ਹਰਿਆਣੇ 'ਚ ਨਿੱਜੀ ਖੇਤਰ ਦੀਆਂ ਨੌਕਰੀਆਂ ਹਰਿਆਣਵੀਆਂ ਲਈ ਰਾਖਵੀਆਂ ਕੀਤੀਆਂ

ਚੰਡੀਗੜ੍ਹ । ਚੜ੍ਹਦੀ ਕਲਾ ਬਿਊਰੋ

ਹਰਿਆਣਾ ਅਸੰਬਲੀ ਨੇ ਬਿਲ ਪਾਸ ਕਰਦਿਆਂ ਹਰਿਆਣੇ ਵਿਚਲੇ ਨਿੱਜੀ ਖੇਤਰ ਦੀਆਂ ਨੌਕਰੀਆਂ ਵਿੱਚ ਹਰਿਆਣਵੀਆਂ ਨੂੰ 75 ਫੀਸਦੀ ਰਾਖਵਾਂਕਰਨ ਦੇ ਦਿੱਤਾ ਹੈ। ਹੁਣ ਨਿੱਜੀ ਖੇਤਰ ਦੀਆਂ ਨੌਕਰੀਆਂ, ਜਿਨ੍ਹਾਂ 'ਚ ਤਨਖਾਹ 50 ਹਜ਼ਾਰ ਰੁਪਿਆ ਪ੍ਰਤੀ ਮਹੀਨਾ ਤੱਕ ਹੋਵੇਗੀ, ਲਈ ਹਰਿਆਣਵੀਆਂ ਨੂੰ ਪਹਿਲ ਮਿਲੇਗੀ।

ਬਣਨ ਜਾ ਰਿਹਾ ਇਹ ਨਵਾਂ ਕਨੂੰਨ ਪ੍ਰਾਈਵੇਟ ਕੰਪਨੀਆਂ, ਸੋਸਾਇਟੀਆਂ, ਟਰੱਸਟਾਂ, ਪਾਰਟਨਰਸ਼ਿਪ ਫਰਮਾਂ ਆਦਿ 'ਤੇ ਲਾਗੂ ਹੋਵੇਗਾ।