ਨਫਰਤ ਦੇ ਪ੍ਰਚਾਰਕ ਮੌਲਾਣਾ ਖਾਦਿਮ ਹੁਸੈਨ ਰਿਜ਼ਵੀ ਦੀ ਮੌਤ

ਲਾਹੌਰ । ਚੜ੍ਹਦੀ ਕਲਾ

ਸਿੱਖਾਂ ਅਤੇ ਸਿੱਖ ਸ਼ਖਸੀਅਤਾਂ ਖਿਲਾਫ ਪਾਕਿਸਤਾਨ 'ਚ ਜ਼ਹਿਰ ਉਗਲਣ ਵਾਲੇ ਮੌਲਾਣਾ ਖਾਦਿਮ ਹੁਸੈਨ ਰਿਜ਼ਵੀ ਨੂੰ ਅੱਲ੍ਹਾ ਨੇ 54 ਸਾਲ ਦੀ ਉਮਰ 'ਚ ਹੀ ਚੁੱਕ ਲਿਆ।

ਰਿਜ਼ਵੀ ਨੇ ਬੀਤੇ 'ਚ ਗੁਰੂ ਨਾਨਕ ਪਾਤਸ਼ਾਹ ਅਤੇ ਮਹਾਰਾਜਾ ਰਣਜੀਤ ਸਿੰਘ ਬਾਰੇ ਗਲਤ ਸ਼ਬਦਾਵਲੀ ਵਰਤੀ ਸੀ ਅਤੇ ਅਕਸਰ ਉਹ ਪਾਕਿਸਤਾਨ ਦੇ ਲੋਕਾਂ ਨੂੰ ਸਿੱਖਾਂ ਖਿਲਾਫ ਭੜਕਾਉਂਦਾ ਰਹਿੰਦਾ ਸੀ। ਕਰਤਾਰਪੁਰ ਲਾਂਘੇ ਦਾ ਉਸਨੇ ਡੱਟ ਕੇ ਵਿਰੋਧ ਕੀਤਾ ਸੀ।

ਸਿੱਖਾਂ ਤੋਂ ਇਲਾਵਾ ਉਹ ਹੋਰ ਘੱਟਗਿਣਤੀਆਂ ਜਿਵੇਂ ਕਿ ਹਿੰਦੂਆਂ, ਈਸਾਈਆਂ ਖੀਲਾਫ ਵੀ ਪੁੱਜ ਕੇ ਨਫਰਤੀ ਪ੍ਰਚਾਰ ਕਰਦਾ ਸੀ।

ਮੌਲਾਣਾ ਰਿਜ਼ਵੀ ਦੇ ਨਜ਼ਦੀਕੀਆਂ ਮੁਤਾਬਕ ਉਸਨੂੰ ਬੁਖਾਰ ਚੜ੍ਹਿਆ ਹੋਇਆ ਸੀ ਅਤੇ ਸਾਹ ਲੈਣ 'ਚ ਵੀ ਤਕਲੀਫ ਹੋ ਰਹੀ ਸੀ। 2006 ਦੌਰਾਨ ਇੱਕ ਹਾਦਸੇ 'ਚ ਸਖਤ ਜ਼ਖਮੀ ਹੋਣ ਤੋਂ ਬਾਅਦ ਉਹ ਵੀਲ੍ਹ-ਚੇਅਰ 'ਤੇ ਹੀ ਸਨ।