ਸੀਰੀਆ ਦੇ ਖਿਲਾਫ ਲੜ੍ਹਾਈ ਪੂਰੇ ਖੇਤਰ ਨੂੰ ਸਾੜ ਦੇਵੇਗੀ: ਈਰਾਨ

ਦਮਿਸ਼ਕ- ਈਰਾਨੀ ਸੰਸਦ ਦੇ ਰਾਸ਼ਟਰੀ ਸੁਰੱਖਿਆ ਕਮਿਸ਼ਨ ਦੇ ਪ੍ਰਧਾਨ ਦਾ ਕਹਿਣਾ ਹੈ ਕਿ ਸੀਰੀਆ ਦੇ ਖਿਲਾਫ ਵਿਦੇਸ਼ੀ ਲੜਾਈ ਪੂਰੇ ਖੇਤਰ ਨੂੰ ਸਾੜ ਦੇਵੇਗੀ। ਈਰਾਨੀ ਅਧਿਕਾਰੀ ਅਲਾਈਦੀਨ ਬੋਰਾਜੇਰਦੀ ਨੇ ਅਮਰੀਕਾ ਦੀ ਅਗਵਾਈ 'ਚ ਸੀਰਿਆ ਦੇ ਖਿਲਾਫ ਫੌਜੀ ਕਾਰਵਾਈ ਦੀ ਸੰਭਾਵਨਾ ਦੇ ਨਤੀਜੀਆਂ ਦੇ ਵਿਰੋਧ 'ਚ ਦਮਿਸ਼ਕ 'ਚ ਐਤਵਾਰ ਨੂੰ ਅਯੋਜਿਤ ਪ੍ਰੈਸ ਗੱਲ - ਬਾਤ ਦੇ ਦੌਰਾਨ ਇਹ ਗੱਲ ਕਹੀ। ਅਲਾਈਦੀਨ ਬੋਰਾਜੇਰਦੀ ਨੇ ਕਿਹਾ ਕਿ ਸਾਨੂੰ ਲੱਗਦਾ ਹੈ ਕਿ ਇਸ ਖੇਤਰ ਦੇ ਦੇਸ਼ਾਂ ਨੂੰ ਸੀਰੀਆ ਸੰਕਟ ਦੇ ਰਾਜਨੀਤਕ ਹੱਲ 'ਤੇ ਕੰਮ ਕਰਨਾ ਚਾਹੀਦਾ ਹੈ। ਬਦਕਿਸਮਤੀ ਨਾਲ ਅੱਜ ਇਸਲਾਮਿਕ ਦੇਸ਼ ਤੇ ਇਸ ਦੇ ਨਾਗਰਿਕ ਅੱਤਵਾਦੀ ਸੁੰਨੀ ਮੁਸਲਮਾਨਾਂ ਦੇ ਅੰਦੋਲਨ ਨਾਲ ਗ੍ਰਸਤ ਹਨ ਤੇ ਇਹ ਬਿਨਾਂ ਸ਼ੱਕ ਯਹੂਦੀ ਨਾਗਰਿਕਾਂ ਦੇ ਹਿੱਤ 'ਚ ਕੰਮ ਕਰੇਗਾ। ਬੋਰਾਜੇਰਦੀ ਨੇ ਕਿਹਾ ਕਿ ਉਨ੍ਹਾਂ ਦੀ ਯਾਤਰਾ ਵਿਦੇਸ਼ੀ ਫੌਜੀ ਕਾਰਵਾਈ ਦੇ ਖ਼ਤਰੇ 'ਚ ਸੀਰਿਆ ਦੇ ਨਾਲ ਈਰਾਨ ਦੇ ਸਮਰਥਨ ਨੂੰ ਪੁਖਤਾ ਕਰਨ ਲਈ ਹੈ।