ਚੌਟਾਲਾ ਨੂੰ ਵਾਪਸ ਤਿਹਾੜ ਜੇਲ੍ਹ ਜਾਣਾ ਪਵੇਗਾ

ਨਵੀਂ ਦਿੱਲੀ : ਹਰਿਆਣਾ ਦੇ ਬਹੁਚਰਚਿਤ ਜੇਬੀਟੀ ਅਧਿਆਪਕ ਭਰਤੀ ਘਪਲੇ 'ਚ ਦੋਸ਼ੀ ਕਰਾਰ ਦਿੱਤੇ ਗਏ ਸਾਬਕਾ ਮੁੱਖ ਮੰਤਰੀ ਓਮ ਪ੍ਰਕਾਸ਼ ਚੌਟਾਲਾ ਨੂੰ ਵਾਪਸ ਤਿਹਾੜ ਜੇਲ੍ਹ ਜਾਣਾ ਪਵੇਗਾ। ਦਿੱਲੀ ਹਾਈ ਕੋਰਟ ਨੇ ਚੌਟਾਲਾ ਦੀ ਅੰਤਰਮ ਜ਼ਮਾਨਤ ਦੀ ਮਿਆਦ ਨੂੰ ਮੈਡੀਕਲ ਆਧਾਰ 'ਤੇ ਹੋਰ ਵਧਾਏ ਜਾਣ ਤੋਂ ਇਨਕਾਰ ਕਰ ਦਿੱਤਾ ਹੈ। ਉਨ੍ਹਾਂ ਨੂੰ 21 ਮਈ ਨੂੰ ਪੇਸਮੇਕਰ ਲਗਵਾਉਣ ਲਈ ਰਿਹਾਅ ਕੀਤਾ ਗਿਆ ਸੀ। ਸੁਣਵਾਈ ਦੌਰਾਨ ਜਸਟਿਸ ਸਿਧਾਰਥ ਮਿ੍ਰਦੁਲ ਨੇ ਚੌਟਾਲਾ ਦੀ ਅੰਤਰਮ ਜ਼ਮਾਨਤ ਰੱਦ ਕਰਦੇ ਹੋਏ ਹੁਕਮ ਦਿੱਤਾ ਕਿ ਉਹ 17 ਸਤੰਬਰ ਤਕ ਤਿਹਾੜ ਜੇਲ੍ਹ ਸਾਹਮਣੇ ਸਮਰਪਣ ਕਰ ਦੇਣ। ਹਾਲਾਂਕਿ ਅਦਾਲਤ ਨੇ ਚੌਟਾਲਾ ਦੇ ਵਕੀਲ ਦੀ ਦਲੀਲ ਮਨਜ਼ੂਰ ਕਰ ਲਈ ਕਿ ਉਨ੍ਹਾਂ ਨੂੰ ਸਮਰਪਣ ਲਈ 10 ਦਿਨਾਂ ਦਾ ਸਮਾਂ ਦਿੱਤਾ ਜਾਏ।