ਜੋਤਸ਼ੀ ਨੂੰ ਆਪਣੇ ਭਵਿੱਖ ਦਾ ਪਤਾ ਹੀ ਨਾ ਲੱਗਾ, ਕੰਧ ਹੇਠ ਆ ਕੇ ਮੌਤ

ਲੁਧਿਆਣਾ- ਬੀਤੇ ਦਿਨ ਲੁਧਿਆਣੇ ਵਿੱਚ ਚੱਲੀ ਹਨਰੀ ਕਾਰਨ ਸਥਾਨਕ ਮਾਤਾ ਰਾਣੀ ਚੌਕ ਨਜ਼ਦੀਕ ਹੋਟਲ ਸਿਟੀਜ਼ਨ ਦੀ ਕੰਧ ਡਿੱਗਣ ਕਾਰਨ ਜੋਤਸ਼ੀ ਸਤਪਾਲ ਸ਼ਰਮਾ ਗੰਭੀਰ ਰੂਪ ਵਿੱਚ ਜ਼ਖਮੀ ਹੋ ਗਿਆ ਸੀ, ਜਿਸ ਦੀ ਕੱਲ• ਜ਼ਖਮਾਂ ਦੀ ਤਾਬ ਨਾ ਝੱਲਦੇ ਹੋਏ ਦਯਾਨੰਦ ਹਸਪਤਾਲ ਵਿੱਚ ਮੌਤ ਹੋ ਗਈ।

ਸਤਪਾਲ ਸ਼ਰਮਾ ਸੰਗਲਾਂ ਵਾਲੇ ਸ਼ਿਵਾਲੇ ਨਜ਼ਦੀਕ ਗਲੀ ਰੂਪਾ ਮਿਸਰੀ ਵਿੱਚ ਜੋਤਿਸ਼ ਦਾ ਕੰਮ ਕਰਦਾ ਸੀ। ਸ਼ਰਮਾ ਬੀਤੇ ਦਿਨ ਸਿਟੀਜ਼ਨ ਹੋਟਲ ਵਿੱਚ ਇਕ ਮੈਰਿਜ ਸਬੰਧੀ ਉਥੇ ਸੱਦੀ ਪੰਚਾਇਤ ਵਿੱਚ ਸ਼ਾਮਲ ਹੋਣ ਗਿਆ ਸੀ। ਹੋਟਲ ਦੀ ਚੌਥੀ ਮੰਜ਼ਿਲ 'ਤੇ ਮਾਲਕਾਂ ਵਲੋਂ ਉਸਾਰੀ ਜਾ ਰਹੀ ਕੰਧ ਹਨ•ੇਰੀ ਕਾਰਨ ਡਿੱਗ ਪਈ, ਜਿਸ ਦੇ ਹੇਠਾਂ ਤੋਂ ਜੋਤਸ਼ੀ ਉਥੋਂ ਲੰਘ ਕੇ ਆ ਰਿਹਾ ਸੀ। ਪੁਲਸ ਡਵੀਜ਼ਨ ਨੰਬਰ ਇਕ ਦੇ ਐਸ ਐਚ ਓ ਸੁਰਿੰਦਰ ਮੋਹਨ ਨੇ ਹੋਟਲ ਮਾਲਕ ਖਿਲਾਫ ਕੇਸ ਦਰਜ ਕਰਕੇ ਮਾਮਲੇ ਦੀ ਜਾਂਚ ਆਰੰਭ ਦਿੱਤੀ ਹੈ।