ਪੰਜਾਬ ਦੇ ਵਾਸੀਓ ਪੜ੍ਹੇ ਲਿਖੇ ਅਤੇ ਸੂਝਵਾਨ ਨੌਜਵਾਨਾਂ ਨੂੰ ਪੰਚਾਇਤ ਮੈਂਬਰ ਚੁਣੋ

ਪੰਜਾਬ ਦੇ ਵਾਸੀਓ ਹੁਣ ਤੁਹਾਡੇ ਕੋਲ ਇੱਕ ਚੰਗਾ ਮੌਕਾ ਹੈ, ਤੁਸੀਂ ਆਪੋ-ਆਪਣੇ ਪਿੰਡਾਂ ਵਿੱਚੋਂ ਵਧੀਆ ਪੜ੍ਹੇ ਲਿਖੇ ਅਤੇ ਸੂਝਵਾਨ ਨੌਜਵਾਨਾਂ ਨੂੰ ਪੰਚਾਇਤ ਮੈਂਬਰ ਚੁਣ ਕੇ ਆਪਣੇ ਪਿੰਡਾਂ ਦਾ ਅਗਲੇ ਪੰਜ ਸਾਲਾਂ ਦਾ ਭਵਿੱਖ ਸੁਧਾਰ ਸਕਦੇ ਹੋ। ਜੇ ਆਪਣੇ ਪਿੰਡਾਂ ਨੂੰ ਨਸ਼ਿਆਂ ਦੀ ਮਾਰ ਤੋਂ ਬਚਾਉਣਾ ਚਾਹੁੰਦੇ ਹੋ, ਨਸ਼ਿਆਂ ਦੇ ਸੁਦਾਗਰਾਂ ਨੂੰ ਆਪਣੇ ਪਿੰਡਾਂ ਵਿੱਚ ਨੱਥ ਪਾਉਣਾ ਚਾਹੁੰਦੇ ਹੋ ਅਤੇ ਪਿੰਡਾਂ ਨੂੰ ਤਰੱਕੀ ਦੇ ਰਾਹ ਪਾਉਣਾ ਚਾਹੁੰਦੇ ਹੋ ਤਾਂ ਹੋਣਹਾਰ ਸੂਝਵਾਨ ਲੋਕਾਂ ਨੂੰ ਆਪਣੇ ਪਿੰਡਾਂ ਵਿੱਚ ਪੰਚਾਇਤ ਮੈਂਬਰ ਚੁਣੋ। ਭਾਵੇਂ ਓਹ ਉਮੀਦਵਾਰ ਕਿਸੇ ਵੀ ਪਾਰਟੀ ਦਾ ਹੋਵੇ ਪਰ ਜੋ ਪਿੰਡ ਲਈ, ਪਿੰਡ ਦੀ ਭਲਾਈ ਲਈ ਅਤੇ ਨੌਜਵਾਨਾਂ ਨੂੰ ਖੇਡਾਂ ਵੱਲ਼ ਪ੍ਰੇਰਿਤ ਕਰਨ ਵਾਲਾ ਹੋਵੇ, ਉਸਨੂੰ ਚੁਣੋ। ਪਿੰਡ ਦੀ ਭਲਾਈ ਦੇ ਨਾਮ 'ਤੇ ਆਪਣਾ ਆਪ ਬਣਾਉਣ ਵਾਲਾ ਅਤੇ ਪਿੰਡ ਨੂੰ ਖਾਣ ਵਾਲਾ ਵਿਅਕਤੀ ਨਾ ਚੁਣੋ, ਸਗੋਂ ਪਿੰਡ ਦੀ ਬੇਹਤਰੀ ਖਾਤਰ ਆਪਣਾ ਆਪ ਕੁਰਬਾਨ ਕਰਨ ਵਾਲਾ ਵਿਅਕਤੀ ਚੁਣੋ, ਜੋ ਪਿੰਡ ਵਿੱਚ ਧੜੇਬੰਦੀਆਂ ਮਿਟਾਵੇ, ਨਾ ਕਿ ਪੁਆਵੇ।

ਬੇਨਤੀ ਕਰਤਾ- ਦੂਹੜਾ ਲਾਇਵ