ਔਟਵਾ- ਪਾਰਟੀ ਕਿਊਬਿਕਸ ਦੁਆਰਾ ਲਿਆਂਦੇ ਵੈਲਿਊਜ਼ ਆਫ ਕਿਊਬਿਕ ਬਿਲ ਦੀ ਨਿੰਦਾ ਕਰਦਿਆਂ ਐਨ ਡੀ ਪੀ ਲੀਡਰ ਟੌਮ ਮਲਕੇਅਰ ਨੇ ਵਾਅਦਾ ਕੀਤਾ ਕਿ ਉਹ ਸਿੱਖ ਬਹਾਦਰਾਂ ਦੀਆ ਕੁਰਬਾਨੀਆਂ ਨੂੰ ਯਾਦ ਕਰਨ, ਜਿਹਨਾਂ ਨੇ ਸਾਡੀ ਆਜ਼ਾਦੀ ਦੇ ਲਈ ਆਪਣਾ ਲਹੂ ਵਹਾਇਆ। ਉਹਨਾਂ ਵਾਅਦਾ ਕੀਤਾ ਕਿ ਉਹ ਇਸ ਬਿਲ ਦੇ ਖਿਲਾਫ ਲੜਨਗੇ ਅਤੇ ਨਸਲਵਾਦ ਦੇ ਸਖ਼ਤ ਖਿਲਾਫ ਹਨ। ਉਹਨਾਂ ਕਿਹਾ ਕਿ ਸਾਡੀ ਪਾਰਟੀ ਵਜੋਂ ਅਸੀਂ ਵਾਅਦਾ ਕਰਦੇ ਹਾਂ ਕਿ ਅਸੀਂ ਉਹ ਹਰੇਕ ਬਿਲ ਦਾ ਵਿਰੋਧ ਕਰਾਂਗੇ, ਜਿਹੜਾ ਸਾਡੇ ਸਮਾਜ ਵਿਚ ਧਾਰਮਿਕ ਪਾਬੰਦੀਆਂ ਲਗਾਉਂਦਾ ਹੈ। ਉਹਨਾਂ ਕਿਹਾ ਕਿ ਸਿੱਖ ਸੈਨਿਕਾਂ ਨੇ ਦੋਵੇਂ ਵਿਸ਼ਵ ਜੰਗਾਂ ਵਿਚ ਲਹੂ ਵਹਾਇਆ, ਉਹ ਪੱਗੜੀ ਪਹਿਨ ਕੇ ਲੜਦੇ ਸਨ। ਸਿੱਖਾਂ ਨੇ ਆਪਣੀ ਪੱਗੜੀ ਦੀ ਰੱਖਿਆ ਲਈ ਬਹੁਤ ਲੰਮੀ ਲੜਾਈ ਲੜੀ ਹੈ। ਵਿਸ਼ਵ ਜੰਗਾਂ ਵਿਚ 2 ਲੱਖ ਸਿੱਖ ਸੈਨਿਕਾਂ ਨੇ ਭਾਗ ਲਿਆ ਅਤੇ 90 ਹਜ਼ਾਰ ਸਿੱਖ ਸੈਨਿਕ ਸ਼ਹੀਦ ਹੋਏ ਅਤੇ 1 ਲੱਖ ਦੇ ਕਰੀਬ ਜ਼ਖਮੀ ਹੋਏ। ਸਿੱਖ ਸੈਨਿਕ ਉਦੋਂ ਵੀ ਪੱਗੜੀ ਪਹਿਨ ਕੇ ਲੜਦੇ ਸਨ, ਕੀ ਅਸੀਂ ਭੁੱਲ ਗਏ ਹਾਂ।
ਉਹਨਾਂ ਉਦਾਹਰਣ ਦਿੰਦਿਆਂ ਕਿਹਾ ਕਿ ਇਕ ਸਿੱਖ ਨੂੰ ਪੱਗੜੀ ਪਹਿਨ ਕੇ ਕੰਮ ਕਰਨ ਵਿਚ ਕੀ ਅੜਿੱਕਾ ਹੈ? ਅਜਿਹਾ ਕਦੇ ਵੀ ਨਹੀਂ ਦੇਖਿਆ ਗਿਆ।