ਜਿਨ੍ਹੇ ਟਰਾਲੀ ਲਾਹੁਣ ਆਉਣਾ, ਓਹਨੇ ਮੰਜੇ ‘ਤੇ ਪੈ ਕੇ ਜਾਣਾ- ਭਾਜਪਾ ਦੇ ਨਵੇਂ ਬੁਲਾਰੇ ਹਰਿੰਦਰ ਕਾਹਲੋੰ ਦੀ ਧਮਕੀ

ਜਲੰਧਰ: ਭਾਜਪਾ ਦੇ ਬੁਲਾਰੇ ਬਣਨ ਤੋਂ ਬਾਅਦ ਕਾਹਲੋਂ ਨੇ ਜਲੰਧਰ ਦੇ ਸ਼ੀਤਲਾ ਮੰਦਿਰ ਸਥਿਤ ਭਾਜਪਾ ਦੇ ਸਥਾਨਕ ਦਫ਼ਤਰ ਵਿਖ਼ੇ ਆਪਣੇ ਸੰਬੋਧਨ ਵਿੱਚ ਕਿਹਾ, “ਇਹ ਤਾਂ ਮੋਦੀ ਸਾਹਿਬ ਬੈਠੇ ਆ ਉੱਤੇ, ਜਿਹੜੇ ਤੁਹਾਡੇ ਨਾਲ ਪਿਆਰ ਕਰੀ ਜਾ ਰਹੇ ਆ। ਜੇ ਬਦਕਿਸਮਤੀ ਨਾਲ ਮੇਰੇ ਦਿਮਾਗ ਵਾਲਾ ਬੰਦਾ ਬੈਠਾ ਹੁੰਦਾ ਤਾਂ ਹੁਣ ਤਾਂਈਂ ਮਾਰ ਮਾਰ ਡਾਂਗਾਂ ਤੁਹਾਨੂੰ ਜੇਲ੍ਹਾਂ ਵਿੱਚ ਬੰਦ ਕਰ ਦਿੰਦਾ। ਇਨ੍ਹਾਂ ਦਾ ਹੱਲ ਇਹੀ ਹੈ ਤੇ ਹੁਣ ਇਹੀ ਕਰਨਾ ਪੈਣਾ ਹੈ।’’

ਕਾਹਲੋਂ ਨੇ ਇਹ ਫੜ੍ਹ ਵੀ ਮਾਰੀ ਕਿ ‘‘ਜਦੋਂ ਮੈਂ ਭਾਜਪਾ ਜੁਆਇਨ ਕੀਤੀ ਤਾਂ ਮੈਨੂੰ ਪਤਾ ਨਹੀਂ ਕਿਸ ਸੱਜਣ ਦਾ ਫ਼ੋਨ ਆ ਗਿਆ। ਅਖ਼ੇ ਕਾਹਲੋਂ ਸਾਹਿਬ ਗੋਹੇ ਦੀ ਟਰਾਲੀ ਭਰੀ ਹੈ, ਤੁਹਾਡੇ ਬੂਹੇ ਅੱਗੇ ਲਾਹੁਣ ਆਉਣਾ। ਮੈਂ ਕਿਹਾ, ਵੈਲਕਮ, ਆ ਜਾਓ, ਇਕ ਮੰਜੀ ਤੇ ਚਿੱਟੀ ਚਾਦਰ ਨਾਲ ਲੈ ਕੇ ਆਇਉ ਕਿਉਂਕਿ ਜਿਨ੍ਹੇ ਟਰਾਲੀ ਲਾਹੁਣ ਆਉਣਾ ਹੈ, ਉਹਨੇ ਉਸ ਮੰਜੀ ‘ਤੇ ਲੰਮੇ ਪੈ ਕੇ ਜਾਣਾ ਹੈ। ਭਲੇਮਾਨਸੋ, ਤੁਸੀਂ ਸਟੀਲ ਦੇ ਬਣੇ ਆਂ ਤੇ ਮੈਂ ਪਲਾਸਟਿਕ ਦਾ ਬਣਿਆਂ।’