ਅਮਰੀਕਨ ਕਾਂਗਰਸਮੈਨਾਂ ਜੌਹਨ ਗਰਮੈਂਡੀ ਅਤੇ ਜਿਮ ਕੋਸਟਾ ਨੇ ਲਿਖੀ ਕਿਸਾਨਾਂ ਦੇ ਹੱਕ 'ਚ ਭਾਰਤੀ ਰਾਜਦੂਤ ਨੂੰ ਚਿੱਠੀ

ਅਮਰੀਕਨ ਕਾਂਗਰਸਮੈਨਾਂ ਜੌਹਨ ਗਰਮੈਂਡੀ ਅਤੇ ਜਿਮ ਕੋਸਟਾ ਨੇ ਦਿੱਲੀ ਵਿੱਚ ਮੋਰਚਾ ਲਾਈ ਬੈਠੇ ਕਿਸਾਨਾਂ ਦੇ ਹੱਕ 'ਚ ਭਾਰਤੀ ਰਾਜਦੂਤ ਨੂੰ ਚਿੱਠੀ ਲਿਖੀ ਹੈ। ਅਮਰੀਕਾ 'ਚ ਭਾਰਤੀ ਰਾਜਦੂਦ ਤਰਨਜੀਤ ਸਿੰਘ ਸੰਧੂ ਨੂੰ ਆਪਣੇ ਲੈਟਰ ਪੈਡ ਇਹ ਚਿੱਠੀ ਲਿਖਦਿਆਂ ਦੋਵਾਂ ਨਾਮਵਰ ਕਾਂਗਰਸਮੈਨਾਂ ਨੇ ਭਾਰਤ 'ਚ ਕਿਸਾਨਾਂ ਨਾਲ ਹੋ ਰਹੀ ਧੱਕੇਸ਼ਾਹੀ ਦਾ ਜ਼ਿਕਰ ਕਰਦਿਆਂ ਭਾਰਤ ਸਰਕਾਰ ਨੂੰ ਅਜ਼ਾਦੀ ਨਾਲ ਰੋਸ ਪ੍ਰਗਟਾਉਣ, ਆਪਣੀ ਗੱਲ ਕਹਿਣ ਦੀ ਖੁੱਲ੍ਹ ਦੇਣ ਬਾਰੇ ਕਿਹਾ ਹੈ। ਉਨ੍ਹਾਂ ਕਿਸਾਨਾਂ ਨਾਲ ਹੋ ਰਹੇ ਧੱਕੇ ਕਾਰਨ ਅਮਰੀਕਨ ਪੰਜਾਬੀਆਂ ਨੂੰ ਹੋ ਰਹੀ ਚਿੰਤਾ ਦਾ ਵੀ ਖਤ 'ਚ ਜ਼ਿਕਰ ਕੀਤਾ ਹੈ।