ ਸੌਂਧ</h3>

ਵਾਸ਼ਿੰਗਟਨ- ਅਮਰੀਕੀ ਸੰਸਦ ਮੈਂਬਰਾਂ ਨੇ ਕੈਲੀਫੋਰਨੀਆ ਰਾਜ ਤੋਂ ਅਮਰੀਕੀ ਕਾਂਗਰਸ ਦੇ ਪਹਿਲੇ ਭਾਰਤੀ ਮੈਂਬਰ ਦਲੀਪ ਸਿੰਘ ਸੌਂਧ ਨੂੰ 'ਕੈਲੀਫੋਰਨੀਆ ਹਾਲ ਆਫ ਫੇਮ' 'ਚ ਸ਼ਾਮਿਲ ਕਰਨ ਦਾ ਮੰਗ ਕੀਤੀ ਹੈ। ਐਮੀ ਬੇਰਾ ਦੀ ਅਗਵਾਈ 'ਚ ਕੈਲੀਫੋਰਨੀਆ ਦੇ 14 ਕਾਂਗਰਸ ਮੈਂਬਰਾਂ ਨੇ ਰਾਜ ਦੇ ਗਵਰਨਰ ਜੇਰੀ ਬਰਾਉਨ ਨੂੰ ਇਕ ਪੱਤਰ 'ਚ ਕਿਹਾ ਕਿ ਸੌਂਧ ਮਨੁੱਖੀ ਤੇ ਨਾਗਰਿਕ ਅਧਿਕਾਰਾਂ ਤੇ ਏਸ਼ੀਆਈ ਅਮਰੀਕੀ ਭਾਈਚਾਰੇ ਦੇ ਮੋਢੀ ਸਨ। ਸੰਸਦ ਮੈਂਬਰਾਂ ਨੇ ਪੱਤਰ 'ਚ ਲਿਖਿਆ ਕਿ ਇਸ ਸਮੇਂ 'ਚ ਜਦ ਅਸੀਂ ਇਮੀਗਰੇਸ਼ਨ ਨੀਤੀ 'ਚ ਵਿਆਪਕ ਸੁਧਾਰ ਲਈ ਕੰਮ ਕਰ ਰਹੇ ਹਨ ਤਾਂ 'ਕੈਲੀਫੋਰਨੀਆ ਹਾਲ ਆਫ ਫੇਮ' 'ਚ ਸ਼ਾਮਿਲ ਕਰਕੇ ਕੈਲੀਫੋਰਨੀਆ ਤੋਂ ਕਾਂਗਰਸ ਮੈਂਬਰ ਰਹੇ ਦਲੀਪ ਸਿੰਘ ਸੌਂਧ ਨੂੰ ਯਾਦ ਕੀਤਾ ਜਾਣਾ ਚਾਹੀਦਾ ਹੈ। ਸੰਸਦ ਮੈਂਬਰਾਂ ਨੇ ਕਿਹਾ ਕਿ ਕਾਂਗਰਸ ਦਾ ਮੈਂਬਰ ਬਣਨ ਵਾਲੇ ਇਹ ਪਹਿਲੇ ਏਸ਼ੀਆਈ-ਅਮਰੀਕੀ ਸਨ।