ਲੜਕੀਆਂ ਨੂੰ ਪੁਰਸ਼ਾਂ ਪ੍ਰਤੀ ਆਕਰਸ਼ਿਤ ਹੋਣ ਦੀ ਬਿਮਾਰੀ-ਜੇਠਮਲਾਨੀ

ਜੋਧਪੁਰ - ਨਾਬਾਲਗ ਲੜਕੀ ਨਾਲ ਜਿਣਸੀ ਛੇੜਛਾੜ ਕਰਨ ਦੇ ਦੋਸ਼ੀ ਆਸਾਰਾਮ ਬਾਪੂ ਨੂੰ ਜਮਾਨਤ ਦਿਵਾਉਣ ਦੀ ਕੋਸ਼ਿਸ਼ ਕਰ ਰਹੇ ਪ੍ਰਸਿੱਧ ਵਕੀਲ ਰਾਮ ਜੇਠਮਲਾਨੀ ਅੱਜ ਅਦਾਲਤ ਵਿਚ ਇਕ ਤਰਕ ਦੇ ਕੇ ਵਿਵਾਦ ਵਿਚ ਫਸ ਗਏ। ਅਦਾਲਤ ਵਿਚ ਜੇਠਮਲਾਨੀ ਨੇ ਕਿਹਾ ਕਿ ਔਰਤਾਂ ਨੂੰ ਮਰਦਾਂ ਵੱਲ ਆਕਰਸ਼ਿਤ ਹੋਣ ਦੀ ਬਿਮਾਰੀ ਹੁੰਦੀ ਹੈ। ਜੋਧਪੁਰ ਹਾਈਕੋਰਟ ਵਿਚ ਜਮਾਨਤ ਅਰਜੀ 'ਤੇ ਸੁਣਵਾਈ ਦੇ ਦੌਰਾਨ ਜੇਠਮਲਾਨੀ ਨੇ ਸਵਾ ਘੰਟੇ ਤੱਕ ਅਦਾਲਤ ਵਿਚ ਦਲੀਲਾਂ ਦਿੱਤੀਆਂ। ਇਸ ਦੌਰਾਨ ਉਨ੍ਹਾਂ ਪੀੜਤ ਲੜਕੀ ਨੂੰ ਮਾਨਸਿਕ ਤੌਰ 'ਤੇ ਬਿਮਾਰ ਦੱਸਿਆ ਅਤੇ ਕਿਹਾ ਕਿ ਲੜਕੀ ਨੂੰ ਲੰਬੇ ਸਮੇਂ ਤੋਂ ਅਜਿਹੀ ਬਿਮਾਰੀ ਹੈ ਜਿਸ ਵਿਚ ਔਰਤ ਮਰਦ ਪ੍ਰਤੀ ਆਕਰਸ਼ਿਤ ਹੁੰਦੀ ਹੈ। (ਏਜੰਸੀ)