ਪਾਕਿਸਤਾਨ ਦੇ 50 ਸੈਨਿਕਾਂ ਨੂੰ ਮਾਰ ਕੇ ਲਓ ਸ਼ਹਾਦਤ ਦਾ ਬਦਲਾ: ਸ਼ਿਵ ਸੈਨਾ

ਮੁੰਬਈ- ਪੁੰਛ ਸੈਕਟਰ 'ਚ ਭਾਰਤੀ ਚੌਕੀ 'ਤੇ ਹੋਏ ਪਾਕਿਸਤਾਨੀ ਹਮਲੇ 'ਤੇ ਪ੍ਰਤੀਕ੍ਰਿਆ ਦਿੰਦੇ ਹੋਏ ਸ਼ਿਵ ਸੈਨਾ ਦੇ ਬੁਲਾਰੇ ਸੰਜੈ ਰਾਉਤ ਨੇ ਮੰਗਲਵਾਰ ਨੂੰ ਕਿਹਾ ਕਿ ਪਾਕਿਸਤਾਨ ਨੂੰ ਸਬਕ ਸਿਖਾਉਂਣ ਲਈ ਉਸ ਦੇ 50 ਸੈਨਿਕਾਂ ਨੂੰ ਮੌਤ ਦੇ ਘਾਟ ਉਤਾਰਨ ਦੀ ਜ਼ਰੂਰਤ ਹੈ। ਸੋਮਵਾਰ ਰਾਤ ਪਾਕਿਸਤਾਨੀ ਫੌਜ ਨੇ ਭਾਰਤੀ ਚੌਕੀ 'ਤੇ ਘਾਤ ਲਾ ਕੇ ਹਮਲਾ ਕੀਤਾ, ਜਿਸ 'ਚ ਭਾਰਤੀ ਫੌਜ ਦੇ ਪੰਜ ਜਵਾਨ ਸ਼ਹੀਦ ਹੋ ਗਏ। ਰਾਉਤ ਨੇ ਕਿਹਾ ਕਿ ਭਾਰਤ ਜਦੋਂ ਤੱਕ ਪਾਕਿਸਤਾਨ 'ਚ ਦਾਖਲ ਨਹੀਂ ਹੁੰਦਾ ਤੇ ਆਪਣੇ ਪੰਜ ਜਵਾਨਾਂ ਦੇ ਬਦਲੇ 'ਚ ਪਾਕਿਸਤਾਨ ਦੇ 50 ਸੈਨਿਕਾਂ ਨੂੰ ਨਹੀਂ ਮਾਰਦਾ, ਉਦੋਂ ਤੱਕ ਉਹ ਸਬਕ ਨਹੀਂ ਸਿੱਖਣਗੇ। ਉਥੇ ਹੀ ਇਸ ਹਮਲੇ ਨੂੰ ਲੈ ਕੇ ਸੰਸਦ 'ਚ ਵੀ ਹੰਗਾਮਾ ਹੋਇਆ। ਕਈ ਨੇਤਾਵਾਂ ਨੇ ਇਸ ਮਾਮਲੇ 'ਚ ਸਰਕਾਰ ਤੋਂ ਜਵਾਬ ਮੰਗਿਆ।