ਗੋਰਖਾਲੈਂਡ ਦਾ ਅੰਦੋਲਨ ਤੇਜ਼ - ਵਿਦਿਆਰਥੀਆਂ ਨੂੰ ਦਾਰਜ਼ਲਿੰਗ ਛੱਡਣ ਨੂੰ ਕਿਹਾ

ਕੋਲਕਤਾ- ਤੇਲੰਗਾਨਾ ਬਣਾਉਣ ਦੇ ਫੈਸਲੇ ਦਾ ਸਭ ਤੋਂ ਜ਼ਿਆਦਾ ਅਸਰ ਪੁਰਬੀ-ਉੱਤਰੀ ਭਾਰਤ 'ਚ ਨਜ਼ਰ ਆ ਰਿਹਾ ਹੈ। ਇਨਾਂ 'ਚ ਸਭ ਤੋਂ ਜ਼ਿਆਦਾ ਗੋਰਖਾਲੈਂਡ ਦਾ ਅੰਦੋਲਨ ਤੇਜ਼ ਹੈ ਜਿਸ ਦੀ ਮੰਗ ਲਈ ਇਸ ਹਫਤੇ 'ਚ ਤਿੰਨ ਦਿਨ ਦਾ ਬੰਦ ਰੱਖਿਆ ਗਿਆ ਹੈ ਅਤੇ ਗੋਰਖਾ ਜਨਮੁਕਤੀ ਮੋਰਚਾ ਨੇ ਸ਼ਨੀਵਾਰ ਨੂੰ ਦਾਰਜ਼ਲਿੰਗ ਦੇ ਪਰਬਤੀ ਖੇਤਰਾ 'ਚ ਅਨਿਸ਼ਿਚਤ ਸਮੇਂ ਲਈ ਬੰਦ ਦਾ ਐਲਾਨ ਕੀਤਾ ਹੈ। ਦਾਰਜ਼ਲਿੰਗ 'ਚ ਆਉਣ ਵਾਲੇ ਸੈਲਾਨੀਆਂ ਅਤੇ ਹੋਸਟਲਾਂ 'ਚ ਰਹਿਣ ਵਾਲੇ ਵਿਦਿਆਰਥੀਆਂ ਨੂੰ ਦਾਰਜ਼ਲਿੰਗ ਛੱਡਣ ਨੂੰ ਕਿਹਾ ਗਿਆ ਹੈ। ਇਹ ਤਨਾਅ ਦਿਨ ਬ ਦਿਨ ਵੱਧ ਰਿਹਾ ਹੈ ਅਤੇ ਪ੍ਰਤੀਤ ਹੋ ਰਿਹਾ ਹੈ ਕਿ ਇਸ 'ਤੇ ਕਾਬੂ ਪਾਉਣਾ ਔਖਾ ਹੋਵੇਗਾ। ਇਸ ਲਈ ਦਾਰਜ਼ਲਿੰਗ 'ਚ ਕੇਂਦਰੀ ਅਰਧ ਸੈਨਿਕ ਬਲਾਂ ਦੀਆਂ ਪੰਜ ਕੰਪਨੀਆਂ ਭੇਜੀਆਂ ਗਈਆਂ ਹਨ।