ਸਤਿੰਦਰ ਸਰਤਾਜ ਨੇ ਜਥੇਦਾਰ ਅਕਾਲ ਤਖਤ ਕੋਲ ਆਪਣੀ ਭੁੱਲ ਲਈ ਖਿਮਾ ਮੰਗੀ

ਸੈਨ ਹੋਜ਼ੇ (ਚੜ੍ਹਦੀ ਕਲਾ ਬਿਊਰੋ)- ਨਿਰੰਕਾਰੀ ਮੁਖੀ ਦੇ ਸਮਾਗਮ 'ਚ ਜਾਣ ਕਾਰਨ ਵਿਵਾਦਾਂ 'ਚ ਘਿਰੇ ਪੰਜਾਬੀ ਗਾਇਕ ਸਤਿੰਦਰ ਸਰਤਾਜ ਨੇ ਅਮਰੀਕਾ ਦੌਰੇ 'ਤੇ ਆਏ ਜਥੇਦਾਰ ਅਕਾਲ ਤਖਤ ਗਿਆਨੀ ਗੁਰਬਚਨ ਸਿੰਘ ਹੁਰਾਂ ਨੂੰ ਮਿਲ ਕੇ ਆਪਣੀ ਭੁੱਲ ਲਈ ਖਿਮਾ ਮੰਗੀ ਹੈ। ਬੇਸ਼ੱਕ ਇਸ ਭੁੱਲ ਬਦਲੇ ਸਰਤਾਜ ਨੂੰ ਅਕਾਲ ਤਖਤ 'ਤੇ ਤਲਬ ਨਹੀਂ ਸੀ ਕੀਤਾ ਗਿਆ ਪਰ ਸਰਤਾਜ ਨੇ ਜਥੇਦਾਰ ਹੁਰਾਂ ਨੂੰ ਸੈਨ ਹੋਜ਼ੇ (ਕੈਲੇਫੋਰਨੀਆ) ਵਿਖੇ ਖੁਦ ਮਿਲ ਕੇ ਦੱਸਿਆ ਕਿ ਉਸ ਨੂੰ ਨਿਰੰਕਾਰੀਆਂ ਬਾਰੇ ਅਕਾਲ ਤਖਤ ਤੋਂ ਜਾਰੀ ਹੁਕਮਨਾਮੇ ਬਾਰੇ ਜਾਣਕਾਰੀ ਨਹੀਂ ਸੀ। ਅਨਜਾਣੇ 'ਚ ਹੋਈ ਇਸ ਗਲਤੀ ਕਾਰਨ ਇੱਕ ਸਿੱਖ ਹੋਣ ਦੇ ਨਾਤੇ ਉਹ ਖਿਮਾ ਦੇ ਜਾਚਕ ਹਨ ਅਤੇ ਭਵਿੱਖ ਵਿੱਚ ਉਹ ਇਸ ਬਾਰੇ ਵਿਸ਼ੇਸ਼ ਖਿਆਲ ਰੱਖਣਗੇ।