ਮੁੱਛਾਂ ਬਣੀਆਂ ਪਾਕਿ ਵਪਾਰੀ ਲਈ ਮੁਸੀਬਤ...!

ਪਿਸ਼ਾਵਰ- ਪਾਕਿਸਤਾਨ ਦੇ ਇਕ ਵਪਾਰੀ ਮਲਿਕ ਮੁਹੰਮਦ ਖ਼ਾਨ ਅਫਰੀਦੀ ਲਈ ਉਨ੍ਹਾਂ ਦੀਆਂ ਮੁੱਛਾਂ ਮੁਸੀਬਤ ਬਣ ਗਈਆਂ ਹਨ, ਜਿਸ ਕਾਰਨ ਉਨ੍ਹਾਂ ਨੂੰ ਅੱਤਵਾਦੀਆਂ ਵੱਲੋਂ ਅਗਵਾ ਅਤੇ ਜਾਨੋਂ ਮਾਰਨ ਦੀਆਂ ਧਮਕੀਆਂ ਮਿਲ ਰਹੀਆਂ ਹਨ ਤੇ ਖ਼ਾਨ ਨੂੰ ਪਰਿਵਾਰ ਨਾਲੋਂ ਵੱਖਰਾ ਰਹਿਣਾ ਪੈ ਰਿਹਾ ਹੈ | ਖਾਨ ਦੀਆਂ ਮੁੱਛਾਂ ਦੀ ਲੰਬਾਈ 76 ਸੈਂਟੀਮੀਟਰ ਹਨ | ਜਦੋਂ ਉਨ੍ਹਾਂ ਨੂੰ ਪੁੱਛਿਆ ਕਿ ਤੁਸੀਂ ਇਹ ਜ਼ੋਖਮ ਕਿਉਂ ਉਠਾ ਰਹੇ ਹੋ ਤਾਂ ਉਨ੍ਹਾਂ ਨੇ ਕਿਹਾ ਕਿ ਮੁੱਛਾਂ ਕਾਰਨ ਲੋਕ ਮੈਨੂੰ ਸਨਮਾਨ ਦਿੰਦੇ ਹਨ | ਜ਼ਿਕਰਯੋਗ ਹੈ ਕਿ ਪਾਕਿਸਤਾਨ ਵਿਚ ਕੱਟੜਪੰਥੀ ਲੰਬੀਆਂ ਮੁੱਛਾਂ ਰੱਖਣ ਵਾਲਿਆਂ ਦੇ ਖਿਲਾਫ ਹਨ |