ਸਿੱਖਸ ਫਾਰ ਜਸਟਿਸ ਨੇ ਸੋਨੀਆ ਗਾਂਧੀ ਨੂੰ ਦੇਣ ਲਈ ਅਦਾਲਤੀ ਸੰਮਨ ਪ੍ਰਾਪਤ ਕੀਤਾ

ਨਿਊਯਾਰਕ- ਸਿੱਖਾਂ ਦੇ ਹੱਕਾਂ ਲਈ ਲੜ ਰਹੇ ਗਰੁੱਪ ਨੇ ਕਾਂਗਰਸੀ ਨੇਤਾਵਾਂ ਨੂੰ ਬਚਾਉਣ ਬਦਲੇ ਕਾਂਗਰਸ ਪ੍ਰਧਾਨ ਸੋਨੀਆ ਗਾਂਧੀ ਖਿਲਾਫ ਦਾਇਰ ਇਕ ਮਾਮਲੇ ਵਿਚ ਉਨ੍ਹਾਂ ਨੂੰ ਇਕ ਹਸਪਤਾਲ, ਜਿਥੇ ਉਹ ਇਲਾਜ ਲਈ ਦਾਖਲ ਹੈ, ਵਿਖੇ ਸੰਮਨ ਦੇਣ ਲਈ ਅਮਰੀਕੀ ਅਦਾਲਤ ਤੋਂ ਸੰਮਨ ਪ੍ਰਾਪਤ ਕਰ ਲਿਆ। 

ਅਮਰੀਕਾ ਦੇ ਮਾਨਵੀ ਹੱਕਾਂ ਬਾਰੇ ਗਰੁੱਪ ਸਿੱਖਸ ਫਾਰ ਜਸਟਿਸ ਨੇ ਨਵੰਬਰ 1984 ਦੇ ਪੀੜਤਾਂ ਦੇ ਨਾਲ ਅਲਾਇਨ ਟਾਰਟ ਕਲੇਮਜ਼ ਐਕਟ ਅਤੇ ਟਾਰਚਰ ਵਿਕਟਮ ਪ੍ਰੋਟੈਕਸ਼ਨ ਐਕਟ ਤਹਿਤ ਸ੍ਰੀਮਤੀ ਗਾਂਧੀ ਖਿਲਾਫ ਕੇਸ ਦਾਇਰ ਕੀਤਾ ਸੀ। ਸਿੱਖਸ ਫਾਰ ਜਸਟਿਸ ਦੇ ਵਕੀਲ ਗੁਰਪਤਵੰਤ ਸਿੰਘ ਪੰਨੂੰ ਨੇ ਦੱਸਿਆ ਕਿ ਫੈਡਰਲ ਕੋਰਟ ਦੇ ਜੱਜ ਬਰਾਇਨ ਐਮ ਕੋਗਨਜ਼ ਨੇ ਹਸਪਤਾਲ ਅਤੇ ਸੁਰੱਖਿਆ ਸਟਾਫ ਨੂੰ ਹੁਕਮ ਦਿੱਤਾ ਹੈ ਕਿ ਉਹ ਹਸਪਤਾਲ ਵਿਚ ਨਿੱਜੀ ਤੌਰ 'ਤੇ ਸ੍ਰੀਮਤੀ ਗਾਂਧੀ ਨੂੰ ਸੰਮਨ ਅਤੇ ਸ਼ਿਕਾਇਤ ਦੀ ਨਕਲ ਪਹੁੰਚਾਉਣ। ਸ੍ਰੀਮਤੀ ਗਾਂਧੀ ਮੌਜੂਦਾ ਸਮੇਂ ਡਾਕਟਰੀ ਇਲਾਜ ਲਈ ਅਮਰੀਕਾ ਵਿਚ ਮੌਜੂਦ ਹੈ। 66 ਸਾਲਾ ਸ੍ਰਮਤੀ ਗਾਂਧੀ ਜਿਨ੍ਹਾਂ ਦਾ ਨਾਮਾਲੂਮ ਬਿਮਾਰੀ ਕਾਰਨ 5 ਅਗਸਤ 2011 ਨੂੰ ਆਪਰੇਸ਼ਨ ਹੋਇਆ ਸੀ ਪਹਿਲਾਂ ਫਰਵਰੀ ਅਤੇ ਫਿਰ ਸਤੰਬਰ ਵਿਚ ਜਾਂਚ ਕਰਵਾਉਣ ਅਮਰੀਕਾ ਗਈ ਸੀ।