ਵਾਲ-ਵਾਲ ਬਚੀ ਫੇਸਬੁਕ ਦੀ ਸ਼ੇਰਿਲ ਸੈਂਡਬਰਗ

ਵਾਸ਼ਿੰਗਟਨ -ਅਮਰੀਕਾ ਦੇ ਸੈਨ ਫਰਾਂਸਿਸਕੋ 'ਚ ਦੁਰਘਟਨਾ ਦਾ ਸ਼ਿਕਾਰ ਹੋਏ ਹਵਾਈ ਜਹਾਜ਼ 'ਚ ਸਵਾਰ ਫੇਸਬੁਕ ਦੀ ਮੁੱਖ ਕਾਰਜਕਾਰੀ ਸ਼ੇਰਿਲ ਸੈਂਡਬਰਗ ਤੇ ਇਨ੍ਹਾਂ ਦੇ ਕੁਝ ਹੋਰ ਅਧਿਕਾਰੀ ਵਾਲ-ਵਾਲ ਬਚ ਗਏ। ਉਨ੍ਹਾਂ ਨੇ ਕੋਰੀਆ ਦੀ ਯਾਤਰਾ ਤੋਂ ਵਾਪਸੀ ਲਈ ਦੁਰਘਟਨਾ ਦੇ ਸ਼ਿਕਾਰ ਹੋਏ ਜਹਾਜ਼ ਦੀ ਟਿਕਟ ਲੈ ਰੱਖੀ ਸੀ ਪਰ ਸੰਯੋਗ ਨਾਲ ਉਸ ਨੇ ਦੂਜੇ ਜਹਾਜ਼ ਤੋਂ ਵਾਪਸੀ ਕੀਤੀ। ਯੂ. ਐੱਸ. ਟੂਡੇ ਮੁਤਾਬਿਕ ਸੈਂਡਬਰਗ ਨੇ ਇਕ ਟਵੀਟ ਕਰਕੇ ਕਿਹਾ ਕਿ ਮੈਂ ਠੀਕ ਉਸੇ ਸਮੇਂ ਕੋਰੀਆ ਤੋਂ ਇਕ ਹੋਰ ਜਹਾਜ਼ 'ਚ ਬੈਠੀ ਸੀ। ਮੈਂ ਠੀਕ ਹਾਂ ਤੇ ਮੇਰੇ ਨਾਲ ਸਫਰ ਕਰ ਰਹੇ ਮੇਰੇ ਹੋਰ ਦੋਸਤ ਵੀ ਬਿਲਕੁਲ ਠੀਕ ਹਨ।