ਸਿਰਫਿਰੇ ਆਸ਼ਿਕ ਨੇ ਕੁੜੀ ਦੇ ਮਾਤਾ - ਪਿਤਾ ਨੂੰ ਮਾਰੀ ਗੋਲੀ

ਨਵੀਂ ਦਿੱਲੀ- ਦਿੱਲੀ ਦੇ ਅਸ਼ੋਕ ਨਗਰ ਇਲਾਕੇ 'ਚ ਇੱਕ ਤਰਫਾ ਪਿਆਰ 'ਚ ਪਾਗਲ ਇੱਕ ਨੌਜਵਾਨ ਨੇ ਲੜਕੀ ਦੇ ਮਾਂ - ਬਾਪ 'ਤੇ ਗੋਲੀਆਂ ਚਲਾ ਦਿੱਤੀਆਂ। ਲੜਕੇ ਨੇ ਉਸ ਵਕਤ ਗੋਲੀਆਂ ਚਲਾਈਆਂ ਜਦੋਂ ਉਹ ਦੋਵੇਂ ਲੜਕਾ - ਲੜਕੀ ਦੇ ਵਿੱਚਕਾਰ ਆ ਗਏ। ਦਰਅਸਲ, ਇਹ ਸਿਰਫਿਰਾ ਆਸ਼ਿਕ ਲੜਕੀ ਨੂੰ ਮਿਲਣ ਐਤਵਾਰ ਸਵੇਰੇ ਉਸ ਦੇ ਅਸ਼ੋਕ ਨਗਰ ਇਲਾਕੇ ਸਥਿਤ ਘਰ ਪਹੁੰਚ ਗਿਆ। ਉਸ ਦੇ ਹੱਥ 'ਚ ਪਿਸਤੌਲ ਸੀ। ਇਹ ਵੇਖ ਕੇ ਲੜਕੀ ਦੇ ਪਿਤਾ ਯੋਗੇਸ਼ ਜੈਨ ਤੇ ਉਨਾਂ ਦੀ ਪਤਨੀ ਪੂਨਮ 'ਚ ਆ ਗਏ। 

ਨੌਜਵਾਨ ਵਾਰ - ਵਾਰ ਇਹ ਕਹਿ ਰਿਹਾ ਸੀ ਕਿ ਉਹ ਕੁੜੀ ਨੂੰ ਮਿਲਣਾ ਚਾਹੁੰਦਾ ਹੈ, ਜਿਸ ਦਾ ਨਾ ਕੇਵਲ ਲੜਕੀ ਸਗੋਂ ਉਸ ਦੇ ਮਾਂ ਬਾਪ ਵੀ ਵਿਰੋਧ ਕਰ ਰਹੇ ਸਨ। ਬਸ ਇਸੇ ਗੱਲ ਤੋਂ ਦੁੱਖੀ ਹੋ ਕੇ ਇਸ ਨੌਜਵਾਨ ਨੇ ਯੋਗੇਸ਼ ਜੇਨ ਤੇ ਉਨ੍ਹਾਂ ਦੀ ਪਤਨੀ 'ਤੇ ਗੋਲੀਆਂ ਚਲਾ ਦਿੱਤੀਆਂ। ਗੋਲੀ ਮਾਰਨ ਤੋਂ ਬਾਅਦ ਦੋਸ਼ੀ ਮੌਕੇ ਤੋਂ ਫਰਾਰ ਹੋ ਗਿਆ। ਦੋਵਾਂ ਨੂੰ ਜੀਟੀਬੀ ਹਸਪਤਾਲ 'ਚ ਭਰਤੀ ਕਰਵਾਇਆ ਗਿਆ ਹੈ, ਜਿੱਥੇ ਡਾਕਟਰਾਂ ਦੇ ਮੁਤਾਬਕ ਦੋਵਾਂ ਦੀ ਹਾਲਤ ਗੰਭੀਰ ਹੈ।