ਭਾਰਤੀ ਨੂੰ ਦਿਲ ਦਾ ਦੌਰਾ ਪੈਣ 'ਤੇ ਪਾਕਿਸਤਾਨ ਨੇ ਉਡਾਣ ਨੂੰ ਉਤਰਨ ਦੀ ਦਿੱਤੀ ਇਜਾਜ਼ਤ

ਕਰਾਚੀ- ਮਨੁੱਖਤਾ ਦੀ ਮਿਸਾਲ ਕਾਇਮ ਕਰਦਿਆਂ ਪਾਕਿਸਤਾਨੀ ਅਧਿਕਾਰੀਆਂ ਨੇ ਇਕ ਅੰਤਰਰਾਸ਼ਟਰੀ ਏਅਰਲਾਈਨ ਨੂੰ ਕਰਾਚੀ 'ਚ ਉਸ ਵੇਲੇ ਹੰਗਾਮੀ ਹਾਲਾਤ 'ਚ ਉਤਰਣ ਦੀ ਇਜਾਜ਼ਤ ਦੇ ਦਿੱਤੀ ਜਦੋਂ ਇਸ ਵਿਚ ਸਵਾਰ ਇਕ ਭਾਰਤੀ ਨਾਗਰਿਕ ਨੂੰ ਦਿਲ ਦਾ ਦੌਰਾ ਪੈ ਗਿਆ। ਵਸਨ ਬੋਨਡੋਲ (75)6 ਜੁਲਾਈ ਨੂੰ ਇੰਸਤਾਂਬੁਲ (ਤੁਰਕੀ) ਤੋਂ ਤੁਰਕਿਸ਼ ਏਅਰਲਾਈਨ ਦੀ ਉਡਾਣ 'ਚ ਮੁੰਬਈ ਲਈ ਸਫ਼ਰ ਕਰ ਰਿਹਾ ਸੀ ਕਿ ਉਸ ਨੂੰ ਦਿਲ ਦਾ ਦੌਰਾ ਪੈ ਗਿਆ। ਉਡਾਣ ਦੇ ਕਪਤਾਨ ਵੱਲੋਂ ਪਾਕਿਸਤਾਨੀ ਅਧਿਕਾਰੀਆਂ ਨੂੰ ਕਰਾਚੀ ਅੰਤਰਰਾਸ਼ਟਰੀ ਹਵਾਈ ਅੱਡੇ 'ਤੇ ਉਡਾਣ ਨੂੰ ਉਤਾਰਣ ਦੀ ਕੀਤੀ ਗਈ ਬੇਨਤੀ ਪ੍ਰਵਾਨ ਕਰ ਲਈ ਗਈ ਅਤੇ ਹਵਾਈ ਅੱਡੇ ਦੇ ਅਧਿਕਾਰੀਆਂ ਨੇ ਵਸਨ ਨੂੰ ਆਗਾ ਖਾਨ ਹਸਪਤਾਲ 'ਚ ਤੁਰੰਤ ਦਾਖਲ ਕਰਵਾ ਦਿੱਤਾ। ਬੋਨਡੋਸ ਦੇ ਬੇਟੇ ਜੈਅੰਤ ਨੇ ਨਵੀਂ ਦਿੱਲੀ ਸਥਿਤ ਪਾਕਿਸਤਾਨ ਹਾਈ ਕਮਿਸ਼ਨਰ ਨੂੰ ਬੇਨਤੀ ਕੀਤੀ ਹੈ ਕਿ ਆਪਣੇ ਪਿਤਾ ਦੀ ਦੇਖਭਾਲ ਲਈ ਉਸ ਨੂੰ ਕਰਾਚੀ ਜਾਣ ਵਾਸਤੇ ਹੰਗਾਮੀ ਵੀਜ਼ਾ ਪ੍ਰਦਾਨ ਕੀਤਾ ਜਾਵੇ। ਹਾਈ ਕਮਿਸ਼ਨ ਦੇ ਇਕ ਅਧਿਕਾਰੀ ਨੇ ਦੱਸਿਆ ਕਿ ਜੈਅੰਤ ਨੂੰ ਅੱਜ ਹੀ ਵੀਜ਼ਾ ਦੇ ਦਿੱਤਾ ਗਿਆ ਹੈ।