ਚੀਨ 'ਚ ਦੁਨੀਆ ਦੇ ਸਭ ਤੋਂ ਉੱਚੇ ਹਵਾਈ ਅੱਡੇ ਦਾ ਸੰਚਾਲਨ ਸ਼ੁਰੂ

ਬੀਜਿੰਗ- ਚੀਨ ਦੇ ਸਿਚੁਆਨ ਸੂਬੇ 'ਚ ਸਮੁੰਦਰੀ ਤਲ ਤੋਂ 4411 ਮੀਟਰ ਦੀ ਉਚਾਈ 'ਤੇ ਸਥਿਤ ਵਿਸ਼ਵ ਦੇ ਸਭ ਤੋਂ ਉਚੇ ਨਾਗਰਿਕ ਹਵਾਈ ਅੱਡੇ ਦਾ ਸੰਚਾਲਨ ਸੋਮਵਾਰ ਨੂੰ ਸ਼ੁਰੂ ਹੋ ਗਿਆ। ਹੁਣ ਸ਼ਾਂਗਰੀ-ਲਾ ਤੇ ਸੂਬੇ ਦੀ ਰਾਜਧਾਨੀ ਦਰਮਿਆਨ ਦੀ ਦੂਰੀ ਬਹੁਤ ਘੱਟ ਸਮੇਂ 'ਚ ਤੈਅ ਕੀਤੀ ਜਾ ਸਕੇਗੀ। ਸਮਾਚਾਰ ਏਜੰਸੀ ਸਿਨਹੂਆ ਨੇ ਖਬਰ ਦਿੱਤੀ ਹੈ ਕਿ ਤਿੱਬਤ ਦਾ ਖੁਦਮੁਖਤਿਆਰ ਸੂਬਾ ਗਾਰਜੀ ਦੇ ਦਾਓਚੇਂਗ ਖੇਤਰ 'ਚ ਸਥਿਤ ਦਾਓਚੇਂਗ ਯਾਡਿੰਗ ਹਵਾਈ ਅੱਡੇ 'ਚ ਸੰਚਾਲਨ ਸ਼ੁਰੂ ਹੋਣ ਦੇ ਬਾਅਦ ਦਾਓਚੇਂਗ ਤੇ ਸੂਬੇ ਦੀ ਰਾਜਧਾਨੀ ਚੇਂਗਡੂ ਦਰਮਿਆਨ ਦੀ ਦੂਰੀ ਦੋ ਦਿਨਾਂ ਦੀ ਬੱਸ ਯਾਤਰਾ ਦੇ ਬਦਲੇ 65 ਮਿੰਟ ਦੀ ਹਵਾਈ ਯਾਤਰਾ ਦੁਆਰਾ ਪੂਰੀ ਕੀਤੀ ਜਾ ਸਕੇਗੀ।